Jambyl oblysyndaǵy jumys sapary barysynda Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Alık Shpekbaev Jambyl oblysynyń aktıvimen kezdesti.
Kezdesýge oblys ákimi Asqar Myrzahmetov, Qazaqstan Respýblıkasy Prezıdenti janyndaǵy Memlekettik basqarý akademııasynyń rektory Fatıma Jaqypova, Almaty jáne Shymkent qalalaryndaǵy, Almaty, Túrkistan jáne Qyzylorda oblystaryndaǵy aýmaqtyq departamentterdiń basshylary, etno-qaýymdastyqtardyń ókilderi, máslıhattardyń depýtattary, memlekettik jáne jergilikti atqarýshy organdardyń basshylary men óńir turǵyndary qatysty.
Alık Shpekbaev faktorly-baldyq júıesy men bonýstar negizindegi memlekettik qyzmetshilerdiń jańa eńbekaqy júıesine basa nazar aýdardy.
Ol qyzmetkerlerdiń jalaqysyn eki esege arttyrý jáne ortalyq pen óńirler arasyndaǵy jalaqy aıyrmasyn 70%-dan 10%-ǵa deıin tómendetýdiń oń nátıjesin atap ótti. Onyń nátıjesinde , bir orynǵa konkýrs 3 ese artqan. Búgingi kúni bir bos memlekettik laýazymǵa eki úmitkerdiń ornyna alty adam keletin bolǵan.
Agenttik tóraǵasy joǵary tıimdilik kórsetkishteri bar qyzmetkerler jyl saıynǵy jalaqy mólsherinde syıaqyǵa úmittene alady jáne bul óz kezeginde ıpotekany rásimdeýge nemese avtokólik satyp alý úshin jaqsy múmkindik ekendigin atap ótti.
«О́zgeristi ózińnen basta» prınsıpi boıynsha, búgingi kúni Agenttik memlekettik apparatta ońtaılandyrý prosesiniń draıveri bolyp tabylady.
Mysaly, eger biz barlyq memlekettik organdardyń kadrlyq prosesterin ortalyqtandyratyn bolsaq, boljamdy ońtaılandyrý jylyna 5,5 mlrd. teńge únemdeıtin shamamen 4 600 birlikti qamtıdy», - dedi ol.
Alık Shpekbaev qosalqy qyzmetterdi ortalyqtandyrý jáne kadrlyq qujataınalym boıynsha Ortaq qyzmet kórsetý ortalyǵyn qurý tájirıbesi týraly áńgimeledi.
«Qazir bizdiń personaldy basqarý qyzmetkerimiz 14 ese tıimdi. «E-qyzmet» aqparattyq júıesiniń arqasynda ol 30 adamnyń ornyna 400-den astam adamǵa qyzmet etedi. Jyldyń sońyna deıin ortalyqqa jalaqyny esepteý fýnksııasy beriledi. Sonymen qatar, memlekettik satyp alýlar men zań qyzmetteri ortalyqtandyrylǵan», - dedi ol.
Agenttik Tóraǵasy Agenttiktiń Sybaılas jemqorlyqqa qarsy is-qımyl Ulttyq bıýrosyn ońtaılandyrýdy mysal retinde keltirdi.
Alık Shpekbaevtyń aıtýynsha, Prezıdenttik syıaqyny jáne ońtaılandyrýdy eskere otyryp, Ulttyq Bıýro ortalyq apparatynyń ofıserleri 232 myń teńge ornyna 410 myń teńge, al aýmaqtyq departamentter - 152 ornyna 350 myńǵa jýyq eńbekaqy alatyn bolady.
«Biz basqarýshylyq laýazymdardy eki esege qysqarttyq, bul atqarýshy bılikti 25% nyǵaıtty.
Artyq qurylymdardy qysqarttyq, onyń ishinde aýdanaralyq basqarmalardyń úshten eki bóligin qosa alǵanda. 26 basqarma bólimderge, 34 bólim toptarǵa ózgertildi.
Ortalyq basqarýdy kúsheıte otyryp, ishki qaýipsizdik aýmaqtyq departamentterin ońtaılandyrdyq.
Osy sharalardyń kesheni basshylardyń oryndaýshylarǵa ara qatynastaryn ózgertti. Eger buryn bul kórsetkish 1: 2 bolsa, onda ońtaılandyrýdan keıin - 1: 7, bul bizdi halyqaralyq menedjment standarttaryna jaqyndatady», - dedi ol.
Ol sondaı-aq Memleket basshysyna birinshi basshylarǵa memlekettik organdardyń, vedomstvolardyń jáne olardyń vedomstvolyq baǵynystaǵy uıymdarynyń eńbekaqy tóleýdiń jańa júıesin engizý úshin jumystan bosatylǵan qarajatty paıdalaný jónindegi qyzmetkerlerdiń sanyn jáne aǵymdaǵy ákimshilik shyǵystaryn ońtaılandyrýǵa quqyq beretin qaýly engizilgendigin aıtty.
«Áriptester, men sizderge Agenttik pen Ulttyq bıýrony ońtaılandyrý týraly egjeı-tegjeıli aıtýym jaıdan-jaı emes. Jańa jalaqy júıesine kóshý - ońtaılandyrý nátıjelerine tikeleı baılanysty bolady degendi aıqyn túsiný kerek.
Bolashaqta Jambyl oblysynyń ákimdigimen qosa árbir memlekettik organ tekserilgen tásilderdi engize alady. Ol úshin sizde qajetti rezervter bar, bos oryndar bar», - dedi Alık Shpekbaev qatysýshylar aldynda.
Qazirgi ýaqytta Almaty jáne Shymkent qalalarynyń ákimdikteri 1 qazannan bastap jańa júıege ishki rezervter esebinen ótýge daıyn ekendigin bildirdi.
Memlekettik qyzmetterdi sıfrlandyrý týraly aıta otyryp, olardyń elektrondyq formatqa tezdete aýdarý ¾-ke turmystyq sybaılas jemqorlyqty azaıtýǵa múmkindik berdi.
«Aqparattyq júıelerdiń ıntegrasııasyna keletin bolsaq, ol qazirdiń ózinde 30%-dan asady. Aqparat jáne kommýnıkasııalar mınıstrligimen birlesken jumysymyzdyń 8 aıynda 2,5 esege derekter bazasy ıntegrasııalandy(sońǵy 10 jylmen salystyrǵanda).
Bizdiń basty maqsatymyz – turmystyq sybaılas jemqorlyqty joıýdyń negizgi faktory retinde onlaın qyzmetterge tolyq kóshý», - dedi Alık Shpekbaev.
Sonymen birge, Agenttik Tóraǵasy Jambyl oblysynda bıznesti jáne ınvestısııalardy sybaılas jemqorlyqtan qorǵaý boıynsha jobany tabysty iske asyrylyp jatqandyǵyn atap ótti.
Jınalysqa qatysqan Jambyl oblysyna salynǵan ınvestısııalar jáne Agenttikke degen senimderi úshin bıznesmenderge alǵysyn bildire otyryp, ol Agenttiktiń aýmaqtyq departamentterine jáne Ulttyq Bıýroǵa ınvestorlardy qoldaý, kómek kórsetý jáne qorǵaý boıynsha jumysty kúsheıtýdi tapsyrdy.
«Jambyl oblysynda 160 mlrd teńgeni quraıtyn 4 joba sybaılas jemqorlyqqa qarsy súıemeldenýde.
Bizdiń jobalarymyzdyń árqaısysy óńirlerdegi kásipkerlerdiń zańdy quqyqtaryn tıimdi qorǵaýy kerek. Bıznesti sybaılas jemqorlyqtan qorǵaý - ınvestısııalardy tartýdaǵy bizdiń elimizdiń «qyzyǵýshylyq týdarytany quralyna» aınalýy tıis», - dedi sybaılas jemqorlyqqa qarsy kúres vedomstvosynyń basshysy.
Kezdesý barysynda sondaı-aq Qazaqstan Respýblıkasy Prezıdenti janyndaǵy Memlekettik basqarý akademııasynyń rektory Fatıma Jaqypova jáne «Bıznesti jáne ınvestısııalardy sybaılas jemqorlyqtan qorǵaý» jobalyq bóliminiń basshysy Gúlmıra Qabıeva sóz sóıledi.
Jumys sapary aıasynda Agenttik Tóraǵasy Qazaqstan Respýblıkasy Prezıdentiniń janyndaǵy Memlekettik basqarý akademııasy fılıalynyń ashylý rásimine qatysyp, Jambyl oblysy boıynsha Qazaqstan Halyq Assambleıasynyń múshelerimen, jergilikti jáne sheteldik ınvestorlarmen, bıznes-qaýymdastyq ókilderimen kezdesti.