Túrkistan qalasynda Elordamyz Astana qalasynyń 20 jyldyǵyna jəne «Əziret Sultan» memlekettik tarıhı-mədenı qoryq-mýzeıiniń 40 jyldyq mereıtoıyna oraı mektep oqýshylary arasynda dəstúrli XXII «Iаsaýıtaný-2018» Halyqaralyq baıqaýy ótti, dep habarlaıdy «Áziret Sultan» qoryq-mýzeıiniń baspasóz qyzmeti.
Jıyrma eki jyldyq tarıhy bar «Iаsaýıtaný» baıqaýyna bıyl elimizdiń Astana, Almaty, Shymkent qalalary men Aqmola oblysy, Almaty oblysy, Aqtóbe oblysy, Qaraǵandy oblysy, Qostanaı oblysy, Qyzylorda oblysy, Shyǵys Qazaqstan oblysy, Túrkistan oblysy jáne Túrkistan qalasy jáne О́zbekstan, Túrkııa, Qyrǵyzstan Respýblıkalarynan 41 oqýshy qatysyp baq synady.
"Áziret Sultan" memlekettik tarıhı-mádenı qoryq-mýzeıi uıymdastyrǵan bilim jáne óner saıysynyń maqsaty - Qoja Ahmet Iаsaýıdiń rýhanı murasy men ilimin, «Áziret Sultan» kesenesine jerlengen dara tulǵalardyń eli úshin atqarǵan eńbekterin, sondaı-aq, Túrkistan qalasynyń tarıhyn, Ámir Temir dáýirinen qalǵan qundy ortaǵasyrlyq jádigerlerdi jáne mýzeı isin nasıhattaý.
Saıysqa qatysýshylardyń bilimin «Əziret Sultan» memlekettik tarıhı-mədenı qoryq-mýzeıiniń dırektory orynbasry Serik Úrkimbaev, «Əziret Sultan» qoryq-mýzeıiniń bas redaktory Əbdikerim Manapov, Q.A.Iаsaýı atyndaǵy Halyqaralyq qazaq- túrik ýnıversıtetiniń professory teolog, fılosofııa ǵylymdarynyń doktory Dosaı Kenjetaı, Q.A.Iаsaýı atyndaǵy Halyqaralyq qazaq- túrik ýnıversıtetiniń professory, dintanýshy Zikirııa Jandarbek, «Əziret Sultan» qoryq-mýzeıiniń bas qor saqtaýshysy Nurjamal Əshirbekova sarapqa saldy.
Birinshi kezeńde hıkmetterdi esh múdirmeı jatqa aıtýdan synǵa túsken úmitkerler daryndylyqtyń eren úlgisin kórsetti. Ekinshi kezeńde Qazaq handyǵynyń tarıhyna, Qoja Ahmet Iаsaýı babamyzǵa, «Áziret Sultan» mýzeıine qarasty tarıhı eskertkishter men jádigerlerge qatysty suraqtarǵa jaýap berdi.
Baıqaýymyzǵa qatysqan Qyrǵyzstan, Túrkııa, О́zbekstan elderinen kelgen oqýshylarǵa jáne Qazaqstannyń túkpir túkpirinen kelgen saıyskerler men shákirt tárbıelegen ustazdarǵa qoryq-mýzeı ákimshiligi tarapynan alǵys hattar men baǵaly syılyqtar tabystaldy.
Qazaq halqynyń rýhanı tutastyǵyn qalyptastyrǵan, Túrki halyqtarynyń rýhanı ustazy Qoja Ahmet Iаsaýı babamyzdyń hıkmetteri men ilimin nasıhattap, óskeleń urpaqty uly baba murasyn tereń meńgerip, zertteýge yntalandyryp, jas órkenniń ıntellektýaldyq paıym-parasatyn arttyratyn bul baıqaý áli de óziniń jalǵasyn tabady.