Bıylǵy 28 qyrkúıekte Májiliste «Jumyspen qamtý salasynyń problemalary men damý perspektıvalary» taqyrybynda parlamenttik tyńdaý ótedi, dep habarlady Májilistiń baspasóz qyzmeti.
Oǵan Senat pen Májilis depýtattary, Úkimet músheleri, ortalyq jáne aımaqtyq memlekettik organdardyń basshylary, saıası partııalardyń ókilderi, «Atameken» UKP, jastar uıymdary, bilim berý, jumyspen qamtý ortalyqtary, sheteldik jáne otandyq sarapshylar, BAQ ókilderi qatysady. Onda eńbek naryǵynyń jaı-kúıi, azamattardy jumyspen qamtý jáne jumysqa ornalastyrý, ózin ózi jumyspen qamtyǵandardy formalızasııalaý jónindegi ózekti máseleler talqylanady dep josparlanǵan.
Tyńdaýda Qazaqstan Respýblıkasynyń Eńbek jáne halyqty áleýmettik qorǵaý men Ulttyq ekonomıka mınıstrlikteriniń taqyryptyq baıandamalary jasalady dep kútilýde.
Sondaı-aq parlamenttik tyńdaýdy ázirleý jónindegi Arnaıy ýaqytsha komıssııa óz jumys nátıjelerin usynatyn bolady. Parlamenttik tyńdaýdyń qorytyndysy boıynsha, Qazaqstan Respýblıkasynyń Úkimetine, ortalyq memlekettik jáne jergilikti atqarýshy organdarǵa Usynymdar ázirlenedi.