Elbasy Konstıtýsııa kúnimen quttyqtady

Qymbatty otandastar!

Barshańyzdy Qazaqstan Respýblıka­sy­nyń Konstıtýsııasy kúnimen qut­tyq­taımyn!

Elimizdiń Ata Zańy ýaqyt synynan sú­rinbeı ótip, tarıhı damýymyzdyń jal­pyulttyq baǵdaryn aıqyndaýda bas­ty mánge ıe bolyp otyrǵanyn dálel­dedi. 

Konstıtýsııa memlekettiligimizdiń be­rik irgetasyn qalaı otyryp, ishki saıa­sı turaqtylyqty qamtamasyz etýge já­ne Qa­zaq­stan qoǵamyn biriktirýge zor úles qosty. 

Ata Zańymyzda jarııalanǵan zań ús­temdigi, quqyqtar men bostan­dyqtardyń múl­tiksiz saqtalý qaǵıdattary, áleý­mettik kepildikter men jalpy adamzatqa ortaq joǵary qundylyqtar árbir azamattyń janyna jaqyn ári túsinikti. 

Qazirgi kezeńdegi qoǵamdyq jáne mem­lekettik qurylystyń konstı­týsııalyq normalary – búkil Qazaqstan hal­qy úshin senimdi bolashaqty qam­ta­masyz etetin dáıekti damý men jańǵyrý úderisteriniń negizi.

Osy merekege oraı barsha qazaq­stan­dyqtarǵa beıbit ómir, ıgi bastamalar men baq-bereke tileımin!