Tarazdyq 7 adamnyń, onyń ishinde 5 quqyq qorǵaý qyzmetkeriniń ómirin qıǵan qandy oqıǵadan beri 40 kún ótti. Osyǵan oraı oblys jáne qala ákimderi Q.Bozymbaev pen B.Orynbekov qoǵam tynyshtyǵyn saqtaý maqsatynda erlikpen qaza tapqan 5 bozdaqtyń otbasylaryn jańa páterlermen qamtamasyz etti.
Páterdiń kiltteri men jańa baspananyń «kórimdigi» retinde tartý etilgen teledıdarlardy qaza tapqan tártip saqshylarynyń jubaılary G.Tájıeva, D. Simetildá, M. Iýsýpova, V. Vlasova jáne G.Halıeva qabyldap aldy.
Sondaı-aq, oblystyq IID basshylary «Halyq Qaharmany» G. Baıtasov pen 3-dárejeli «Aıbyn» ordeniniń ıegerleri atanǵan Polat Aıanqulov pen Jaqsybek Baıseıitovke jeke quram men elimizdegi izgi júrekti jandardyń arnaıy esepshotqa aýdarǵan qarjylaı kómegin de tabys etti.
Kósemáli SÁTTIBAIULY,
Jambyl oblysy.