Búgin qazaqstandyq sportshylar túrli dárejedegi medal ıelendi. Onyń 2- altyn, 2-kúmis, 4 - qola.
Qysqa aralyqtaǵy at jarysy qunan báıgede (1600metr) jerlesimiz Ádilet Shynaıdarovtyń sáıgúligi «Padısha Nýrı» qola medaldi jeńip aldy, 2400 metr qashyqtyqtaǵy at jarysynan shabandoz Merhan Bulǵynov «Dıchato» arǵymaǵymen altyn júldeni ıelendi.
Qyrǵyzdyń orda (asyq atý) oıynynda qazaqstandyq asyqshylar qola júldeni ıelendi. Jamby atý sportynda Tulybekov Abzal kúmis, Aıkóz Erlanhan qolany ıelendi. Bas júlde Vengrııa memleketiniń sportshysyna buıyrdy.
Túriktiń aba kúresinde 65 kg salmaqta Qurbanqulov Áýeshan altyn medal jeńip aldy. Tájiktiń gıýresh kúresinde 80 kg salmaq dárejesinde qyrǵyz palýanymen kúresken Almas Amalbek kúmis medaldi ıelendi, al 60kg salmaqta Ábikenov Eldos qola medaldi qanaǵat tutty.
Sonymen qatar, aýdaryspaqtan bes salmaq dárejesinde óner kórsetetin bes sportshymyz da erteń ótetin aqtyq básekege joldama aldy. Fınalda olar qyrǵyz palýandarymen kezdesedi.
Kókparshylarymyz jartylaı fınalda ózbek sportshylarynan 4-5 esebimen jeńildi.
5 kúnniń qorytyndysy boıynsha Qazaqstan Ulttyq quramasynyń qorjynynda 13-altyn, 17-kúmis, 22-qola medal bar. Qorytyndysynda 52 medal.