Jobalar joldama aldy

Elordadaǵy №54 mektep-lıseıde Astana qalasynyń ákimi Iman­ǵalı Tasmaǵambetovtiń qatysýy­men «Smart Astana» (Aqyldy qala) tu­jy­rymdamasy sheńberinde «Bo­la­shaq mektebi – búgin» jáne «E –  jedel járdem» ınnovasııalyq jo­ba­larynyń tusaýkeseri bolyp ótti. «Bolashaq mektebi – búgin» jo­basy mektepte oqý úderisin ońtaı­landyrýmen qatar zaman surany­syna, áleýmettik-ekonomıkalyq jaǵ­daıǵa jáne jahandaný talaptaryna sáıkes bilim berýdiń sapasyn art­tyrý maqsatynda qurylyp otyr. Innovasııalyq tehnologııalarǵa qa­jettilikti anyqtaý maqsatynda mektepte zertteýler júrgizý, keńester da­ıyndaý, áleýmettik jeli jasaý, je­ńildikpen ınternet jelisine qo­sylý jobanyń basty baǵyttary bo­lyp tabylady. Áleýmettik jeli ar­qyly oqýshy basyp shyǵarýǵa bo­la­tyn elektrondyq kitaptardy paı­dala­nyp, mekteptegi aptalyq oqý kestesimen tanysyp, habarlandyrý taqtasy arqyly mektepte ótetin sharalardan qulaǵdar bolyp, ár oqýshy  óz posh­ta­sy arqyly mekteptegi beınebaıan­dar­dy qarap, óz pikirin qaldyra alady. Júıe qyz­metinde oqýshylardyń mektep ǵımaratyna kirý-shyǵý faktisi boıynsha ata-analarǵa sms-habar­lan­dyrý joldaýdan bastap, bolashaqta tólem kartasy, jolaqy qujaty retinde paıdalaný múmkindigine ıe bo­latyn oqýshy kýáligin engizý qaras­tyrylǵan. Medısınalyq kómek kórsetýdiń sapasyn arttyrýǵa baǵyttalǵan «E – jedel járdem» jobasy jedel járdem toptaryna aýrýhanalarmen tikeleı baılanysqa shyǵýǵa múm­kin­dik jasap, aýrýdyń belgileri bo­ıyn­sha emdeý joldaryn qaras­ty­ryp, qajetti dári-dármekterdi taba bilý sııaqty is-sharalardy der kezinde júzege asyra alady. Bul joba jedel járdem qyzmetiniń deńgeıin arttyryp, ońtaılandyrýǵa, tez sheshim qabyldaýǵa, syrqat adamnyń meken-jaıyn izdestirý kezinde júr­gizýshi tarapynan qatelikti bold­yr­maýǵa, sondaı-aq ýaqyt únemdeýge múmkindik beredi. Berik SADYR.