«Habar» telearnasynyń tikeleı efırinde «Balalar Evrovıdenıesi» baıqaýyna respýblıkalyq irikteý fınaly aıaqtaldy. Qazylar alqasy men kórermenderdiń daýys berý nátıjesinde «Junior Eurovision Song Contest» halyqaralyq án baıqaýynda Qazaqstan namysyn Danelııa Tóleshova qorǵaıtyn boldy.
Fınalda óńirlik irikteýlerden ótken 10 qatysýshy, atap aıtqanda Maksım Erjan, Zere Ámirbekova, Meıirjan Jıdebaı, Marııa Zatvarnıskaıa, Janelıa Qaldybek, Dınar Nádirbekova, Asýat Sanat, Bınýra Saýdabaı, Danelııa Tóleshova, Súıkim Qabylbek alǵash ret myńdaǵan kórermenniń aldynda án salǵan bolatyn. Jeńimpazdy tańdaý úshin kórermender ózderine unaǵan qatysýshyǵa sms joldaý nemese telefonmen habarlasý arqyly daýys berip, ádilqazylar alqasy da olardyń ónerin baǵalaǵan bolatyn. Nátıjesinde «О́zińe sen» ánin oryndaǵan Danelııa Tóleshova kórermender tarapynan 12, al ádil qazylardan 10 ball jınap, halyqaralyq baıqaýda baǵyn synaý múmkindigine ıe boldy.
Esterińizge sala ketsek, almatylyq ánshi Danelııa Tóleshova Ýkraınada ótken «Golos. Ditı» shoýynda jeńiske jetken bolatyn. Alǵashqy kezeńde ol "Stone Cold" ánin oryndap, barlyq qazylar alqasyna tánti etti. Danelııa osy ánin Youtube jelisinde 8 mln-ǵa jýyq adam kórgen. Al fınalda «Ne tvoıa voına» ánin oryndap, kópshilikti tańdandyrdy. Arnaıy ataqpen birge Danelııa Tóleshovaǵa Disneyland Paris-de saıahattaqa joldama berilgen bolatyn.