Qyrǵyzstan astanasy Bishkek qalasynda ótken Túrki keńesi Syrtqy ister mınıstrleriniń jıynynda Majarstan resmı túrde TWESCO-ǵa baqylaýshy mártebesine ıe boldy, dep habarlandy Túrki Akademııasynyń resmı saıtynda.
Jıynda Syrtqy ister mınıstrleri Majarstanǵa TWESCO-ǵa baqylaýshy mártebesin beretin jáne Akademııanyń birqatar quryltaıshy qujattaryna da qol qoıdy. Osylaısha túrki áleminiń ǵylymı-ıntellektýaldy ortalyǵy sanalatyn TWESCO qanatyn keńge jaıyp, aımaqtyq ıntegrasııa aýqymynan shyqty. Uıymǵa Majarstannyń baqylaýshy retinde qatysýy TWESCO-ny tutas qurlyqty qamtıtyn halyqaralyq uıymǵa aınaldyryp otyr.