Otandyq naryqtaǵy kádesyılardyń 80%-i shetten keledi. Jergilikti óndirýshilerdiń bul baǵytta jumystanýǵa qulshynystary kem be, álde jasalǵan buıym óz baǵasyn aqtamaı ma? Atyraýdaǵy «Etalon» jarnama agenttigi osy saýalǵa jaýap izdep, eńbektenýdi jón kóripti. Nátıje jaman emes.
Bes jyldan beri polıgrafııa jáne syrtqy jarnama boıynsha qyzmet kórsetip kele jatqan agenttik tarıhı jádigerlerdiń kóshirmelerin jasaýdy Atyraýda alǵash bolyp qolǵa alǵan. «Qazaqstannyń úzdik taýary» respýblıkalyq kórme-baıqaýynyń oblystyq kezeńine jergilikti materıaldan daıyndalǵan kádesyı usynyp, úzdikter qatarynan kórindi.
– Qazir jarnama agenttigimiz «Samuryq-Qazyna» qorynyń áleýetti jetkizýshiler tiziminde. 300-ge jýyq buıym túrin jasaımyz. Jyl saıyn 40 jańa buıym ázirleımiz. Baǵa men sapa kórsetkishteriniń ońtaıly qatynasyna sáıkes, kásiporyn ónimderiniń kópshiligi alys jáne jaqyn shetelderdiń naryqtarynda tabysty básekelese alady dep sanaımyz», – deıdi mekeme basshysy Asqar Sappaev.
«Etalonnyń» kádesyılary aǵashtan, organıkalyq shynydan, basqa da materıaldardan daıyndalady jáne árqaısyna dara dızaın qoldanylýymen erekshe.
Baqytgúl BABASh,
«Egemen Qazaqstan»
ATYRAÝ