Oblys ortalyǵyndaǵy Dostyq úıinde jergilikti Assambleıanyń etno-mádenı birlestikteri Evgenııı Cholıımen kezdesýge jınaldy. Kezdesý barysynda óńirdegi «Taras Shevchenko atyndaǵy Ýkraın etno-mádenı birlestiginiń» qurylý, qalyptasýy jáne búgingi kúngi qyzmeti jaıly derekti fılm kórsetildi. Birlestik bıyl 25 jyldyq mereıtoıyn atap ótýge daıyndalýda. Kezdesýde ýkraınalyq qonaqqa dombyra syılady.
Evgenııı Cholıı jınalǵandardy osy ataýly mereıtoımen quttyqtady. О́z sózinde jalpy Ýkraındar kongresiniń qyzmeti-dúnıejúzinde turyp jatqan ýkraınalyq qaýymdastyqty nasıhattaýǵa jáne olarǵa kómektesýge baǵyttalǵan. Kongres ýkraındardyń maqsat-múddelerin álemdik deńgeıde qorǵaıdy. Basqa halyqtar sekildi, ýkraındar úshin rýhanııat, til men mádenıettiń saqtalýy asa mańyzdy ekenin jetkizdi.
- Osy maqsat barysynda Nıý-Iorkte, Avstralııada jáne basqa elderde konferensııalar ótkizdik. Sizderdiń elderińizde de osyndaı is-sharany uıymdastyrý týraly jospar bar. Memleket basshysy Nursultan Nazarbaev ár halyqtyń etno-mádenı birlestikteriniń qurylýyn mańyzdy dep sanaıtyny óte qýanyshty. Osy saıasattyń aıasynda qazir halyq birlikte ómir súrýde. Bul Qazaqstan damýynyń kilti , - dedi Evgenıı Cholıı.
Aldaǵy ýaqytta Kıevte ýkraındyqtardyń Dúnıejúzilik kongresiniń arnaıy jıyny ótpekshi. Evgenıı Cholyı óńirdegi Ýkraın etno-mádenı birlestigin múmkindikterine saı osy is-sharaǵa qatysýǵa shaqyrdy.
- Bizdiń birlestik te jaqsy jumys jasaýda. Birlestik 1993 jyly quryldy. Qazir ýkraın halqynyń salt-dástúrin, ádet-ǵurpyn jáne mádeeıetin jańǵyrtý, óńirdegi ulttar dostyǵy men ózara kelisimdi nyǵaıtý, ózimiz ómir súrip jatqan qazaq eliniń mádenı jáne ekonomıkalyq damý úrdisine ýkraındyqtar da úles qosýda. Birlestikte “Charıvnı strýny” bandýrıster vokaldy aspaptar ansambili, “Chernobryvsı”, “Djerelo” jastar vokaldy ujymdary, “Veselka” horeografııalyq ujymy bar,- deıdi jergilikti Ýkraın etno-mádenı birlestiginiń basshysy Mıhaıl Parıpsa.
О́tken jyly Otan soǵysynda Ýkraınany azat etken pavlodarlyq 50 soǵys-ardageri Ýkraına prezıdenti Petr Poroshenkonyń atynan mereıtoılyq medaldar aldy. Marapattar maıdangerlerdiń urpaqtaryna tartý etildi. Kózi tiri Sembaı Temeshev, Konstantın Volovıkter Kıevti azat etýge qatysqan.
Sapar barysynda Evgenıı Cholıı oblys ákiminiń orynbasary Meıram Begentaevpen kezdesti. Ekibastuzdaǵy Shiderti aýylynda ornalasqan ýkraın pravoslav shirkeýine bardy.
Farıda BYQAI
«Egemen Qazaqstan»
Pavlodar