Halyq arasyndaǵy qyzý úgit úderisteri

Qazaqstan sosıal-de­mo­kratııalyq «Aýyl» partııa­sy­nan tirkelgen Parlament Májilisiniń depýtattyǵyna kandıdattar qazirgi kúni elimizdiń ár túkpirinde ha­lyq arasyna baryp, ózde­ri­niń saılaýaldy baǵdar­la­malaryn túsindirip, úgit-nasıhat jumystaryn qyzý júrgizýde. Keshegi kúni Parlament Májilisiniń depýtattyǵyna kandıdat, aýyl sharýashy­ly­ǵy ǵylymdarynyń dok­to­ry, akademık Kópmaǵa­m­bet Elemesov Atyraý ob­ly­synyń Mahambet aýdanynda bolyp, aýdan ortalyǵynyń jurtshylyǵymen jáne aýyl adamdarymen kezdesti. Kezdesý barysynda akademık partııa baǵdarlamasynda kóz­delgen basymdyqtardy jáne olardy júzege asyrý úshin qoldanylatyn tetikterdi áńgimeledi. – Biz naryqtyq refor­ma­lardyń qıyn kezeńinen óttik. Qazaqstan halqynyń eńbegi­niń, baı tabıǵı-resýrs­ta­ry­myzdyń jáne solar boıynsha álemdik naryqta qalyptasyp otyrǵan qolaıly baǵanyń nátıjesinde el ekonomıkasy aıaǵynan nyq turdy. Bul rette Memleket basshysy Nur­sultan Nazarbaevtyń eńbegin aıtpaı ketýge bolmaıdy. Degenmen, halyqtyń turmysyn jaqsartýda áli de eskeretin máseleler barshylyq. Mine, sol máseleler «Aýyl» par­tııa­synyń baǵdarlamasy men saılaýaldy tuǵyrnamasynda aıqyn kórinis tapqan, – degen akademık osy oraıda par­tııa­nyń alǵa qoıyp otyrǵan mindetterine jan-jaqty toqtal­dy. Solardyń qatarynda elimizde kúshti áleýmettik memleketti nyǵaıtý, aýyldyń ál-aýqatyn arttyrý sekildi ma­ńyzdy máseleler bar. – Aýylda jumys oryn­da­rynyń ósýi 2,5-3 ese qam­ta­masyz etilýi tıis. Aýyldyq­tar­dyń kirisi aıyna bir adam­ǵa keminde 100 myń teńgege, aýyl dárigerleri men muǵa­lim­deriniń jalaqysy 150 myń teńgege jetý qajet, – deı kele, «Aýyl» partııa­sy­nyń Parlament Májilisinen qajetti oryndardy alǵan jaǵ­daıda osy úshin kúsh sala­tyndyǵyn jetkizdi. Jalpy, «Aýyl» partııa­synyń quramynda aýyldyń múd­desin kózdeıtin aýyl sha­rý­ashylyǵy qyzmetker­le­ri­men qatar, mádenıet pen óner­diń adamdary da az emes. Solardyń qatarynda jazýshy Dýlat Isabekovti, ataqty ánshi Nurǵalı Núsipjandy aıtýǵa bolady. «Aýyl» par­tııasynyń atynan Parlament Májilisi depýtat­tyǵy­na kandıdat bolyp tirkelgen olar qazirgi kúni osyn­daı mártebege ıe bolǵan aýyl sharýashylyǵyna qa­tys­ty mekemelerdiń basshy­lary Seıitqazy Keshýov, Álıhan Medelbekovpen birge partııanyń Almaty qala­lyq uıymynyń saılaýaldy shtabynda aýdandyq partııa uıymdarynyń tóraǵalary­men, qaladaǵy belsendi azamattarmen kezdesip, májilis qurdy. Kezdesý barysynda saı­laýaldy naýqandy uıym­das­tyrý máseleleri, jos­par­lan­ǵan jumystardyń oryn­dalý barysy jáne partııa­nyń ortalyq shtabymen, Almaty oblystyq shtaby­men jumystardy bir arnada úılestirip otyrý jaǵdaıy talqylandy. Dál osy kúni mundaı kezdesýler elimizdiń basqa da óńirlerinde bolyp ótti. Suńǵat ÁLIPBAI.