Qurylys salasyndaǵy bıznes ókilderine Qala qurylysy kodeksin daıyndaýdyń alǵashqy nátıjeleri tanystyryldy.
Qala qurylysy kodeksin ázirleýdiń oryndylyǵyn anyqtaýǵa baǵyttalǵan zertteýdiń alǵashqy nátıjeleri «Atameken» QR UKP Tóralqasynyń Qurylys jáne turǵyn úı-sharýashylyq komıteti otyrysynda talqylandy. «Atameken» atalǵan zertteýdi QR Investısııalar jáne damý mınıstrligi, salalyq qaýymdastyqtar jáne beıindi sarapshylarmen birge júrgizip otyr.
«Qazaqstanda bul salany retteıtin birneshe zań bar, biraq olar bir-birine kereǵar. Ázirlenip jatqan Qala qurylysy kodeksi erejelerdi naqtylap, jınalyp qalǵan máselelerdi retke keltirýi tıis», – dedi «Atameken» QR UKP Tóralqasy Qurylys jáne turǵyn úı-sharýashylyq komıtetinyń tóraǵasy Aleksandr Belovıch.
О́z kezeginde «Atameken» QR UKP Basqarma Tóraǵasynyń orynbasary Eldos Ramazanov bul másele 2015 jyldan beri kóterilip kelgenin, QR Investısııalar jáne damý mınıstrligimen birqatar talqylaý ótkenin aıtty, sonyń nátıjesinde keshendi taldaý júrgizý týraly sheshim qabyldanǵan.
«Máseleni sheshý úshin naqty, dáıekti usynystar kerek, qalǵanyn barlyǵyn talqyladyq. Komıtet múshelerin máselege atsalysýdy suraımyn, sarapshylardy usynyńyzdar, barlyq taraptardyń jumylýy shart», – dedi Eldos Ramazanov.
Qala qurylysy kodeksin qurý jumysynyń birinshi kezeńi boıynsha taldaý nátıjelerin Qurylysshylar qaýymdastyǵynyń ókilderi tanystyrdy. Olar sáýlet, qala qurylysy jáne qurylys salalaryndaǵy ulttyq jáne halyqaralyq zańnamany, quqyq qorǵaý jáne sot praktıkasyn salystyrmaly-quqyqtyq taldaý jasady, salalyq zańnamalardaǵy qaıshylyqtardy, kemshilikter jáne qarama-qaıshylyqtardy anyqtady.
Komıtet múshesi Melık Alpysbaev ınvestısııalaý aldyndaǵy kezeńnen bastap ınvestısııalardan keıingi kezeńderge deıin obektiniń tirshilik sıklyna nazar aýdarýdy usyndy.
«Sáýlet jáne qala qurylysy salasynda baqylaý-qadaǵalaý fýnksııalary men ınjenerlik jumys túrleri irgeli bolatyny belgili, al olar taldaýda joq. Bul jobany basqarý, tehnıkalyq qadaǵalaý, avtorlyq qadaǵalaý, nysan-ǵımaratty zertteý jumystary. Jobany basqarý – tapsyrys berýshi, qurylys salýshyny tartyp, qurylys jumystaryna daıyndyq júrgizip, qurylystyń tirshilik kezeńderiniń barlyǵyn basqaratyn qyzmet», – dedi Melık Alpysbaev.
«Qala qurylysy kodeksi bizge óte qajet qujat, ýaqyty keldi. Bizdiń oıymyzsha taldaýdy halyqaralyq tájirıbe turǵysanan kúsheıtý kerek», – dedi «Saraptamalyq uıymdar palatasynyń prezıdenti Serik Álibaev.
Zańnama ınstıtýty qatysýshylarǵa tolyǵyraq aqparat berdi.
«Qazir barlyq zańǵa qosymsha aktiler, tehnıkalyq qujattardy egjeı-tegjeıli zerttep jatyrmyz, kóp olqylyqtardy anyqtadyq. Ádette, norma jaqsy jazylǵan, qurylymy dáıekti bolady, alaıda praktıkaǵa kelgende basqasha túsindiriledi nemese ol normany qoldanýǵa qorqady. Taǵy mynadaı jaǵdaı bar, norma buıryq nemese normatıvti-tehnıkalyq qujatta bar, al zańǵa qosymsha aktide qatynastardy retteý qıynǵa soǵyp jatady. Kodeks ázirlense barlyǵy retteledi. О́ıtkeni kodeks, buıryqqa qaraǵanda jıi ózgeriske ushyramaıtyn qujat. Al negizgi normatıvti mazmun zańǵa qosysha aktide bolǵany táýekelderdi kóbeıtedi. Eger barlyq materıaldy júıeleý ýaqytynda kodekske engiziletin barlyq normatıvti-quqyqtyq aktiler sáıkestenip, sonymen qatar salanyń ózine ádistemelik ózgertý jasalsa, quqyqtyq retteý mehanızmi ózgerse, onda shoǵyrlandyrý ǵana emes, kodtaý prosesi de júrgizildi dep aıtýǵa bolady», – dep túsindirdi Zańnama ıntsıtýtynyń ókili.
Mamannyń dáıegi Komıtet músheleri tarapynan qoldaý tapty. Qurylys salasy men turǵyn úı-qurylysy sharýashylyǵyn damytý departamentiniń dırektory Darhan Saqanov zertteý jumystary osy túsindirmege negizdelip jasalýy kerek dep sanaıdy. Osylaısha kodekske shoǵyrlandyrylǵan zańnama bolyp otyrǵan sáýlet týraly zań túrin ózgertýdiń shyn máninde dáleldemeli bazasy bolady. Onyń aıtýynsha, egjeı-tegjeıli zertteýdiń qajeti joq, keregi naqtylyq: kodekske engizýdiń naqty sebepteri bolýy shart. Darhan Saqanov taldaý qajetti deńgeıde qurylymdalmaǵan jáne ári baǵyt boıynsha nátıje kerektigin alǵa tartty.
«Aldaǵy ýaqytta zertteýdiń eki kezeńi baryna qaramastan, salaǵa tıisti reforma jasaý kerek ekeni anyq», – dedi Aleksandr Belovıch.
Qorytyndylar men usynystardy kórsetetin zertteýdiń ekinshi kezeńiniń nátıjelerin talqylaý bıyl qarasha aıyna josparlanyp otyr.
«Jańa qujat barlyq normatıvti-quqyqtyq aktilerdi júıelendirip, qurylys jumystaryn memlekettik retteý salasyndaǵy zańnamany jetildirý, saladaǵy olqylyqtar men qaıshylyqtardy joıý kerek. Bıznes ókilderi qurylys zańnamasyn júıelendirý men kodtaý boıynsha máseleni burynnan beri kóterip keledi. Al «Atameken» bıznes múddelerin shoǵyrlandyrýshy uıym retinde ýákiletti organ aldynda bastama kóterdi. Taldaý jumysy barlyq aspektilerdi eskerip, qurylymdaý qajet. Ár qaýymdastyqtan bir sarapshydan bólip, ár norma boıynsha qorytyndy berilýi kerek», – dedi Eldos Ramazanov.