Prezıdent Nursultan Nazarbaevtyń sońǵy jyldardaǵy shetelderge saparlarynyń barlyǵy Qazaqstannyń halyqaralyq arenadaǵy rólin kúsheıtýge baǵyttalǵandyǵyn kórip otyrmyz. Bul qadam ekonomıkalyq qarym-qatynas, saýda baılanystary arqyly júzege asyrylýda.
Máselen, Memleket basshysy túrik kásipkerlerin el ekonomıkasynyń shıkizattyq emes salalaryna ınvestısııa salýǵa shaqyrdy. Onyń ishinde túrkııalyq kásipkerlerdiń álemdik deńgeıdegi tájirıbesi bar kólik jáne kommýnıkasııa, aýyl sharýashylyǵy, shaǵyn jáne orta bıznes, týrızm salalaryn birlese ıgerý qaı tarapqa bolmasyn tıimdi ekendigi ras.
Birinshiden, munaı men gaz salasyna qarjy salatyn shaq kelmeske ketti. Ekinshiden, Qazaqstan men Túrkııa – damý úderisi joǵary, baǵyttary uqsas memleketter. Eki el de ekonomıkany ártaraptandyryp, baılanystaryn nyǵaıtýǵa múddeli.
Alaıda Qazaqstan men Túrkııanyń kásipkerleri ekonomıkalyq qarym-qatynastardyń áleýeti tolyq qoldanylyp otyrmaǵandyǵyn sezedi. Sondyqtan, Qazaqstan Prezıdenti saýda aınalymyn 5 mlrd AQSh dollaryna jetkizý qajet ekendigin aıtqan kezde barsha kásipkerler eleń ete qaldy.
Sondyqtan Nursultan Nazarbaevtyń resmı sapary eki el arasyndaǵy qarym-qatynastarǵa tyń serpin berip, baılanystyń kókjıegin keńeıte túspek. Sondaı-aq saýda-ekonomıkalyq baılanystardy tereńdete túsýge jol ashady.
Eki memleket ekonomıkamen ushtasqan saıası baılanystar arqyly halyqaralyq arenada tize qosyp árekettene bermek.
Sanat KО́ShKIMBAEV,
Saıası ǵylymdar doktory