2011 jylǵy 9 qarasha, Astana, Úkimet Úıi
Qazaqstan Respýblıkasy Úkimetiniń «Oblystyq (respýblıkalyq mańyzy bar qalanyń, astananyń) qoǵamdyq baıqaý komıssııalaryn qurý erejesin bekitý týraly» 2005 jylǵy 16 qyrkúıektegi № 924 jáne «Qylmysqa qarsy kúres salasyndaǵy aqparat almasý týraly kelisimdi bekitý týraly» 2009 jylǵy 20 qarashadaǵy № 1899 qaýlylaryna ózgerister engizý týraly
Qazaqstan Respýblıkasynyń Úkimeti qaýly etedi:
1. Qazaqstan Respýblıkasy Úkimetiniń keıbir sheshimderine mynadaı ózgerister engizilsin:
1) «Oblystyq (respýblıkalyq mańyzy bar qalanyń, astananyń) qoǵamdyq baıqaý komıssııalaryn qurý erejesin bekitý týraly» Qazaqstan Respýblıkasy Úkimetiniń 2005 jylǵy 16 qyrkúıektegi № 924 qaýlysynda (Qazaqstan Respýblıkasynyń PÚAJ-y, 2005 j., № 34, 477-qujat):
kórsetilgen qaýlymen bekitilgen Oblystyq (respýblıkalyq mańyzy bar qalanyń, astananyń) qoǵamdyq baıqaý komıssııalaryn qurý erejesinde:
kirispe mynadaı redaksııada jazylsyn:
«Osy Ereje Qazaqstan Respýblıkasynyń Qylmystyq-atqarý kodeksine sáıkes ázirlendi jáne oblystyq (respýblıkalyq mańyzy bar qalanyń, astananyń) qoǵamdyq baıqaý komıssııalaryn qurý tártibin aıqyndaıdy.»;
2) «Qylmysqa qarsy kúres salasyndaǵy aqparat almasý týraly kelisimdi bekitý týraly» Qazaqstan Respýblıkasy Úkimetiniń 2009 jylǵy 20 qarashadaǵy № 1899 qaýlysynda:
2-tarmaq mynadaı redaksııada jazylsyn:
«2. Qazaqstan Respýblıkasy Syrtqy ister mınıstrligi kórsetilgen Kelisimniń 1-babynyń 3-tarmaǵyna sáıkes depozıtarııge Qazaqstan Respýblıkasynan Bas prokýratýra, Ishki ister mınıstrligi, Prezıdenttiń Kúzet qyzmeti, Ulttyq qaýipsizdik komıteti, Ekonomıkalyq qylmysqa jáne sybaılas jemqorlyqqa qarsy kúres agenttigi (qarjy polısııasy), Qarjy mınıstrliginiń Kedendik baqylaý komıteti ony oryndaý jónindegi quzyretti organdar bolyp tabylatynyn habarlasyn.».
2. Qazaqstan Respýblıkasy Syrtqy ister mınıstrligi Qylmysqa qarsy kúres salasyndaǵy aqparat almasý týraly kelisimniń 1-babynyń 3-tarmaǵyna sáıkes depozıtarııge Qazaqstan Respýblıkasynan quzyretti organdar tizbesiniń ózgergendigi týraly habarlasyn.
3. Osy qaýly qol qoıylǵan kúninen bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri K.MÁSIMOV.