«Atameken» QR UKP IT-Keńesi jáne «Ulttyq Aqparattyq tehnologııalar» AQ birlesip Astana Hub alańynda sıfrlandyrý taqyrybyna arnalǵan «Digital Arena»-2 atty forýmy ótip jatyr.
Sıfrovızasııa boıynsha jaýapty (CDO) tórt vıse-mınıstr – Dınara Sheglova (QR Aqparat jáne kommýnıkasııalar vıse-mınıstri), Arystan Qabıkenov (QR Investısııalar jáne damý vıse-mınıstri), Arman Evnıev (QR Aýyl sharýashylyǵy vıse-mınıstri), Marat Nurǵojın (Qorǵanys jáne aeroǵarysh ónerkásibi vıse-mınıstri) IT-naryq ókilderimen ashyq dıalog júrgizip, bıznes qaýymdastyǵymen nátıjeli baılanys ortanýǵa daıyn ekenderin bildirýde.
Is-sharaǵa shaqyrylǵan arnaıy qonaq retinde shaqyrylǵan, memlekettik salada birneshe IT-jobany – jobany iske asyrǵan Be In Tech kompanııasynyń basshysy Baǵdat Mýsın qatysýshylarmen korporatıvti sektordaǵy sıfrlyq sheshimdermen bólisti.
«Ulttyq aqparattyq tehnologııalar» AQ basqarma tóraǵasy Áset Turysovtyń aıtýynsha, «Kelissózder júrgizýdegi ashyqtyq jáne qoljetimdilik trendke aınaldy, munymen biz tek maqtana alamyz. О́ıtkeni halyqty tyńdaı otyryp, jetistikterge qol jetkize alamyz. Búgingi shara IT-naryq ókilderi men mınıstrlikterde sıfrovızasııa boıynsha jaýapty jetekshilerdiń IT-jobalaryna jańa tynys berip, bıznes pen memlekettik sektordyń ara-qatynasyn nyǵaıtady dep oılaımyn».
Búgingi forým eki paneldik sessııadan turady, birinshi bólim mınıstrlikterdi sıfrlandyrýdyń aǵymdaǵy mindetteri týraly jáne «Sıfrlyq Qazaqstan» memlekettik baǵdarlamasy aıasynda aldaǵy jobalar týraly erkin «storytelling»-ke arnalady. Sonymen qatar, «Ashyq mıkrofon» atty ınteraktıvti sessııa josparlanyp otyr, onyń barysynda IT-naryqqa qatysýshylar memlekettik organdar ókilderine suraqtar qoıa alady.
Aıta ketelik, QR Densaýlyq saqtaý mınıstrligi, QR Qarjy mınıstrligi, QR Eńbek jáne halyqty áleýmettik qorǵaý mınıstrligi, QR Bilim jáne ǵylym mınıstrliginiń vıse-mınıstrleri qatysýymen 11 tamyzda ótken «Digital Arena» birinshi forýmynan keıin atalǵan mınıstrlikterge 30-dan astam IT-kompanııa máselelerin sheship berý boıynsha ótinim jasaǵan, ári úshten bir bóligi pılottyq jobalardy júzege asyrmaq.