Búgin QR Parlamenti Májilisiniń jalpy otyrysynda Ortalyq saılaý komıssııasynyń jańa múshesi bekitildi.
Aqylbek Jámeluly Ihdanov QR OSK múshesi qyzmetine taǵaıyndaldy.
Aqylbek Jámeluly Ihdanov Almaty Halyq sharýashylyǵy ınstıtýtyn ekonomıst mamandyǵy boıynsha támamdaǵan. Ár jyldary QR Eńbek mınıstrliginde, QR Prezıdenti Ákimshiliginiń Uıymdastyrý-baqylaý bóliminde eńbek etken. QR Prezıdenti Ákimshiliginiń memlekettik baqylaý jáne uıymdastyrý jumystary bóliminiń memlekettik ınspektory, QR Prezıdenti Ákimshiliginiń memlekettik ınspektory, Shyǵys Qazaqstan oblysy ákimdigi apparatynyń jetekshisi bolyp jumys istedi.
2009 jyldyń sáýir aıynan bastap «Nur Otan» halyqtyq-demokratııalyq partııasy Tóraǵasy birinshi orynbasarynyń keńesshisi retinde qyzmet atqarǵan. 2009 jyldyń maýsym aıynan bastap «Nur Otan» HDP Ortalyq apparaty partııalyq uıymdastyrý jumysy departamentiniń dırektory.
2011 jyldyń tamyz aıynda QR Parlamenti Májilisindegi «Nur Otan» HDP fraksııasy Apparatynyń jetekshisi boldy. 2016 jyldan bastap «Nur Otan» partııasy Ortalyq apparatynyń basshysy qyzmetine taǵaıyndaldy.