2011 jylǵy 9 qarasha, Astana, Úkimet Úıi
Ońtústik Qazaqstan oblysy Arys qalasynyń, Arys jáne Ordabasy aýdandarynyń ákimshilik shekaralaryn ózgertý týraly
Qazaqstan Respýblıkasynyń 2003 jylǵy 20 maýsymdaǵy Jer kodeksiniń 13-babyna jáne «Qazaqstan Respýblıkasynyń ákimshilik-aýmaqtyq qurylysy týraly» Qazaqstan Respýblıkasynyń 1993 jylǵy 8 jeltoqsandaǵy Zańynyń 11-babyna sáıkes Qazaqstan Respýblıkasynyń Úkimeti qaýly etedi:
1. Ońtústik Qazaqstan oblystyq máslıhatynyń jáne Ońtústik Qazaqstan oblysy ákimdiginiń Arys qalasynyń ákimshilik shekarasyna Ordabasy aýdanynyń Bórjar aýyldyq okrýginen beriletin 500 gektar jerdi jáne Arys aýdanynan beriletin 1888 gektar jerdi qosý arqyly Arys qalasynyń, Arys jáne Ordabasy aýdandarynyń ákimshilik shekaralaryn ózgertý týraly jáne Ordabasy aýdanynyń ákimshilik shekarasyna Arys aýdanynyń Dermene aýyldyq okrýginen beriletin 500 gektar jerdi qosý týraly usynysyna kelisim berilsin.
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.