Semeıde bıyl «Kúndelik.kz» elektrondyq jýrnaly barlyq mektepterde engiziletin bolady.
Elektrondy júıege kóshýdi qala mektepteri 2015-2016 oqý jyldardan beri josparǵa qoıǵan. Qazir jobaǵa qala boıynsha 31 mektep qosylyp otyr. Nátıjesinde 1218 muǵalim men 9955 oqýshy jáne 8338 ata-ana elektrondyq jýrnalǵa tirkelgen.
Semeı qalalyq bilim bóliminiń ádiskeri Tatıana Bessarabovanyń aıtýynsha, 2020 jylǵa deıin barlyq mektep elektrondy jýrnalǵa kóshedi. Biryńǵaı júıede oqýshynyń oqý úlgerimi men sabaqqa qatysýy týraly barlyq aqparat jınaqtalady. Ata-ana da qalaǵan ýaqytynda balasynyń baǵasyn onlaın túrde kóre alady.
«QR Bilim jáne ǵylym mınıstrliginiń 2016 jylǵy 29 tamyzyndaǵy №536 buıryǵy boıynsha orta bilim berý mekemeleri «Kúndelik.kz» júıesine qosylýdy bastaǵan bolatyn. «Sıfrlyq Qazaqstan» memlekettik baǵdarlamasyn júzege asyrýdyń aıasynda 2020 jylǵa deıin barlyq mektepterde 100% elektrondyq jýrnal engizilmek. Bul júıe ustazdardy qaǵazbastylyqtan bosatady. Ata-analar úshin oqý qyzmetiniń ashyqtyǵyn arttyra túsedi», - deıdi Tatıana Bessarabova.