Elbasy Dúnıejúzi qazaqtarynyń V quryltaıynda shettegi qandastarymyzdyń atameken qazyǵy – Qazaqstanmen aqparattyq, mádenı-rýhanı baılanysyn nyǵaıta túsý úshin olarǵa otandyq merzimdi basylymdardyń qoljetimdiligin qamtamasyz etýdi tapsyrǵan bolatyn. «Egemen Qazaqstan» gazeti Memleket basshysynyń tapsyrmasyn oryndaý maqsatynda Aqparat jáne kommýnıkasııalar mınıstrliginiń qoldaýymen ulttyq baspasóz tarıhynda tuńǵysh ret Reseı aýmaǵynda gazet taratýǵa lısenzııa aldy. Bas basylymnyń 100 jyldyq qarsańynda qol jetkizgen osy jáne basqa da jańalyqtary Ortalyq kommýnıkasııalar qyzmetinde ótken brıfıngte aıtyldy.
«Egemen Qazaqstan» respýblıkalyq gazeti» AQ Basqarma tóraǵasy Darhan Qydyráli atap ótkendeı, gazet kórshi eldiń merzimdi basylymdar katalogyna engizildi. Reseıdiń Qazaqstanmen shekaralas oblystarynda turatyn aǵaıyndarymyz endi «Egemendi» jazdyryp alyp oqýyna múmkindik bar. Sol sııaqty bul jumystar Qyrǵyz, Mońǵolııa syndy elderde de jalǵasatyn bolady. Qazirde osy baǵyttaǵy jumystar júıeli atqarylyp, búginde Qyrǵyzstanda gazetimizdiń arnaýly tilshisi bar ekenin aıta ketkenimiz jón.
Bas basylymnyń oqyrmandaryna usynatyn taǵy bir úlken jańalyǵy – áıgili amerıkalyq alpaýyt gazet New York Times betindegi aıtýly saraptamalar, sholýlar, maqalalar legi aldaǵy kúnderde «Egemen» betinde berile bastaıtyny. Bul jańalyq «Egemen Qazaqstan» AQ-y men New York Times arasynda qol jetkizilgen kelisimshart negizinde júzege asatyn bolady. Qazaqstannyń aqparat keńistiginiń aıasyn keńeıtýge yqpal etetin bul qadam otandyq jýrnalıstıkaǵa stıldik, mazmundyq jáne tildik turǵydan da ıgi áserin tıgizedi dep paıymdaımyz.
Sondaı-aq Elbasynyń rýhanı jańǵyrý aıasyndaǵy tapsyrmalaryn oryndaý maqsatynda «Egemen» latyn álipbıine kóshýge de tolyq daıyn. Bul oraıda, avtorlyq baǵandardy latyn álipbıimen jarııalaı bastaǵan gazet aldaǵy kúnderi «Rýhanı jańǵyrý» syndy tutastaı bir betin latyn grafıkasyndaǵy qazaq álipbıimen basýǵa kóshetin bolady.
Taǵy bir toqtalatyn jańalyq, bıyldan bastap Egemen.kz ınternet redaksııasy gazettiń aýdıonusqasymen birge Egemen.tv vıdeoresýrsyn da iske qosty. Onyń qatarynda Youtube arnasyndaǵy «О́rnek», «Stadıon», «Egemen jańalyqtary» beınejobalaryn aıtýǵa bolady.
Gazet basshysy sonymen qatar bas basylymnyń 100 jyldyq mereıtoıy qarsańynda ǵasyrlyq tırajy elektrondy formatqa kóshirilgendigin de atap ótti. «Sıfrly Qazaqstan» baǵdarlamasy aıasynda atqarylǵan aýqymdy istiń biri bolatyn bul joba da qalyń oqyrmanmen qatar, zertteýshi ǵalymdar úshin asa qajetti resýrs.
Munyń syrtynda «Egemen Qazaqstan» gazeti «Egemen-akademııa» jobasyn júzege asyrýdy jalǵastyryp, II maýsymyn bastaıdy. I maýsymda belgili medıamenedjerler men jýrnalısterdiń qatysýymen 14 dáris ótip, 50 qatysýshy stýdentke sertıfıkat berilgen bolatyn. Sonymen qatar, jańa maýsymda óńirlik baspasóz ujymdary ózara tájirıbe almasý úshin «Egemenge» keletinin aıta ketý kerek. Olardyń alǵashqy leginde Qyzylorda men Shyǵys Qazaqstan oblystarynyń jýrnalısteri bolady.
Mıras ASAN,
«Egemen Qazaqstan»