2016 jyly elimizde astyq rekordtyq mólsherde jınalǵan. Al ótken jyly 21 mln tonna ónim óndirildi.
2019 jyldan bastap elimizde egin jınaý jumystaryna arnalǵan arzandatylǵan janar-jaǵarmaıdy elektrondy bólý jáne ótkizý tájirıbesi engiziledi. Bıyl bul joba Pavlodar óńirinde sátti júzege asty.
Jambyl jáne Túrkistan oblystarynda egin jınaý naýqany aıaqtalyp qaldy. Bıyl bul óńirlerdegi ortasha túsimdilik gektaryna 21 sentnerdi quraǵan. Aqtóbe, Almaty, Batys Qazaqstan, Pavlodar, Qyzylorda jáne Shyǵys Qazaqstan oblystarynda astyq áli de orylyp jatyr. Boljam boıynsha bıyl 20 mln tonna ónim jınaý kózdelgen. Qýańshylyq jaǵdaıǵa qaramastan, bul jaqsy kórsetkish.