Bul – ýaqyt dáleldegen aqıqat

Adam retinde jáne azamat retinde Mań­ǵys­taý oblysy, Jańaózen qa­lasyndaǵy merekelik is-sharalar kezinde oryn alyp, kisi ólimine soq­tyr­ǵan jap­paı beı-be­re­ketsizdikter tý­ra­ly ha­bardy ókine jáne qaı­ǵy­ra qabyl­da­dym. Jazyqsyz qaza tap­qandardyń otbasyna qaıǵy­sy­na ortaqtasyp kóńil aı­tamyn. Bul – bizdiń halqymyz úshin asa jat qylyq. О́kinishtisi, elimiz úshin eń qasıetti qundylyq – Táýelsizdik kúni ádeıi, sa­na­ly túrde jasalǵan áreket ekendigi. Táýelsizdikten asqan uly qun­dylyq, asqan jetistik bar ma? Qoǵamymyzda tarıhı or­nyq­qan qoǵamdyq kelisim, tu­raq­tylyq pen adamdardyń bir-birine jáne bola­sha­ǵyna degen senimine qol suǵý – bul keshirilmeıtin qyl­mys. Tártipsizdikti uıymdastyrýshy­lar da, oǵan belsendi qatysqandar da zańǵa sáıkes jaýap­qa tartylýy tıis. Qoǵamdyq kelisim jáne tu­raq­tylyq – Pre­zıdentimizdiń júrgizip otyrǵan saıasaty, Qazaqstan halqynyń tańdaǵan qalypty ómir salty. Biz 20 jyl boıy Qazaq elin­degi beıbit ómir men ty­nysh­tyqty kózimizdiń qarashy­ǵyndaı saqtap kelemiz. Eldiń ıgiligi úshin aýyzbirshilikke kelý, sózge toqtaý, birigý – qa­zaq­tyń qanyna sińgen qasıet. Qajet bolǵan kezinde túıindi sheshimniń bas­taýyn­da turatyn halqymyzdyń parasaty men kemel kemeń­gerligine tolyq senimdimin. Biz – qıynshylyq kór­gen jannyń qasynan taby­latyn halyqpyz. Buǵan ta­rı­hy­myz dálel. Áleýmettik máselelerdi jap­paı tártipsizdikti týdyrý­dyń syltaýyna, eńbek daýla­ryn saıası oıynnyń quralyna aınaldyrýdyń saldary qara­paıym adamdardyń zardap shegýine ákeletin áreketterge qa­tań tyıym salyný kerek. Álemdik jáne otandyq tarıh kez kelgen kıkiljińniń tek beıbit jolmen, kelissózder men ortaq bitimgerlik arqyly ǵana sheshiletinin dáleldegen. Búginde Prezıdent, Úkimet, qoǵam zardap shekken el azamat­tary úshin barlyq jaǵdaıdy jasap jatyr. Osynyń ózi bizdiń kúshimiz birligimizde, er­teńgi kúnge degen senimimizde, beıbitshilik pen kelisimde, Ult kóshbasshysy Nursultan Ábish­uly Nazarbaevtyń aınalasyna uıysýda ekenin aıǵaqtaıdy. Memleket basshysynyń «Mań­ǵystaý oblysy, Jańaózen qalasynda tótenshe jaǵdaı jarııalaý týraly» Jarlyǵy, mem­lekettiń neǵurlym tezirek ómirlik qajetti nysandardy qaı­ta qalpyna keltirý, beıbit turǵyndardyń tynyshtyǵyn qam­tamasyz etý, qylmystyq áre­ketterdi zańǵa sáıkes aıyp­taý úshin barlyǵyn jasap otyrǵanynyń aıqyn dáleli. Jańaózende oryn alǵan oqıǵa árqaısymyzǵa sabaq bo­lýy tıis. Qarapaıym adamdar­dyń máselelerin sheshýge ún qosý – bizdiń ortaq mindetimiz. Talaıly taǵdyrymyzdan tý etip alyp shyqqan rýhanı birligimiz ben eldigimiz Qazaqstan halqyn, onyń árbir azamatyn bıik belesterge jetkizetinine senimim nyq. Bul – ýaqyt dáleldegen aqıqat. Eraly TOǴJANOV, Qazaqstan halqy Assambleıasy Tóraǵasynyń orynbasary.