Vena qalasynda halyqaralyq atom energııasy jónindegi uıymnyń Bas konferensııasynyń 62-sessııasy ótti. Alqaly jıynǵa qatysqan Qazaqstannyń delegasııasyn Energetıka mınıstri Qanat Bozymbaev bastap bardy.
Elimizdiń delegasııasynyń quramynda Syrtqy ister mınıstrliginiń, «Qazatomprom» UAK AQ-tyń ókilderi bolǵanyn aıta keteıik.
MAGATE Bas konferensııasynda sóz sóılegen Qanat Bozymbaev Qazaqstan Prezıdenti N.Nazarbaevtyń ıadrolyq qarýdy taratpaý rejimin nyǵaıtýǵa qatysty bastamalaryna nazar aýdardy. Qazaqstan men MAGATE arasynda ıadrolyq qarýdy beıbit maqsattarǵa paıdalaný jónindegi áriptestik baılanystar men onyń bolashaǵy týraly baıandady.
Aýstrııa astanasynda qazaqstandyq delegasııa Saýd Arabııasy Koroldiginiń Energetıka jáne ónerkásip mınıstrimen, Qytaıdyń Atom energııasy agenttiginiń tóraǵasymen, Ýkraınanyń Energetıka jáne kómir mınıstriniń orynbasarymen jáne taǵy basqalarymen ekijaqty kezdesý ótkizdi.
Sessııa barysynda qatysýshylar uıymǵa múshe memleketter MAGATE alǵa qoıǵan maqsattardy júzege asyrýdaǵy Qazaqstannyń róline joǵary baǵa berdi.
Arnur ASQAR,
«Egemen Qazaqstan»