Almaty oblysynda jyl basynan beri 310 mlrd teńgeniń aýyl sharýashylyǵy ónimi óndirilip, salanyń kórsetkishi 2,6 prosentke ósimge qol jetkizip otyr. Sondaı-aq, aımaq ónerkásibindegi ónimdilik 556 mlrd teńgeni qurap, naqty kólem ındeksi 101,1 prosentke jetken. Al bólshek saýdadaǵy taýar aınalymynyń kólemi 7,2 prosentke ósip, 266,2 mlr. teńgeni quraǵan eken.
Qazir Jetisý topyraǵynda ósken azyq túlik, kókóinis pen qatar, et, sút, qus ónimderine suranys joǵary. Ásirese, úlken qaladaǵy naryqqa jol tartqan ónimderdiń ótimdiligi baıqalady. Munyń bir dálelin jaqynda Astana qalasynda ótken Almaty oblysynyń kúnderi aıasyndaǵy jármeńkeden baıqaýǵa bolady. Eki kún ishinde jetisý agrarlary jalpy quny 270 mln teńge bolatyn 470 tonna aýyl sharýashylyǵy ónimin saýdaǵa shyǵaryp úlgergen.
Jalpy, elordadaǵy «Qazaqstan» sport kesheniniń janynda ótken jármeńkege jurt kóp jınaldy. Astanalyqtarǵa usynylǵan azyq-túlik, kókónis ónimderiniń baǵasy arzan, sapasy joǵary bolǵandyqtan saýda qyzyp berdi. Bul joly Almaty oblysynyń 17 aýdany men 3 qalasynyń sharýalary 17,0 tonna et ónimderni, 21,9 tonna sút ónimderin, 12,4 tonna balyq pen 106,1 tonna kókónis, 43,4 tonna jemis-jıdek jáne 43,3 tonna kartop ónimderin bazarlady. Osylaısha , jetisýlyq sharýalar eki kún boıy ótken jármeńkede 48 túrli ónim saýdalap, elorda turǵyndarynyń suranys qanaǵattandyrǵan.
Qalmahanbet MUQAMETQALI,
«Egemen Qazaqstan»
Almaty oblysy