«Nazarbaev ortalyǵynda» «Ortalyq Azııadaǵy BUU-nyń I halyqaralyq modeli» konferensııasy ótti.
Sharany BUU modeliniń úılestirý ortalyǵy Qazaqstan Respýblıkasynyń Tuńǵysh Prezıdenti-Elbasy Kitaphanasy men Qory birige otyryp, «Ulan-ǵaıyr dala eli» qoǵamdyq birlestiginiń jumysy aıasynda uıymdastyrdy.
Ortalyq Azııadaǵy BUU-nyń I halyqaralyq modeli – BUU sheńberinde jahandyq ıdeıalardy talqylaý rejiminde ótkiziletin halyqaralyq suhbat alańy, onda joǵary oqý orny stýdentteri men mektep oqýshylary BUU organdarynyń jumysyn jańǵyrtady. Árbir otyrystyń maqsaty – belgilengen máselelerdi talqylaý, sonymen birge árbir komıtettiń quzyretine qarar daıyndaý. Bul qararlar BUU-nyń mamandandyrylǵan agenttigine jiberiledi.
Konferensııa jumysynyń kún tártibine «Qazaqstan jáne BUU: 25 jyldyq áriptestik jáne tabysty yntymaqtastyq – jahandyq beıbitshilik, turaqtylyq jáne ornyqty damý úshin Qazaqstan Respýblıkasynyń beıbit bastamalary» taqyryby tańdalyp alyndy.
Halyqaralyq máselelerdi talqylaýǵa elimizden, Ázerbaıjan, Úndistan, Bangladesh, Qyrǵyzstan, Reseı, Pákistan, Aýǵanstan, Serbııa, О́zbekstan elderinen 200-den astam delegat pen baqylaýshy qatysty. Olar balalar eńbegi, kıberqaýipsizdik, bosqyndar quqyǵy, ıadrolyq qarý qoldanýdy shekteý, dinı tózbeýshilik, genderlik teńdik jáne ekologııalyq taza qalalar sanynyń artýy sııaqty máseleler tóńireginde pikir almasty.
Venera TÚGELBAI,
«Egemen Qazaqstan»