Medısınalyq kómek sapasy artady

Bul zań jobasy densaýlyq saq­taý salasyna Memleket bas­shysy men Úkimet qoıǵan basym mindetterdi oryndaý maq­satynda ázirlengeni aıtyldy. Mı­nıstr tegin medısınalyq kó­mek­tiń kepildendirilgen kólemi (TMKKK) men Mindetti áleý­met­tik medısınalyq saqtandyrý­dyń (MÁMS) jańa modeli DDU-nyń halyqty densaýlyq saqtaý qyzmetterimen jappaı qamtý jónindegi prınsıpteri­ne sáıkes ekendigin atap ótti. Máse­len, TMKKK sheńberinde ambýla­torııalyq-emhanalyq qyzmet kórsetý men stasıonarlyq kó­mek­­ti qosa alǵanda, medısı­­na­lyq kómek barlyq azamat­tarǵa, oral­­­mandarǵa jáne Qazaq­­­standa turaq­ty turyp jat­­qan shet­eldikter men azamat­tyǵy joq adam­darǵa kórseti­ledi. MÁMS júıes­in­degi medı­sı­nalyq kómek TMKKK tys medısınalyq qyz­metterdi qamtıdy. Sonymen birge MÁMS kólemi TMKKK paketi­men salystyrǵanda 42,4 myń teń­­gege artyq bolady. Bul ha­lyq­­tyń MÁMS júıesine qaty­sý­yn aıtarlyqtaı ynta­landyrmaq. 

«Densaýlyq saqtaý salasyn­daǵy tıimdi basqarý men báseke­lestikti damytýdy qamtama­syz etý maqsatynda zań joba­synda: 1) sharýashylyq júr­gizý quqyǵyndaǵy memlekettik ká­sip­­oryndardaǵy qadaǵalaý keńesteriniń ókilettigin keńeı­tý; 2) sha­rýashylyq júrgizý quqy­ǵyn­daǵy memlekettik kásip­oryn­darda alqalyq at­qarýshy organdar engizý; 3) sharýa­shylyq júrgizý quqy­ǵyn­daǵy memle­ket­tik kásip­oryndarda ishki aýdıt qyzmetin engizý kózdeledi», – dedi mınıstr. Sonymen qatar zań jobasynda DSM-ge densaý­lyq saqtaý ınfraqurylymyn damy­­­týdyń biryńǵaı pers­pek­­tı­­­v­a­lyq josparyn qalyp­tas­tyrý qa­ǵı­dalaryn ázirleý jáne be­ki­tý boıynsha jáne JAO-ǵa DSM-niń kelisimi bo­ıyn­sha den­saýlyq saqtaý ınf­ra­qu­ry­ly­myn damytýdyń pers­­pek­tı­valyq josparlaryn bekitý bo­ıynsha ókilettikter berý­diń kó­z­deletini ataldy. Osy nor­­ma­l­ardy iske asyrý nátı­jesin­de: 1) memlekettik ınvestısııa­lardy josparlaýdy ońtaı­landyrý; 2) aýrýhana uıym­darynyń shyǵyndaryn oń­taı­­landyrý; 3) medısınalyq kómek­ti ıntegrasııalaý; 3) jeke bı­z­nes úshin ınfraqurylymdy damy­­­týǵa qatysýdyń tartym­dy­­­ly­­ǵyn arttyrý kútiledi. Osy­­laı­­sha, MÁMS engizý jaǵ­daıyn­da me­dı­sınalyq kómek kór­­se­tý sapa­sy, densaý­lyq saq­taý jú­­ıe­s­i­niń ekonomı­ka­lyq tıim­­d­i­li­gi men báse­kege q­abi­l­­et­­tigi ar­tady. «Medısı­na­lyq bilim men ǵylym júıesin jetil­dirý maqsatynda, sondaı-aq «Densaýlyq» memlekettik baǵdarlamasynda kózdelgen mindetterdi sheshý úshin zań jo­basynda medısınalyq bilim men ǵylym salasyndaǵy strate­gııa­lyq áriptestik ınstıtýty en­giziledi; medısınadaǵy ǵyly­mı qyzmet jetildiriledi; den­saý­lyq saqtaý salasyndaǵy bilim men ǵylym uıymdarynyń ǵy­ly­mı-pedagogıkalyq kadr­lary­nyń quzyretin baǵalaý jú­ıe­si engiziledi, sondaı-aq Nazarbaev ýnıversıtetke uqsas ınte­gra­sııalaǵan akademııa­lyq medı­sı­nalyq ortalyqtar men ýnı­ver­sıtettik klınıkalar qurý mehanızmi arqyly ǵylym, praktıka men bilimniń úsh­tu­ǵyrlyǵy úshin jaǵdaı jasaý kózdeledi», – delindi baıandamada. О́ziniń sózin túıindeı kele Eljan Birtanov osy zań jobasy donor ınstıtýtyn jáne týber­kýlezben aýyratyndarǵa medısı­nalyq kómek kórsetýdi, MÁMS-ti odan ári jetildirýdi; densaý­lyq saqtaýdyń ulttyq shot­taryn engizýdi jáne t.b. qam­typ, qol­danystaǵy zańnamadaǵy den­saýlyq saqtaý júıesi másele­le­ri boıynsha olqylyqtardy tú­zetýge baǵyttalatynyn aıtty. 

Depýtattar G.Ihsanova, K.Musyrman, T.Syzdyqov jáne t.b. mınıstrge suraq qoıyp, zań jobasynda qamtylǵan másele­lerdi anyqtady. Sonyń ishinde aýyldyq, aýdandyq jerler­degi medısına uıymdaryn kadrlarmen jabdyqtaý máselesi kóp suraldy. Mınıstr bul máseleniń zań jobasynda qam­tylyp, medı­sınalyq ýnı­versıtetti bitirgen jastar­dyń úsh jylǵa jibergen oryn­darǵa baryp, praktıkalyq jumys­tar jasaıtyny týraly zań jobasynda arnaıy bap qaras­tyrylǵanyn jetkizdi. 

Jaqsybaı SAMRAT,

«Egemen Qazaqstan»