Baqytjan Saǵyntaev Pavlodar oblysyna jumys sapary aıasynda Memleket basshysynyń bıznes ortany túbegeıli jaqsartý jáne keńeıtý jónindegi tapsyrmalarynyń oryndalý barysymen tanysty.
«Atameken» kásipkerler palatasynyń óńirlik keńesiniń múshelerimen kezdesý barysynda oblysta bıznesti damytý, ınvestısııalar tartý jáne otandyq ónimder men qyzmetterdiń eksportqa baǵdarlanýyn jetildirý máseleleri talqylandy.
«Atameken» QR UKP basqarma tóraǵasynyń orynbasary E. Jumaǵazıev óńirlik bıznesti damytý máselesi týraly baıandama jasady. Jappaı kásipkerlikti damytý jáne óńirdegi eksportqa baǵdarlanǵan taýar óndirýshilerdi qoldaý, sondaı-aq, óńirdiń bıznesti damytý boıynsha qolda bar qorlary, atap aıtqanda, ımportty almastyrý keleshegi týraly aqparat berildi.
«Atameken» UKP óńirlik keńesiniń atynan tóraǵa O. Krýk sóz sóıledi, ol saýda qatynastaryn retteýdi jetildirý máselelerine toqtalyp ótti.
Kásipkerler ózekti máselelerdi qozǵap, óńirde bıznes júrgizýge tosqaýyl bolatyn ákimshilik kedergilerdi odan ári tómendetýge qatysty sharalar usyndy. «Railways systems KZ» JShS bas dırektory A. Hachatýrıan qyzmetter men taýarlar aqysyn tóleý júıesin jetildirý máseleleri týraly aıtyp berdi. «Forwoll Group» KT Dırektorlar keńesiniń tóraǵasy V. Lıtýev arnaıy ekonomıkalyq aımaq aýmaǵynda salyq rejımin jetildirý týraly usynystaryn bildirdi. «Qazenergokabel» AQ quryltaıshysy V. Bobrov ónerkásiptik kásiporyndarǵa qoldaý kórsetý sharalaryn keńeıtý týraly baıandady. «Galıskoe» JShS aýyl sharýashylyǵy kásipornynyń dırektory A. Kasısyn veterınarlyq qaýipsizdik máselelerin qozǵady. «BNKA Enerdjı» JShS tehnıkalyq dırektory J. Áldebergenov energetıkalyq ınfraqurylym qurylysyna sheteldik ınvestısııalar tartý máselesin kóterdi.
Eýropa qaıta qurý jáne damý bankiniń basshysy A. Preımanıs óz sózinde ınvestısııalyq ahýaldy jaqsartý úshin ShOB damytý óte mańyzdy ekenin atap ótti. Sondyqtan da, ShOB-ty sıfrlandyrý daǵdylaryn damytýǵa jáne engizýge erekshe kóńil bólý kerek.
«EQQDB búgin Pavlodar oblysynyń shaǵyn jáne orta kompanııalarymen jumys isteıdi. "Damý" qory arqyly daǵdylardy damytý, sheteldik ınvestorlardyń keńesi mańyzdy bolyp qalýy kerek. Sebebi, ımportty almastyrý máselesinde sýbsıdııalaýdyń da máni zor. Degenmen, biz shyǵaryp otyrǵan ónimniń sapasy sheteldik talaptarǵa qanshalyqty saı keletinin túsiný kerek. Bul oraıda sheteldik ınvestorlardy tarta otyryp, qoldanystaǵy saıasatty jalǵastyrǵanymyz jón», — dedi A. Preımanıs.
Premer-Mınıstrdiń orynbasary A. Jumaǵalıev ShOB salasynyń sıfrlanýyn damytý, sondaı-aq, onyń eńbek ónimdiligin arttyrýǵa áseri týraly túsinikteme berip ótti.
Eske sala keteıik, Elbasy «Qazaqstannyń úshinshi jańǵyrýy: jahandyq básekege qabilettilik» joldaýynda strategııalyq maqsatymyzdyń biri — eldiń JIО́ shaǵyn jáne orta bıznestiń úlesi 2050 jylǵa qaraı kem degende 50% bolýyn qamtamasyz etý ekenin atap ótti. Atalǵan mindetti sheshý úshin О́nimdi jumyspen qamtý jáne jappaı kásipkerlikti damytý baǵdarlamasy iske asyrylyp jatyr. Shaǵyn nesıe berý aýqymy keńeıtildi, jappaı kásipkerlikti qoldaý quraldary jetildirilýde. Qalalarda shaǵyn nesıe berýdiń jalpy portfeli ótken jyldyń qarajattaryn eskergende 24,3 mlrd tg quraıdy. Olardyń ishinde 2017 j. — 11,9 mlrd tg, 2018 j. — 12,4 mlrd tg, onyń ishinde 6,1 mlrd tg — Prezıdenttiń «Bes áleýmettik bastamasy» aıasynda qosymsha bólingen.
Budan ózge, Úkimet «Atameken» UKP birlesip, bıznestegi barlyq shyǵyn túrlerin tómendetý boıynsha birqatar sharalardy qabyldady. Memlekettiń ekonomıkadaǵy úlesin JIО́ 15% deıin, EYDU elderiniń deńgeıine deıin tómendetý jumystary jalǵasyp jatyr. Osy jyldyń I jarty jyldyǵynyń qorytyndysy boıynsha Keshendi jospardyń 887 nysanynyń 502 nysany qoıyldy, onyń 421-i 216 mlrd teńgege satyldy. 266 nysan qaıta uıymdastyrý jáne taratý satysynda tur. Osylaısha, qaıta uıymdastyrylatyn jáne taratylatyn nysandardy qosa eseptegende, Keshendi jospardyń oryndalýy 77,4% quraıdy. Sonymen qatar, memlekettik-jekemenshik seriktestikti keńeıtý jumystary da júrgizilip jatyr.