Tamyz aıynda Medısınalyq saqtandyrý qoryna 8 mlrd 156,9 mln teńge kóleminde jarna aýdaryldy, dep habarlaıdy qor qyzmeti.
Júıe iske qosylǵan 2017 jyldyń 1 shildesinen 2018 jyldyń 31 tamyzyna deıingi aralyqta túsken qarjyyń jalpy somasy 97 mlrd teńgege jetti.
Onyń 88,4 mlrd teńgesi (91% jýyǵy) jumys berýshilerdiń aýdarymdary bolsa, qalǵan 8,6 mlrd teńge (9% jýyǵy) – jeke kásipkerler men azamattyq-quqyqtyq kelisimshart negizinde eńbek etetin tulǵalarǵa tıesili.
Aımaqtyq turǵydan alǵanda, jarna tóleý jaǵynan Almaty, Astana qalalary men Qaraǵandy oblysy kósh bastap tur.
Jınaqtalǵan qarjy Ulttyq bankte saqtalady. Elimizdiń bas bankimen qarjyny senimgerlik basqarý týraly kelisim bekitilgen. Bolashaqta MÁMS paketi sheńberindegi qyzmetter aqysyn tóleýge jumsalýy tıis.