Shahter eńbeginiń eren merekesi

Tamyz aıynyń sońǵy jeksen­bisi qaraǵandylyqtar úshin bas­ty mereke kúnderiniń biri. Ken­shiler astanasy Shahter kúnin atap ótedi. Dástúrli merekege sońǵy kúnderi jıilegen jaýyn-shashyn bóget bola almady. Bul joly da negizgi dýman Qaraǵan­dynyń Ortalyq saıaba­ǵynda bas­talyp, shahterler kóptep tura­tyn qanattas Saran, Abaı, Shahtınsk qalalarynda da erekshe saltanatpen merekelendi. Al ob­lys ortalyǵyndaǵy Kenshi­ler mádenıet saraıynda ataýly kúnge oraı jıyn bolyp, shah­ter­lerdi marapattaý rásimi ótti. 

– Sizderge orasan eńbekterińiz úshin alǵys aıtqym keledi. Bıyl «ArselorMıttal Temirtaý» AQ basshylyǵymen kelisimge qol jetkizip, resmı qujatqa sáıkes, kompanııa óndiris nysandaryna úsh jyl ishinde 305 mlrd teńge ınvestısııalaıtyn boldy. Bul qarajat shahtalardy damytýǵa, eńbekkerlerdiń qaýipsizdigin arttyrýǵa jumsalmaq. Kásibı merekelerińizben shyn júrekten quttyqtaımyn, – dedi saltanatty jıynda oblys ákiminiń orynbasary Almas Aıdarov.

Shahterler men eńbek ar­da­ger­­lerin «ArselorMıttal Temir­taý» AQ-tyń atqarýshy dı­rek­­­tory Vadım Basın de kásip­­oryn basshylyǵynyń atynan arnaıy quttyqtady. 

– Búgingi kún Qaraǵandy úshin erekshe, óıtkeni bul osy óńir­diń negizin qalaýshy shahter eń­be­giniń merekesi, – dedi ol. Osyn­­­daǵy myńdaǵan adam­dar­dyń ómiri shahterdiń úlken qur­metke laıyq aýyr eńbegi­men baı­lanysty. О́ńirdiń ıgilik­teri tikeleı siz­­der­diń qajyr­ly eń­bek­­teri­ńiz­­diń jemisi. Ásirese ardager shah­­ter­lerge alǵysymyz shek­siz, siz­der­diń arqalaryńyzda qazir b­izdiń qalyptasqan eńbek dástúr­leri­miz, joldaryńyzdy qýǵan izbasarlar bar. 

Osydan keıin birqatar ken­shi­lerge túrli marapattar tabys etildi. «Tentek» shahta­syn­­daǵy konveıerlik kólik ýchaskesi­niń basshysy R.Valeev, tazartý ken­jarynyń jumysshylary G.Vıgovskıı (Lenın atyndaǵy shahta), L.Kotov («Shahtınsk» shahtasy), B.Mahambetov («Abaı» shahtasy), S.Chernyshov (T.Kúzem­baev atyndaǵy shahta), prohod­chıkter O.Proskýrnın (Kostenko atyndaǵy shahta) men Q.Murynbaev («Qazaqstan» shahtasy), «Saran» shah­ta­sy­nyń jerasty elektrslesari  I.Svırıdov I dárejeli «Shahter dańqy» belgi­simen marapattaldy. Sony­men qatar II dárejeli «Shahter» dańqy belgisimen 17 shahter, III dárejeli belgimen 25 shahter nag­­radtaldy.

Al úsh dárejeli «Eńbek dań­qy» belgisiniń ár dárejesimen on eki adamnan, barlyǵy 36 shahter marapattaldy. Sondaı-aq on­da­ǵan kenshilerdiń eńbegi mereke ús­­tinde Qaraǵandy oblysy áki­mi­­niń Qurmet gramotasymen jáne Alǵys hattarmen atalyp ótti. 

Qaırat ÁBILDA,

«Egemen Qazaqstan»

QARAǴANDY