Jandanǵan Jańaózen júrekterge jylylyq uıalata bastady

Tatýlyqty tý eteıik Otbasy – memlekettiktiń al­­­­tyn besigi. Munda adam boı­yn­da­ǵy asyl qasıetter jarqyraı kó­rinip, qalyptasady. Otanǵa degen ystyq sezim – jaqyndary men týǵan-týysqandaryna degen súı­is­penshilikten bastalady. Kúıretý, qıratý, búldirý, óz qolyńnan shyq­qan jasampazdyqqa óziń qol kóterý sııaqty áreketke barǵandar da bir ananyń balasy emes pe?! Olar otbasynyń tiregi ekenin oı­laǵanda, júregimiz aýyryp, sondaı jolǵa túsý úshin qandaı kúsh olardy baǵyttap, aqyl berdi, olar nege, kimge sendi degen oılar bárimizdi mazalaıdy. Elbasy Mańǵystaý oblysynda bolǵan kezinde atap ótkendeı, bul oqıǵa arandatýshylardyń áreketi. Eldigimizdi kóre almaıtyn, turaq­tylyq pen ulttyq birligimizge qa­ra kúıe jaqqysy keletinderdiń isi. Qazaq ejelden yntymaq pen yrysqa uıyǵan, úlkendi tyńdap, kishini syılaǵan, jany darhan halyq. Búginde lańkestik pen zu­­lymdyqtan álem titirkenip tur­ǵan kezde bir jaǵadan bas, bir jeńnen qol shyǵaryp, táýelsizdigi nyǵaıyp kele jatqan elimizdegi turaqtylyqty saqtaý bizdiń jas­tardyń negizgi maqsaty bolǵanyn qalar edik. Ereýilmen, eregispen eshbir el asqaq muratyna jetken emes. Ejel­den tynyshtyq ańsap ósken eldiń balasy óziniń rýhanı irgesin sondaı jat áreketterden qor­ǵaýǵa tyrysýy kerek edi. Uly fılosof Platon: «Ultyńdy saq­taı­myn deseń, qyzyńdy tárbıele, rý­hyńdy saq­­­taımyn de­­­seń, ul­yń­­­dy tár­­­bıele» de­­­gen eken. Ata-baba dás­tú­rindegi bala tárbıesiniń bıik tu­ǵy­­­­­ryn ala­sar­typ alma­saq eken. Jas­­­tar tárbıesin ýysymyzdan shy­ǵaryp alsaq, erteńgi ult taǵdyry ne bolmaq? «Áke kórgen oq jonar, sheshe kórgen ton pisher» degendeı, ot­ba­synda uldar ákeleri nemese ata­la­rynyń boıyndaǵy ónegeli qa­sıetterdi úlgi tutyp ósse ǵana el bolamyz. Erteńgi eldiń tutqasyn ustaıtyn azamattardy tárbıe­leı­tin otbasynda ata-ájeniń, áke men shesheniń tálimin kórip boı tú­ze­se, sózderi men isteri, úıde de, túz­de de bir bolsa, bir birine degen ystyq mahabbat, jyldar bo­ıy syılastyq pen týystyqqa aınalsa ǵana úlgili otbasy mem­le­kettiń berik tiregine aınalady. Sondyqtan da árbir ata-ananyń qoǵam, memleket al­dyn­­­daǵy jaýapkershiligin kóterý ja­­­ǵyn tere­ńi­­­rek oılas­­­tarǵan jón be dep oı­laı­­myn. Egemen el bolýy­myz jas býyn ókilderine bilim men ǵylymdy, kásipti ıgerýge keń jol ashty. Bilim alyp, eline qyzmet etkisi keletin jastarǵa elimizdiń joǵary oqý oryndarynda ǵana emes, prezıdenttik «Bolashaq» baǵ­dar­­­la­ma­sy boıynsha da álem­niń kez kelgen memleketinde bi­lim­in shyń­daýǵa jaǵdaı jasaldy. Jumysshy kásibin ıgerem degenderge kásip­tik lıseı men kolledj­derge qosa memleket esebinen oqıtyn kýrstar ashylýda. Jastarymyz ár­­­­­­túrli arandatýshylyqtarǵa ermeı osy múmkindikti tolyǵymen paıdalansa, bir mamandyqqa ıe bo­lyp, jumysqa ornalasyp nemese óz aldyna bıznes ashyp jatsa, qoǵamdaǵy máseleler birtindep sheshimin tabar edi. Bizdi jastar arasyndaǵy ju­myssyzdyq, óz bolashaǵyna nem­qu­raıly qaraýy, keıbir jastar­dyń qylmys pen nashaqorlyqqa úıir bolýy qatty alańdatady. Bi­raq osyndaı el shoshyrlyq oqı­ǵany uıymdastyrý órimdeı jas­tardyń qolynan keler is emes. Bul oqıǵanyń artynda Qazaq eli­niń basyndaǵy baqytyn, jıyrma jyldaǵy jeńisteri men jetistikterin, talaıdy tamsandyrǵan ta­tý­lyǵy men turaqtylyǵyn kóre almaıtyn qara qyzǵanysh turǵa­ny belgili. Qoǵam bolyp eldegi turaqtylyqqa, jastar tárbıesine zor kóńil bólýimiz kerek. «Eger bizde beıbitshilik pen bitim ornasa, onda bizdiń balala­rymyz da baqytty bolady», dep atap kórsetti Memleket basshysy. Táýelsiz elde ómir súrý, óz bo­lashaǵyńdy óziń jasaý, kóptegen halyqtardyń nesibesine buıyra qoımaǵan baqyt. Sol sebepti táý­elsizdigimizdiń tuǵyrly bolýyna Qazaqstannyń árbir azamaty bilimi men biligin jumsaǵany jón. Sútteı uıyp otyrǵan el tatý­ly­ǵyna qol kótermeı, asylymyzdy ardaqtaı bileıik! Halqyn súıe­tin, elin, jerin qasterleıtin adam­nyń jónsizdikterge barmaı­tyny belgili. Sondyqtan, barsha qazaqstandyqtardy tatýlyqty tý etip, tynyshtyq, sabyrlylyq saqtaýǵa shaqyramyn! Shalqyma QURMANALINA, Batys Qazaqstan oblysyndaǵy tehnıkalyq jáne kásiptik bilim berý uıymdary dırektorlar keńesiniń tóraǵasy Oral.   Durys sheshim qabyldady Qapelimde shuǵyl sheshim qa­­­byldap, el birligine syna túsir­meıtin halqymyzdyń «Aqyldy deme týysty, sasqanda aqyl tappasa», degen sózi Jańaózen qala­syndaǵy tártipsizdik pen buza­qy­lyq oryn alǵan sátte oıǵa oral­dy. Onyń ústine qasıetti táýel­sizdigimizdiń mereıinde oryn al­ǵany tipti, jan aýyrtty. Muny taǵy da ultymyzdyń myna da­na­lyǵymen túıýge týra keledi. Mun­daıda: «Ashý tasysa, aqyly tó­gi­ler, as tasysa, qatyǵy tógiler» demeýshi me edi. Teledıdarlardan ashýǵa min­gen­derdiń beı-bereket buzaqy­ly­ǵyn kórip, beıqam eldiń shyrqyn buzǵanyna qynjyldyq. Tam-tum­dap jınaǵan kásipkerlerdiń dú­kenderin talqandaýmen birge memlekettik mekemelerdi qıratqany janǵa batady. Qasıetti qara sha­ńy­raq sanalǵan kıiz úıdi órtege­niniń ózi naǵyz bassyzdyq. Sha­ńyraq – kıemiz emes pe edi. Abaı babamyz adamgershilik jaıly tereń tolǵaǵanda qynjy­la­tyn sáti osy ǵoı. Ba­hadúr ba­ba­­­lardyń ár súıem jer úshin qa­syq qany qal­­ǵan­sha kú­­re­sýi ar­qa­syn­­da bú­­gin­gi táý­el­­siz­dik­­­ke qol jetti. Qa­zir­­gi kez­­de El­ba­sy Qa­­zaq­stan­­­nyń ós­ip-órken­de­ýi men er­­te­ńi úshin ter tógip, da­myl tappa­ǵanyn kórip júrmiz. Elimizdegi osy jaqsylyqtardy joqqa shy­ǵarýǵa umtylǵan toptardyń «О́z­enmunaıgaz» kompanııasy men ju­mystan shyǵarylǵan munaıshy­lar­dyń arasyndaǵy eńbek daýyn ýshyqtyrýyn Jetisý jurtshy­ly­ǵy batyl aıyptaıdy. Qazaq – qashannan aqkókirek, baýyrmal halyq. Osy turǵydan alǵanda qasıetti kúni qarý kezenip, oq atý eshbir kóńilge syı­maı­dy. Ekrannan japa-tarmaǵaı jul­qylasqan buzaqylardyń arasyn­da balapanyn qorǵaǵan qarly­ǵash­taı aqylǵa shaqyrǵan aq jaýlyq­ty anany kórgende júrek syz­dady. Biraq, ashýly top ana sózine qulaq aspady. Árıne ókinishti. Memleket basshysy Nursul­tan Nazarbaev osy oqıǵadan keıin Mańǵystaý óńirine bardy. Jańa­ózendegi jurtshylyqpen kezdesti. Muny da teledıdardan kórdik. Elbasyna kópti kórgen qarııa qynjyla otyryp, eldiń atynan keshirim surady. Prezıdent ha­lyq­ty sabyrǵa shaqyryp, táýel­sizdigimizdi baǵalaǵanda ǵana ur­pa­ǵymyz baqytty bolatynyn qadap aıtty. Durys sheshim qabyldap, halyqty birlikke jumyldyrdy. Qandaı qıyndyq bolmasyn, ony beıbit jolmen sheshýge bola­dy. Eli­miz eńse kóterip, endi ǵana ál­em­ge tanylǵan tusta jik shy­ǵa­rý­dyń esh reti joq. Halqymyz budan da qıyn kezeńderdi basy­nan ótker­gen. Sol kezdiń ózinde ózge ult­tar­dy baýyryna basyp, bir kúlshe nan­dy bólip jegenin qalaı umytamyz. Jańaózendik baýyrlar aqylǵa kelip, beıbit ómir jalǵasatynyna senemin. Elge iritki salyp, jy­mysqy oıyn júzege asyrýǵa jol bermeıik. Eldiń tynyshtyǵy, jas urpaqtyń keleshegi bizdiń qoly­myzda ekenin umytpaıyq, aǵaıyn. Álı ALPYSBAEV, «Qurmet» ordeniniń ıegeri, mádenıet qaıratkeri. Almaty oblysy.   Turaqtylyqtan qymbat eshteńe joq Elbasy Nursultan Na­zarbaevtyń Jańa­óz­en oqıǵasynyń zarda­byn joıý maqsatynda ony al­ǵashqy kúnnen óz ba­qylaýyna alǵanyn, keı­innen sol qalaǵa ar­naıy ba­ryp, jurt­shy­lyqpen júzdesýin oń qa­damǵa baladym. Sebebi, sol sátte Jańa­óz­en­degi shynymen abdyrap qalǵan halyqqa memlekettiń, E­l­basynyń qoldaýy qajet edi. Nur­sultan Ábishuly qınalǵan jurt­tyń kóńiline senimdilikti ornyq­tyryp, kúndelikti tirshilik aǵy­myna alańsyz ilesýine jol ashty. Elbasy Jańaózenge sapary ba­rysynda eldiń birligin saqtaý qajettigine nazar aýdardy. О́ıt­keni, Qazaqstanda táýelsizdik al­ǵa­ly beri ishki turaqtylyq saq­ta­lyp, halyqtar arasyndaǵy bir­lik­tiń býyny bekı tústi. Bul – qa­zaq­standyqtardyń eń basty jetistigi. Mine, osynshama jyl saqta­lyp kelgen turaqtylyqty, birligimizdi odan ári nyǵaıta túsýdiń mańyzyn árqaısymyz túsinýimiz qajet. Jańaózendegi jumys berýshiler men munaıshy­lar­dyń eńbek daýyn syl­taý etip, eldegi tu­raqtylyqqa syna qaq­qy­sy keletinder qat­ty qatelesedi. Urpa­ǵy­nyń keleshegin oılaǵan ár adam búlik pen tár­tip­siz­dikter uıym­das­tyr­ǵysy kelgenderdiń áre­ketine ilespeıdi dep oı­laımyn. Sebebi, bizge el­diń turaqtylyǵynan qymbat nár­­­se joq. Tu­raqtylyǵy saqtalǵan elde ekono­mıkalyq órkendeý, ál­eý­mettik serpilis bolatyny daýsyz. Táýbe dep aıtalyq, táýelsiz Qazaqstannyń jurty birlik pen turaqtylyqty basty qundylyq dep biledi. Osynaý basty qun­dy­lyǵymyz budan bylaıǵy ýaqytta Jańaózende de saqtala bergenin qalaımyn. Jańaózen jarasy da jazylady. Endi mundaı oqıǵa qaı­talanbasa dep tileımiz. Jańa­ózende eńbek daýy da bolmasyn deıik. Qysqartylǵan munaıshy­lar kóp keshikpeı jumysqa orna­lasatynyna senemiz. О́ıtkeni, El­basy «QazMunaıGaz» kompanııa­sy­nyń jańa basshylaryna eńbek daýynyń oń sheshilýine tapsyrma berdi. Prezıdenttiń bul tapsyr­ma­sy jańaózendikter ıgiligine dańǵyl jol ashpaq. Vera ShIN, H. Dosmuhamedov atyndaǵy Atyraý memlekettik ýnıversıtetiniń qyzmetkeri. Atyraý oblysy.   Qazaqstannyń tunyǵyn eshkim shaıqaı almaıdy Elbasynyń Mańǵystaý obly­syndaǵy sapary talaıdan shıelenisken máseleniń túıinin tarqat­ty. Elde usaq-túıek deıtindeı, er­teńge qaldyratyndaı másele bolmaýy kerek. Úkimet ýaqy­tyn­da bárin rettep otyrsa, mundaı aýyr oqıǵalar bolmas edi. Son­dyqtan Elbasynyń dereý qabyl­daǵan sheshimderi kópshiliktiń kó­ńilinen shyqty. Qazaqstannyń búgingi jaǵdaı­yn qoı ústine boztorǵaı jumyrt­qalaǵan zaman deýge ábden bola­dy. Eń alǵash Táýelsizdik alǵanda eldiń tól teńgesin Anglııada bas­ty­rýǵa qazynasynan qarjy sýy­ryp bere almaǵan memleket aı­nal­dyrǵan 20 jyldyń ishinde keı­bir elderdiń 100 jylda áreń jetetin jetistikterine jetti. Halyqta “handa qy­­­ryq kisiniń aqyly bar” degen ataly sóz bar. Bir úlken aqsaqalmen áńgimede Qa­zaq­stan­nyń búgingi jetistikterin aıtyp otyryp: «Bizdiń El­ba­syda elý kisiniń aqyly bar», dep qaldyq. Úlken kisi túzetti. “Ke­she­giniń han­darynyń bir elge ǵana ámiri júrdi. So­ǵysta jeńdi, je­ńildi. Al, bizdiń Prezıdentimiz kú­ni keshe eshkimge belgisiz, bo­dan­dyq qamytyn kıip, taǵdyry qyl ush­ynda bolǵan qa­zaq­ty dú­nıe jú­zi­ne áıgiledi. Qýa­tyn art­tyrdy. Sondyqtan qyryq-elý emes, júz kisiniń aqyly bar deseń de artyq bolmaıdy”, dedi. Otyrǵandardyń bári ádil baǵa desti. “Bas jarylsa bórik ishinde”, degen bar. Jańaózen jarasy – bárimizdiń jaramyz. Endi ondaı oqıǵa qaıtalanbaýy kerek. Qazaq balasy eshkimniń aıtaǵyna ermese eken dep tileımiz. Elbasy Mańǵystaýda bolǵan oqıǵaǵa ádil baǵa berdi. Saldaryn anyqtap, munaıshylardy jumys­pen qamtýdy komıssııa tóraǵasy, О́mirzaq Shókeevke tap­s­yrdy. О́mirzaq Estaıuly kúrdeli máse­lelerdi sátimen sheshetin memlekettik qyzmetker ekendigin san ret tanytqan. Sondyqtan, Jańa­ózende bári qalpyna kelip, Elba­synyń tapsyrmasy aıaǵyna deıin oryndalatynyna senemiz. Ǵalymjan ZIIаBEKOV, “Jastar daýysy” gazetiniń bas redaktory. Shymkent.   Birlik – el tiregi Elbasynyń Mań­ǵys­taý oblysyna, so­nyń ishinde Jańaózenge arnaıy baryp, jergilikti jurtpen kezdesip, bolǵan oqıǵaǵa baıla­nysty ashyq áńgime­le­sýi úlken parasattylyqtyń belgisi retinde súısindirdi. Barsha qa­zaqstandyqtar sııaqty oryn alǵan tártipsizdik pen basbuzarlyq me­niń de janyma qatty batqan edi. Jastardyń jat pıǵyldylardyń arandatýyna urynýy óte ókinishti boldy. Ortaq úıimiz, qasıetti qa­ra shańyraǵymyzdyń tynyshtyǵy men birligine oıda joqta syna qaǵylýy qabyrǵamyzdy qaıys­tyryp ketti. Bul bárimizge ashy sabaq bolýǵa tıis. Aldaǵy ýa­qytta onyń sebep-saldary tereń zerttelip, naqty qorytyndy shy­ǵarylýy kerek dep bilemiz. Jańaózendikterdiń taǵdyry men muqtajyna memleket bas­shy­synyń jany aýyratynyn munaı­shylarmen aradaǵy áńgimede aı­qyn sezindik. Zardap shekken ha­lyqtyń qaıǵysyn bólisý kóń­il­i­mizden shyqty. Eńbek daýyna qa­tysty máselelerdi sheshý týraly tapsyrmalardyń tyńǵylyqty oryndalatyndyǵyna senemiz. Árıne, ómir joly dańǵyl bola bermeıdi. Buralań­dary, aýyr soqpaqtary kezdesedi. Ondaıda ók­pe-renish, sabyr­syz­dyq­qa erik berilýi úl­ken qatelikke aparyp soqtyraryn kórdik. Bu­dan bylaıǵy ýaqytta sodan saqtaný qajet. Ásirese, qıyn kezde shy­damsyzdaý keletin jas adamdardyń qoǵam­ǵa jat áreketterge baratyn jo­lyn kesý kerek. Qazirgi ýaqytta biz Elba­sy­nyń elimizdiń qaryshtap damýy jolyndaǵy eren eńbegin baǵalaı bilgenimiz jón. Eldiktiń úlgisin osyndaı sátte kórsetip, yntymaq pen birlikti bekite túsýge shaqy­ramyn. Memleket basshysynyń Aqtaýda, Jańaózende kezdesýlerde sóılegen sózi árqaısymyzǵa tereń oı salýǵa tıis. Eńbek daýlaryn ýshyqtyrmaı der kezinde sheshýdi barlyq iri kompanııalar este saqtaǵany jón. «Ashý dushpan, aqyl dos», deıdi halqymyz. Osy asyl sóz jú­rekke tutylýy qajet. Tynyshtyq, turaqtylyq – bereke tiregi. Nur­sultan Ábishuly ony árdaıym jo­ǵary qoıyp keledi. Ony mu­naı­shylar aldynda taǵy da atap kórsetýi halyq tilegimen oraı­la­syp jatyr. Razaq ÁLIN, «Appaz» sharýa qojalyǵynyń jetekshisi. Qaraǵandy oblysy, Qarqaraly aýdany.   Birligimizge syzat túspesin Men Elbasy Nur­sul­tan Nazarbaevtyń Ja­ńaózenge barǵan sa­paryndaǵy turǵyn­dar­men kezdesýde sóılegen sózin kóńil qoıyp tyń­dadym. Sebebi, mundaı keleńsiz oqıǵanyń arty ne bolyp ketedi dep qaýiptenip júr edim. Bul jalǵyz men emes, kópti alańdatqanynda sóz joq. Nursultan Ábishuly bul joly da qazaqı qalyp, úlken parasattylyq kórsetti. Qaqtyǵys kezinde qaza bolǵandarǵa kóńil aıtyp, qaıǵylaryn bólisý úshin kelgenin jetkizgende ár qazaq­standyqtyń otbasyndaǵy qaıǵy-qasiretke beı-jaı qaraı almaı­tyny, óz júreginen ótkizetini ta­ǵy da ańǵaryldy. О́zge elderden shoqtyǵy bıiktegen elimizdi kóre almaıtyndardyń bolatynyn eske sala kelip, bulaı birligimizdi saq­tamasaq eńseli el bola almaı­ty­nymyzdy qadap aıtty. Qashanda halqynyń qamyn jeıtin Elba­synyń yntymaqtyń bıigine um­tylaıyq degen sózi turǵyn­dar­dyń qaıaýly kóńiline senim uıa­lat­ty. Osyndaı qaıǵyly jaǵdaıǵa deıin ony ýshyqtyrǵan kompanııalar basshylaryn aýystyryp, jaǵ­daıdy túzeıtindeı aýqymdy ju­mystardy qolǵa alýy da kúpti kóńilderdiń tumanyn seıiltti. Jurt jón sózge, júıeli qoldaý-kómekke negizdelgen shuǵyl shara­larǵa toqtady. Prezıdent mundaı keleńsizdikterge eshqashan da jol berilmeıtinin, kinálilerdiń tıisti jazasyn alatynyn, al jazyq­syz­dardyń japa shekpeıtinin jetkizdi. Shynynda, qalyń jurtty dúr­liktirip, óz­de­­ri tasadan tas ata­tyn­­­darǵa tos­qaýyl qo­ıy­­lýy du­rys. Áıtpese, qa­­­ra ha­lyqty aranda­typ júr­genderdiń esebi túgel­denip ketýi bek múmkin. Jalpy daý-damaımen má­sele sheshilmeıdi. Bul dáleldeýdi qajet etpeıtin aqıqat. Nursultan Ábish­uly, esh nár­seni de kúlbil­te­le­medi. Tipti, ózin jaǵdaı qalypty dep al­da­ǵandar­­dy da kóptiń al­dynda ashyq aıt­­ty. Bul Prezı­denttiń bar­lyq má­­­­selede jarııa­lylyq us­tanatyn qasıetin aıqyn ańǵartty, qandaı jaǵdaıda aqı­qatqa jú­gi­netinin kór­setti. Eń bastysy, bú­lingen ny­­­sandardy qaltyna keltirý bas­taldy, zardap shekkenderge kómek kórsetiletin, jumystan shyǵa­ryl­ǵan jańa­óz­en­dikter úshin jańa jumys or­yn­dary ashylatyn bol­dy. Árbir ju­myssyz jańa­ózen­dik­tiń úde­meli ındýstrııalyq-ınno­vasııalyq damý baǵdarla­ma­sy aıasynda ash­ylǵan kásiporyn­darǵa jumysqa ornalasýyna jaǵ­daı jasalatyn boldy. Jalǵyz jańaózendik­ter­diń ǵana emes, bú­kil eldiń jú­re­gine salmaq túsir­gen kúrdeli jaǵ­daıdan shyǵýdyń san túrli sha­rýalary bastalyp ketkenin kó­zi­miz kórip, Elbasyna rıza boldyq. Halqymyz: «Baq­tyń barar jeri – yntymaq», dep tegin aıtpasa kerek. Aǵaıyn, yntyma­ǵymyzǵa ir­it­ki túspesin, táýelsiz­di­gimizdi kóz­diń qara­shy­ǵyndaı saq­taıyq degim keledi sózimniń sońynda. Bul ata-ba­ba­larymyz ǵa­syrlar boıy ańsaǵan egemendigi emes pe. Olaı bolsa, basymyzǵa qonǵan baqtyń baǵa­syn bileıik. Gúlnar SEITALINA. Aqtóbe.   Ahýal jaqsaryp keledi Quqyq qorǵaý organdarynyń júıeli jumysy, jergilikti bılik, adal nıetti azamattar Jańaózen qalasyndaǵy jaǵdaıdy qalypqa keltirip, turǵyndardyń qaýip­siz­digin saqtaý jolynda jumysta­ryn júıeli túrde júrgizýde. So­nyń nátıjesinde barlyq áleý­met­tik nysandar jumys isteı bas­ta­dy. Atap aıtsaq, 9 naýbaıhana, 9 dárihana, azyq-túlik dúkenderi men bazarlardyń 70 paıyzy ha­lyqqa qyzmet kórsetýde. Biraz sha­ǵyn aýdandarda ýaqytsha avto­dúkender jumys jasap tur. Olar azyq-túliktiń 13-14 túrimen qam­tamasyz etilgen. Azyq-túlik ba­ǵa­synyń qymbattaýyna jol bermeı, baǵany turaqtandyrý úshin «Kaspıı» áleýmettik-áriptestik kor­porasııasynyń enshiles ká­sip­orny «Bereket» seriktestiginiń qoımasyna azyq-túliktiń, ettiń qory jasaqtalyp otyr. Qala ák­imdiginiń uıymdastyrýymen kó­she­ler men qıraǵan ǵımarattardy qoqystan tazartý jumystary júr­gizilip, oǵan 800-ge jýyq tur­ǵyn­dar tartyldy. Bul jumysty «Ta­zalyq» memlekettik-kommý­nal­­­­dyq kásiporny men «Kazavtodor» res­pýblıkalyq kásiporny qyzmet­ker­leri odan ári jalǵas­tyrýda. Uıaly baılanys iske qosyldy. Teledıdar, poshta qyzmeti júıege tústi. «Rahat» shaǵyn aýdanynda ǵana biraz úıdiń telefon baıla­ny­syn qalpyna keltirý jalǵa­sý­da. Qıraǵan nysandardy jóndeýdi qolǵa alý úshin eki jobalyq top, olardyń jobalyq-smetalyq qu­jat­tamasyn jasaýda. Juma kún­nen bastap qalalyq ákimdik úıine kúrdeli jóndeý bastaldy. О́tken aptada qaıǵyly jaǵdaı kezinde zardap shekkenderge kómek kór­setý maqsatynda qurylǵan kómek qoryna qarjy aýdarýshylar qa­ta­ry kóbeıe túsken. Irgeli óner­ká­sip oryndary ishinen alǵashqy bolyp «Mańǵystaýmunaıgaz» AQ ujymy ózderiniń bir kúndik eń­bek aqylaryn bólgeni belgili boldy. Elbasy tapsyrmasyna oraı О́.Shó­keev basqarǵan úkimettik komıssııa Jańaózen qalasyn qal­pyna keltirý, qarjy máselesin sheshý, qalanyń tynys-tirshiligin qamta­masyz etetin nysandardy tezdep iske qosý úshin júıeli ju­mys isteýde. Jeksenbi kúni ob­lystyń jańa ákimi B.Mu­ha­med­­janov Ja­ńa­ózenge baryp qal­adaǵy zardap shekken nysandardy aralap, tur­ǵyndardyń jaı-kú­ıi­men tanysyp qaıtty. Qolǵa al­ynǵan jedel is-sharalar nát­ı­je­sinde «О́zen­mu­naı­gaz» óndiristik fılıalynyń qyzmetkerleri tú­­gelge jýyq ju­mysqa shyǵypty. О́zen ken or­nyn­daǵy jaǵdaı tu­raqtalýyna qa­raı, orta táýliktik ónim de bir­qalypty deńgeıde us­talýda. Qu­qyq qorǵaý organdary Jańaózen qalasynda qalypty ómirdi qa­lyp­qa keltirip, tur­ǵyn­dardyń qaý­­ipsizdigin saqtaý jo­lynda qa­jetti jaǵdaılardy jasaýda. Ja­ńa­ózen qalasy komen­datýrasy shta­­bynyń bastyǵy, polısııa pol­kovnıgi A.Dosa­ha­nov­­­tyń aı­tý­yn­sha, demalys kúnderi de tár­tip buzýshylyq áre­ketterge jol berilgen joq. Qa­lanyń ómir tirshiligi bir qa­lypqa túsip, tu­raq­ta­lyp keledi. Jolaman BOShALAQ, Mańǵystaý oblysy.