...rızashylyq bildiredi Mańyzdy maqala jazbaq oıdamyn «Egemen Qazaqstan» gazetiniń 2018 jylǵy 18 shildedegi nómirinde «Shyǵys Qazaqstan oblysynyń veterınar dárigerleri» qoǵamdyq birlestiginiń tóraǵasy Esenkeldi Bákimbaevtyń «Maldárigerlik qyzmet ýaqyt talabyna saı ma?» dep atalatyn maqalasynda «Oıymyzdy ortaǵa salyp, yntaly adamdarmen bólisýdi jón kórdik» dep, veterınarııa salasyndaǵy problemalardy qoǵamdyq talqylaýǵa usynǵan eken. Gazet elimizdegi veterınarııalyq qaýipsizdikke qatysty problemany jarııalaǵany úshin maqalany oqyǵan kópshiliktiń alǵysyn jetkizýdi jón sanadym. Ujym aldaǵy ýaqytta veterınarııa salasynyń problemalaryna turaqty kóńil bólip otyrsa eken degen tilek aıta otyryp, aýyldyq okrýgterdegi veterınarııalyq beketter deńgeıindegi qordalanǵan máselelerdiń týyndaý sebepteri men ony sheshýdiń joldary týraly usynystarymdy maqala etip jazsam degen oı keledi. Maqala – normatıvtik-quqyqtyq aktilerge silteme jasaı otyryp, veterınarııa salasynyń ýákiletti organy – Aýyl sharýashylyǵy mınıstrligi atyna syn aıtylyp, aýdandardyń JAO qurǵan memlekettik veterınarııalyq uıymdardy damytýda oryndalmaı otyrǵan quqyqtyq, uıymdastyrýshylyq jáne ekonomıkalyq negizderi týraly bolmaq.
Muhamedáli TILEÝLIEV, «Veterınarlyq qyzmet» MMK-niń parazıtolog-maldárigeri Túrkistan oblysy, Tóle bı aýdany
...maqtan tutady Qanatyn keń jaıa túsedi Táýelsiz Qazaqstannyń tý tikken elordasy – Astana qalasyna bıyl jıyrma jyl toldy. Jıyrma jyl degen tarıh úshin qas qaǵym sát bolsa da, elordamyzdyń tóri adam tanymastaı ózgerdi. Jyl emes, kún sanap, etek-jeńi keńeıip, eńsesi bıiktep, ertegilerde shyǵatyn alyp qus samuryqtyń qanat qaqqanyndaı qaryshtap damyp keledi. Samuryq qustyń uıasyndaı alyp Báıterek qalamyzdyń ortasynda menmundalap tur. Astananyń ortalyq alańyndaǵy «Qazaq eli» monýmentin óz basym búkil qazaqtyń basyna qonǵan altyn táji dep bilemin. Kishkentaı kezimde áke-sheshemmen birge Eýropanyń kóptegen qalalaryn aralap, talaı keremet kórinisterdi tamashalaǵan edim. Sol kezde «Shirkin-aı, mynandaı keremet mádenı oshaqtar, osyndaı tamasha oıyn-saýyq oryndary bizde de bolsa ǵoı» dep armandaýshy edim. Sol arman-qııalymdy bilgendeı-aq búgingi Astanada bári salynyp, el ıgiligine jarap jatyr. Meniń bastaýysh synyp bitirgen jyldarymda múldem bolmaǵan ásem ǵımarattar, eńseli ordalar búgin eńse tiktep, Astananyń tórine shyraı berip tur. Astana óziniń syrtqy kelbetimen ǵana emes, ishki mán-mazmunymen de órkenıetti álemniń kóshin bastap tur. Byltyr ǵana EKSPO-2017 halyqaralyq kórmesiniń ashylý saltanatyna barǵan sátimde tań tamasha boldym. «Máńgilik el» qaqpasy qala ortasy ispetti bolyp qalǵan. Jan-jaǵynda salynǵan ásem ǵımarattar odan ary sozylyp, áýejaıǵa qaraı bettep ketipti. Al sol aýmaqtaǵy Nazarbaev Ýnıversıtet kampýsyna qarsy turǵan «Mega sılkýeı» oıyn-saýyq otaýy kúndelikti sabaqtan shyqqan stýdent jastardyń kóńil kóteretin, demalatyn eń qolaıly ári laıyqty mádenı orny. Osyǵan qarap maǵan mynandaı oı keldi: Astananyń asyl muraty – jastar men bolashaqqa jasalǵan ıgi ister shoǵyry. Olaı bolsa, jastarynyń qamyn oılaǵan qala árdaıym gúldenip damı beredi, eńsesin tiktep, qanatyn keń jaıa túsedi.
Aqnıet SÁRSENOVA, Astana qalasy, №66 mektep-lıseıiniń 11 «B» synyp oqýshysy
...usynys jasaıdy Shejireni zertteıtin ınstıtýt kerek Eger qazirgi shejire dep júrgenimizdi úrim-butaq tizimimen eseptesek jeti ata emes, keminde qyryq, elý ataǵa barady. Nege qazaq jeti atańdy bil dedi? Quranda «ulystar men rýlarǵa bóldik» deıdi. Demek shejire – Qudaıdan. Ol týraly «Ábil men Qabyl» jaıly ańyzda aıtylady. Al qazaq nege ultty júzge, júzdi elge, eldi rýǵa, rýdy ataǵa bólip taratady? Jeti ata júıesiniń syry tereńde. Shejire – teńdesi joq ǵylym. Aıtpaǵym, shejire ilimi kúrdeli ilim. Qazaqta onyń júıesi saqtalǵan. «Bireýde altynshy saýsaq bolsa, ol onyń jetinshi urpaǵynan qaıtalanady» deıdi tuqymqýalaýshylyq jáne ózgergishtik zańynyń tujyrymy. Qazaqqa shejireni zertteıtin ǵylymı ınstıtýt kerek. Tek ańyzdar men tarıhı derekterdi maldaný shynaıy ǵylymǵa jatpaıdy. Qazaqta búginge deıin saqtalyp kele jatqan shejire júıesi, úrimbutaq qujaty, áýlet tarıhy bar. Bul máselege ult bolyp kóńil bólinýi kerek. Qazaq shejire arqyly birigedi. Qur maqtannyń kúni ótip barady. Aıtqanyn dáleldeıtin ǵylym degen salaǵa den qoıý kerek. Qazaq shejire zańy arqyly buzylǵanyn túzep, úzilgenin jalǵaı alǵan ult. Ol ulylyqty áli de jasaı alady.
Serik SÚIINDIK Almaty
...úlgi etedi О́nerli órge júzer Jamılıa Ismetova Mańǵystaý oblysy, Qaraqııa aýdany, Jetibaı aýylynyń №3 orta mektep mekemesiniń 9 «G» synybynda oqıdy. Jamılıa kishkene kezinen óte zerek, aqyldy, bilimdi bolyp aýdandyq, oblystyq, respýblıkalyq saıystarǵa da únemi qatysyp, bıikterden kórinip júrgen oqýshy. 2016 jyly Atyraý qalasynda ótken respýblıkalyq «Aq kógershin» mánerlep oqý saıysynan júldeli II oryn, Qaraqııa aýdandyq «Abaı oqýlary 2016» mánerlep oqý saıysynan I oryn, Aqtaý qalasynda ótken «Abaı oqýlary 2016» oblystyq mánerlep oqý saıysynan I oryn, sonymen qatar 2016 jyly «Saptyq júris 2016» baıqaýynan I oryn ıelengen. Jamılıa tek mánerlep oqý sheberi ǵana emes, sahnalyq qoıylymdarda da róldi óte keremet somdaıtyn aktrısa desek artyq aıtpaǵan bolar edik. Qaraqııa aýdanynda ótken «Esirtkisiz esti álem» saıysynda «Ana» rólin somdap III orynǵa ıe boldy. Odan keıin aýdandyq «Mańǵystaýnama» saıysynda «Asaly-Kóketaı» dramasynan qoıylym qoıǵanda, Kóketaı rólin jan-tánimen oryndap, II oryn ıelendi. Aýdandyq pán olımpıadasyna bıologııa páninen II oryn alyp, oblysqa deıin baryp keldi. Jamılıanyń osyndaı dárejege jetýine septigin tıgizgen ata-ananyń bergen júıeli tálim-tárbıesi dep oılaımyn. Ekinshi árıne, ustaz tárbıesi. Biz mektebimizde osyndaı shákirtterimizdiń baryn úlken maqtanyshpen aıta alamyz. Aıtgúl KО́PTILEÝOVA, №3 orta mektep muǵalimi Mańǵystaý oblysy, Qaraqııa aýdany