Úmit otyn jaqqandaı boldy

Memleket bas­shy­sy Nur­sul­tan Na­zar­baev­tyń Mańǵys­taý­da oblys ak­­tıvi jı­naly­synda ula­ǵatty sóz sóılep, jappaı tártip­siz­diktiń saldarynan jazyqsyz japa shekken jańaózendiktermen kezdesýi aldaǵy kúnderge degen úmit otyn jaqqandaı boldy. Basbuzar top biraz adamdy ábi­gerge saldy. Qaladaǵy negizgi nysan­dar­dy qıratyp, ot qoıyp, oırandady. Dál sondaı sátte Elbasy Jańa­ózen qalasynda tótenshe jaǵdaı engizýge Jarlyq shyǵardy. Sonyń nátıjesinde adamdardyń qaýip­siz­digi saq­tal­dy. Qaraqshylyq qylyqtarǵa tosqaýyl qoıyldy. Quqyq qorǵaý organdary men áskerıler Jar­lyqqa saı jumys istedi. Sanaýly kúnderde biraz búlingen nysan­dar qalpyna keldi. Elbasy tap­syrmasymen qurylǵan Úkimettik komıssııa halyqpen qoıan-qoltyq jumys jasady. Negizgi nysandar, áleýmettik sala oryndary birinshi kezekte nazarda bolyp, tur­ǵyndar azyq-túlik tapshylyǵyna ushyraǵan joq. Al beısenbi kúni Elbasynyń sondaı zardap shegip, qınalyp jat­qan Jańaózen qalasy hal­qymen kezdesýi kópshiliktiń kóńi­linen shyqty. Sonyń aıǵaǵy retinde Nur­sultan Ábishulyna al­ǵys aıt­ty. Onyń el halqynyń qamqory bolyp aman-saý júrýine tilektestikterin bildirdi. Biz kór­setiletin kómek, ja­salýdaǵy qamqorlyqtyń Elba­sy­nyń tikeleı tapsyrmasy­men júzege asýda ekendigin jaqsy bilemiz. Ony asa joǵary baǵa­laı­myz. Sondyqtan da bar­sha­myz da kóp ultty halqymyz dos­tyqty tý etip, elimiz tynysh bolýy jolynda kúsh-jigerimiz ben parasat paıy­mymyzdy jum­saıtyn bolamyz. Muqanjan KAMALOV, Qazaqstan halqy Assambleıasy  oblystyq hatshylyǵynyń meńgerýshisi.    Mańǵystaý oblysy.