2011 jylǵy 14 qarasha, Astana qalasy
Halyqqa qyzmet kórsetý ortalyqtarynyń aqparattyq júıesiniń memlekettik aqparattyq júıelermen aqparat almasý qaǵıdalaryn bekitý týraly
«Aqparattandyrý týraly» Qazaqstan Respýblıkasynyń 2007 jylǵy 11 qańtardaǵy Zańynyń 5-babynyń 12-1) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Halyqqa qyzmet kórsetý ortalyqtarynyń aqparattyq júıesiniń memlekettik aqparattyq júıelermen aqparat almasý qaǵıdalary bekitilsin.
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń 2011 jylǵy 14 qarashadaǵy №1336 qaýlysymen bekitilgen
Halyqqa qyzmet kórsetý ortalyqtary aqparattyq júıesiniń memlekettik aqparattyq júıelermen aqparat almasý qaǵıdalary
1. Jalpy erejeler
1. Osy Halyqqa qyzmet kórsetý ortalyqtary aqparattyq júıesiniń memlekettik aqparattyq júıelermen aqparat almasý qaǵıdalary (budan ári – Qaǵıdalar) «Aqparattandyrý týraly» Qazaqstan Respýblıkasynyń 2007 jylǵy 11 qańtardaǵy Zańynyń 5-babynyń 12-1) tarmaqshasyna sáıkes ázirlendi jáne Halyqqa qyzmet kórsetý ortalyqtary (budan ári – HQO) aqparattyq júıesiniń HQO arqyly memlekettik qyzmetterdi kórsetýge tartylǵan memlekettik organdardyń jáne/nemese HQO arqyly memlekettik qyzmetter kórsetýge qujattardy qabyldaıtyn kezde paıdalanylatyn derekterdi ıelenýshi memlekettik organdardyń aqparattyq júıelerimen aqparat almasý tártibin aıqyndaıdy.
2. Osy Qaǵıdalardyń erejelerine sáıkes Qazaqstan Respýblıkasynyń memlekettik qupııalaryn quraıtyn málimetter aqparattyq almasýǵa jatpaıdy.
3. Aqparattyq almasý úrdisinde paıdalanylatyn málimetterdiń qaǵaz tasyǵyshtaǵy qujattardyń málimetterimen máni birdeı bolady.
4. Aqparattyq almasý HQO arqyly memlekettik qyzmetterdi kórsetý kezinde qaǵaz qujat aınalymyn boldyrmaýdy (azaıtýdy) jáne memlekettik organdar men laýazymdy tulǵalarǵa zańdyq máni bar faktilerdi rastaıtyn qujattardyń az sanyn usynatyn azamattardyń quqyqtaryn iske asyrýdy qamtamasyz etedi.
5. Osy Qaǵıdalarda mynadaı termınder men anyqtamalar qoldanylady:
1) aqparattyq ózara is-qımyl – «elektrondyq úkimet» aqparattyq júıeleriniń arasynda aqparattyq almasýdy jáne derekter berýdi uıymdastyrý úshin jeliaralyq baılanystyrý úrdisi;
2) Qazaqstan Respýblıkasynyń halyqqa qyzmet kórsetý ortalyqtarynyń aqparattyq júıesi (derekterdi tutynýshy) – halyqqa (jeke jáne zańdy tulǵalarǵa), sondaı-aq tıisti mınıstrlikter men vedomstvolardyń Qazaqstan Respýblıkasynyń halyqqa qyzmet kórsetý ortalyqtary arqyly qyzmet usyný úrdisin avtomattandyrýǵa arnalǵan aqparattyq júıe;
3) memlekettik aqparattyq júıe (derekterdi jetkizýshi) – bıýdjet qarajaty esebinen qurylatyn jáne (nemese) satyp alynatyn, sondaı-aq memlekettik organdardyń Qazaqstan Respýblıkasynyń zańdarynda belgilengen ózge de tásilder arqyly alǵan aqparatty saqtaý, óńdeý, izdeý, taratý, berý jáne usynýǵa arnalǵan apparattyq-baǵdarlamalyq keshen;
4) habarlama – aqparatty HQO aqparattyq júıesinen memlekettik aqparattyq júıege jáne odan keri usyný nysany;
5) elektrondyq sıfrlyq qoltańba – elektrondyq sıfrlyq qoltańba quraldarymen qurylǵan jáne elektrondyq qujattyń durystyǵyn, onyń tıistiligi men mazmunynyń ózgermeıtindigin rastaıtyn elektrondyq sıfrlyq tańbalardyń jıyntyǵy;
6) QR UKO (Qazaqstan Respýblıkasynyń Ulttyq kýálandyrýshy ortalyǵy) – elektrondyq sıfrlyq qoltańbanyń ashyq kiltiniń elektrondyq sıfrlyq qoltańbanyń jabyq kiltine sáıkestigin kýálandyratyn, sondaı-aq tirkeý kýáliginiń durystyǵyn rastaıtyn («elektrondyq úkimetke» qatysýshylarǵa, memlekettik jáne memlekettik emes aqparattyq júıelerge qyzmet kórsetetin) zańdy tulǵa.
2. HQO aqparattyq júıesiniń memlekettik aqparattyq júıelermen aqparat almasý tártibi
6. О́tinish berýshi memlekettik qyzmetti alý maqsatynda HQO-ǵa júginedi.
7. О́tinish berý úderisinde HQO operatory memlekettik aqparattyq júıelerge suraý salý arqyly ótinishti aldyn ala toltyrýdy, sondaı-aq memlekettik qyzmetterdiń standarttaryna sáıkes qajetti qujattardyń elektrondyq kóshirmelerin elektrondyq ótinimge salýdy júzege asyrady.
8. Memlekettik qyzmet alýǵa jáne ótinish berýshi usynatyn qujattardy jáne kórsetilgen derekterdi tıisinshe tekserýge kelisimdi ótinish berýshi jazbasha ne elektrondyq sıfrlyq qoltańbany paıdalaný arqyly rastaıdy.
9. Elektrondyq ótinimdi qalyptastyrý úderisi aıaqtalǵannan keıin HQO operatory HQO aqparattyq júıesi arqyly habarlamany qalyptastyrady, «elektrondyq úkimet» shlıýzi arqyly suraý salýmen elektrondyq baılanys arnasy boıynsha atalǵan memlekettik organnyń memlekettik qyzmetti kórsetý úderisin avtomattandyrýdy qamtamasyz etetin memlekettik aqparattyq júıesine habarlama beredi.
«Suraý salý» túrindegi habarlama memlekettik aqparattyq júıe úshin qalyptastyrylady jáne memlekettik organdardyń qyzmet usynýy men memlekettik aqparattyq júıeden shyǵys derekterin alý úshin qajet bastapqy derekterdi berýge arnalǵan.
Memlekettik aqparattyq júıe suraý salýdy qabyldaıdy jáne óńdeıdi, suraý salýdy óńdeý nátıjesimen «jaýap» habarlamasyn qalyptastyrady jáne HQO aqparattyq júıesine beredi.
Habarlamalardy jóneltý jáne alý faktileri aqparattyq júıelerde tirkeledi. Elektrondyq baılanys bolmaǵan nemese habarlamalardy jóneltýge kedergi keltiretin basqa da jaǵdaılar týyndaǵan kezde jetkizilmegen habarlamalar kezekte jınaqtalady. Bul oqıǵa týraly aqparat qateniń tıisti kodymen aqparattyq júıelerde jazylady. Avarııalyq jaǵdaı joıylǵannan keıin jetkizilmegen habarlamalardyń kezekpen jóneltilýi qaıta jańartylady.
10. Qajet bolǵan jaǵdaıda memlekettik organ atalǵan memlekettik organ ıelenýshisi bolyp tabylatyn memlekettik aqparattyq júıeden HQO operatorlary bergen suraý salýdyń maqsatyn tekserýge bastamashylyq jasaıdy.
11. Operator HQO arqyly kórsetilýge jatatyn memlekettik qyzmetterdi usyný sheńberinde:
1) memlekettik qyzmetti kórsetýge ótinishti avtomatty rejımde toltyrýǵa múmkindik beretin;
2) HQO-ǵa memlekettik qyzmetti alý úshin júgingen kezde azamattar usynatyn qujattardyń qaǵaz kóshirmelerin boldyrmaýǵa múmkindik beretin memlekettik aqparattyq júıeden alady;
3) HQO operatorlarynyń memlekettik aqparattyq júıege jasaıtyn barlyq suraý salýlaryna operatordyń elektrondyq sıfrlyq qoltańbasymen qol qoıylady jáne aqparattyq júıede tirkeledi, sondaı-aq «elektrondyq úkimet» portalyndaǵy ótinish berýshiniń jeke kabınetinde kórinedi.
12. Aqparattyq almasý úderisinde barlyq ýaqytsha parametrlerdi tirkeý jergilikti ýaqyt boıynsha júrgiziledi. Aqparattyq almasýdyń ýaqytsha sıpattamalary memlekettik qyzmet kórsetýdiń árbir kezeńine bólingen ýaqyttan aspaýy tıis.
13. Memlekettik organnyń memlekettik qyzmetterdi usyný merzimi memlekettik qyzmetterdi kórsetý standarttarynda aıqyndalady.
14. HQO arqyly kórsetiletin aqyly memlekettik qyzmetterge elektrondyq formattaǵy tólem týraly túbirtek qosa júredi jáne memlekettik qyzmet kórsetý ótinimine qosa beriledi.
15. HQO aqparattyq júıesin óndiristik paıdalanýǵa qosqanǵa deıin mynadaı rásimderdi oryndaý mindetti:
1) testilik stendte aqparattyq almasýdyń aldyn ala synaǵyn ótkizý;
2) HQO aqparattyq júıesiniń memlekettik aqparattyq júıelermen aqparattyq almasýyn tájirıbelik paıdalanýyn ótkizý;
3) tájirıbelik paıdalaný nátıjelerine taldaý júrgizý, qajet bolǵan jaǵdaıda – baǵdarlamalyq qamtamasyz etýdiń pysyqtalýyn qamtamasyz etý;
4) óndiristik paıdalanýda qosylatyn servıske aqparattyq suraý salýlardyń qarqyndylyǵyn baǵalaý, júktemelik testileý.
16. Aqparattyq almasý kezinde aqparatty qorǵaý memlekettik organdardyń biryńǵaı qorǵalǵan kóliktik ortasyn, aqparatty kepildi jetkizýdiń baǵdarlamalyq quralyn paıdalaný esebinen de, sondaı-aq aqparattyq qaýipsizdik boıynsha uymdastyrýshylyq is-sharalaryn ótkizý esebinen de qamtamasyz etilýi tıis.
17. Qabyldaýǵa/berýge jatatyn málimetter elektrondyq sıfrlyq qoltańbamen rastalady. Almasý kezinde derekterdiń qorǵalýyn uıymdastyrý úshin QR UKO bergen tirkeý kýálikteri paıdalanylady.