«Rýhanııattaǵy» janjal

Jazýshy-dramatýrg, «Rýhanııat» partııasynyń negizin qalaýshy Al­tyn­shash Jaǵanova «Rýhanııat­tyń» par­tııalyq tizimin tirkeýden alyp tastaýdy jáne saıası birlestik jetekshisi Serikjan Mámbetalındi jibergen burmalaýshylyqtary úshin jaýapkershilikke tartýdy talap etip otyr. Osyndaı málim­de­memen ol qa­zirdiń ózinde res­pýblıkanyń Bas pro­kýratý­ra­sy­na qaıyrylyp úl­gerdi. – 1995 jyly bizdiń uıy­my­myz Qazaqstannyń «Dáýirleý» partııasy ataýymen tirkelgeni belgili. 2003 jyly biz qaıta tirkelýden ótip, «Rýhanııat» dep ataldyq. Partııa­nyń basym­dyq­tary retinde ha­lyq­tyń rýhanı jańǵyrýy, ultaralyq kelisimdi ilgeriletý, ıaǵnı bárimizdiń al­dy­myzǵa Memleket basshysy qoı­ǵan mindetterge basymdyq berý málimdeldi, – deıdi A.Jaǵanova. Serikjan Mámbetalın partııa jetekshiligin byltyrdan bastap qolǵa aldy. Basshylyqty jas býyn ókiline berý sheshimi «Rýhanııattyń» jastar qanatyn damytý múddesi turǵysynan qa­byl­dandy. Alaıda, A.Jaǵa­nova­nyń sózine qaraǵanda, jańa tór­aǵanyń jumys stıli par­tııa­nyń basshylyq organdaryn kóz­ge ilmeı, barlyq máseleler boıyn­sha sheshimdi jeke-dara qabyldap, jarǵylyq talaptarǵa júrdim-bar­dym qaraýy partııanyń negizin qa­laý­shy men onyń serikterin qa­naǵattandyrmaǵan. Belgili jazýshy-dramatýrgtiń atap kórsetkenindeı, qyzmetine kirisisimen S.Mámbetalın par­tııalas­tary­nyń, ásirese, óńirler ókilderiniń pikirlerimen sanaspaı, óziniń jeke basyn nasıhattaýmen aınalysqan. Ásirese, rýha­nııat­tyqtardy partııa­nyń Parlament Májilisiniń depýtat­tyǵyna kandıdattar usyný úshin ótki­zil­gen sezi ashyndyrdy. – Sezd múldem zańsyz ót­kizildi. Respýblıkalyq komıtet, pleným, par­tııa­nyń saıası atqarý komıteti bizde bar-joǵy 7 adam­dy quraıdy. Máse­len, solardyń 5-i forým jumysyna qatysqan joq. Onyń ústine, jarǵy boı­yn­sha partııanyń kezekten tys se­zin ótkizý týraly sheshim mindetti túrde plenýmda qabyldanyp, oblys­tyq konferensııalar ótki­zi­lýi tıis bolsa, olardyń eshqaı­sy­sy múldem uıymdastyrylmaǵan. Partııa forý­myn­da birqatar óńirlerden delegattar da ókildik etpegen. Sezge bizdiń par­tııa­myz­ǵa eshqandaı qatysy joq adam­dar qatysyp otyrǵan. Men sezdi zańsyz, al Mámbetalınniń is-áreketin múldem taza emes dep esepteımin. Ol jaǵdaıdy bilmeıtin kandıdattardy adasýshy­lyqqa uryn­dyrsa, bul oǵan bedel ápermeıdi, – dep málimdeıdi A.Jaǵanova. «Rýhanııattyń» negizin qalaý­shy­nyń sózine qaraǵanda, partııa sez­deri jar­ǵylyq erejesiz ót­ki­zilmeıdi. Jar­ǵyny S.Mámbetalın bilmeıdi, óıt­keni, jarǵy, qu­ryl­taı qujat­ta­ry, mór – barlyǵy A.Jaǵanovada saqtaýly. – Ol muny jaqsy biledi, degenmen, men qazir tańǵalyp otyr­myn, ol jarǵyny kóshken kezde joǵaltyp al­dym dep málimdeýde. Mundaı ótirik­tiń qajeti qansha? Sondyqtan men jal­ǵan qujat jasaýshy adammen bet­pe-bet kelip otyrmyz ǵoı dep esepteımin, – dep málimdeıdi A.Jaǵanova. –  Men OSK-ge partııany tirkeýge usynylǵan qujattardy muqııat tekserý kerektigin eskertken bola­tynmyn. OSK ta­ra­pynan eshqandaı áreket baıqal­ma­ǵandyqtan, men prokýra­tý­ra­ǵa qaıyrylýǵa májbúr boldym, – deıdi jazýshy-dramatýrg. A.Jaǵanova Bas proký­ra­tý­raǵa «Rýhanııat» tóraǵasynyń is-áreketi­ne quqyqtyq baǵa berip, tıisti shara qabyldaý úshin qaıyrylǵan. Son­daı-aq ol partııany saılaýaldy do­da­synan alyp tastaýdy talap etip otyr.