BIATLONShY QYZDYŃ ERLIGI

Keshe Qazaqstan Respýblıka­sy­nyń Premer-Mınıstri Kárim Másimov bıatlonnan Qazaqstan quramasynyń múshesi Elena Hrýstal¿vany Vankýverdegi qysqy Olımpııalyq oıyndarda kúmis medaldi jeńip alýymen quttyq­tady. Úkimet basshysynyń baspasóz qyzmeti. ON EKI JYL KÚTTIRGEN KÚMIS MEDAL! Eren erligińe eliń rıza, Elena! Jeńisti jolyń jerlesterimizge juǵysty bolsyn! BIATLONShY  QYZDYŃ ERLIGI Keshe Qazaqstan Respýblıka­sy­nyń Premer-Mınıstri Kárim Másimov bıatlonnan Qazaqstan quramasynyń múshesi Elena Hrýstal¿vany Vankýverdegi qysqy Olımpııalyq oıyndarda kúmis medaldi jeńip alýymen quttyq­tady. Olımpııalyq qalashyqqa jiberilgen quttyqtaý jedelhatyn­da bylaı delingen: “Qurmetti Elena Vladımırovna! Respýblıka Úkimetiniń, mıl­lıon­daǵan qazaqstandyq jankúıer­lerdiń jáne elimizdegi sporttyq qo­ǵamnyń atynan Sizdi Olımpıa­da­nyń kúmis medalimen shyn júre­kten quttyqtaımyn! Siz jeńip alǵan júlde bizdiń bá­rimiz úshin qymbat. Bul – qazaq­standyqtardyń qysqy Olımpıa­da­da on eki jyldyq úzilisten soń qol jetkizgen olımpıadalyq medali. Sizdiń sporttyq erligińiz otandyq sporttyń dańqty jylnamasynyń taǵy bir jarqyn paraǵyna aına­lady. Elena Vladımırovna, Sizdiń jeńisińiz qurama komandadaǵy serikterińiz úshin laıyqty úlgi bolaryna úmitim zor. Sizge sáttilik pen jańa jeńister tileımin!” ON EKI JYL KÚTTIRGEN KÚMIS MEDAL! Ábdirahman QYDYRBEK. HHI qysqy Vankýver Olımpıadasy bastalmas buryn-aq aldyńǵy qos Olımpıadada, ıaǵnı, 2002 jylǵy Solt-Leık Sıtı men 2006 jylǵy Týrınde medal syń­ǵyryn estimegen elimiz quramasy úshin bul synnan da qorjynymyz bos qaıtar ma eken degen qaýip jergilikti jankúıerlerdi eki udaı kúıge túsirgen-di. Bul turǵyda mamandar aldyn ala ton pishýden qashqaqtap júlde alý jóninde jarytymdy eshnárse aıta almaǵan. Munyń da óz sebebi bar. Nege dese­ńiz, qysqy Olımpıadadan me­dal kútýge degen úmit azaıǵanyna da 12 jyl bolypty. Sol azaıǵan úmittiń otyn mazdatyp, el quramasyna 12 jyl boıy sarǵaıa kútken qýanysh keldi. Kúshpen kelgen kúmis júlde ıegeri – bıatlonshy Elena Hrýs­taleva! 29 jastaǵy almatylyq arý osyǵan deıin de úzdik nátıje­lermen el mereıin asyryp kelgen edi. Atap aıtqanda ol Azııanyń 2 dúrkin chempıony atanǵan-tyn. Áıelder arasyndaǵy 15 shaqyrymdyq jekeleı synda kúmispen kúptelgen Elenanyń bul jetistigi artyndaǵy úmitin úkilep otyrǵan búkil Qazaq eliniń jetistigi desek te bolǵandaı. Namysyna qamshy basqan álemniń menmin degen sańlaqtarynyń arasynda synǵa túsken syrbaz qyzdyń úzdik úshtikten qol bulǵaýy aq Olımpıa­dany teledıdardan telmire qarap otyrǵan sportsúıer qaýymdy erekshe serpiltip tastady. Beısenbi kúni ótken jarystyń chempıondyq ataǵyna norvegııalyq Týra Berger ıe bolsa, qola júlde Belarýs sportshysy Darıa Domrachevaǵa buıyr­dy. 4 jerdegi nysana kózdeý shebi arqyly Ýıstler­degi bıatlon trassa­syn­da ótken 15 shaqy­rymdyq atal­mysh jarysta Elena bir de bir qatelik ji­be­rmedi. Ártúrli qa­shyqtyqta qoıyl­ǵan 20 nysa­na­­nyń bárine dál tıgiz­di. Sóıtip, kú­mis júl­d­e­­ger al­tyn­nan alqa taqqan jeńim­pazdan nebári 20,7 sekónd keıin keldi. Qaı jaǵynan alyp qarasańyz da osy aıtýly synda Elena qyz erledi! Vankýverde Qazaqstan qura­ma komandasyna alǵashqy medaldi alyp berdi. Aqyldylyqty da, jyl­damdyqty da, qyraǵylyqty da, kere­met kúsh-jigermen, rýhty da talap etetin osynaý dúbirli dodada júldeger atanǵan jerlesimizge qandaı maqtaý aıtsaq ta jarasa­tyn­daı. Eren erligińe eliń rıza, Elena! Jeńisti jolyń jerlesterimizge juǵysty bolsyn!