QR Syrtqy ister mınıstrligi Syrtqy ekonomıkalyq saıasat departamentiniń Dırektory Oljas Isabekov Ekonomıkalyq yntymaqtastyq jáne damý uıymynyń (EYDU) shaqyrýymen EYDU Damýǵa járdemdesý komıtetiniń (DJK) basqarý máseleleri jónindegi 25-shi plenarlyq otyrysynyń jumysyna qatysty.
Atalǵan sessııalar DJK-de tanystyrylǵan elder úshin negizgi kezdesýlerdiń biri bolyp tabylady. Bul otyrys alańdarynda damýǵa resmı kómek kórsetý boıynsha qyzmetpen qatar júretin úderisterdiń barlyq spektrin basqarýǵa qatysty tásilderi zerdelenedi, ázirlenedi jáne jetildiriledi, dep habarlady Syrtqy ister mınıstrliginiń baspasóz qyzmeti.
2015 jyldan beri Qazaqstan Damýǵa járdemdesý komıtetinde «shaqyrtylǵan» mártebesine ıe. Sonymen birge, elimizdiń syrtqy saıası vedomstvosy EYDU-nyń bul qurylymdyq bólimshesimen QR-dan ózara is-qımyl jasasatyn jumys organy retinde anyqtalǵan.
Qazaqstan basqarý máseleleri jónindegi otyrysqa alǵash ret qatysyp, bul DJK músheleri men basshylyǵytarapynan jyly qarsy alyndy. Olardyń pikiri boıynsha, bul qazaqstandyq taraptyń Komıtetpen qatar jalpy EYDU-men yntymaqtasty keńeıtýdegi tereń qyzyǵýshylyǵynyń kýási bolyp tabylady. Bul is-shara Koreı Respýblıkasy sekildi álemdik donor qaýymdastyǵynyń iri oıynshysy úshin de alǵashqy boldy.
Otyrystyń kún tártibine ınklıýzıvti basqarý; genderdik máseleler; qaqtyǵystar jáne turaqsyz memlekettik rejımder jaǵdaıyndaǵy donorlyq qyzmet; klımattyń ózgerýin boldyrmaý salasyndaǵy jobalar; donorlyq operasııalardy buqaralyq qoldaý jáne basqada máseleler endi. Otyrys barysynda,sonymen qatar, DJK-nyń jumys jospary men bıýdjetiniń 2017-2018 jj. oryndalý barysy qaraldy. Bul jáne basqa da máselelerdi talqylaý BUU-nyń aıasynda qabyldanǵan álemdik qaýymdastyqtyń Turaqty damý maqsattaryna qol jetkizý jónindegi kúsh jigerleri aıasynda júrgizildi.Áriptestiktińtabystyqarym-qatynastaryntalqylaý barysynda DJK ókilderi Astanadaǵy Memlekettik qyzmet óńirlik habymen ózara is-qımyldy erekshe atap ótti.
Qazaqstandyq dıplomat elimizdegi damýǵa resmı kómek (DRK) júıesin qurý boıynsha júrgizilip jatqan jumys týraly, osy saladaǵy ulttyq operator - «KazAID» agenttigin qurý jospary jáne iske asyrylyp jatqan kómek jobalary jóninde áńgimelep berdi. Qazaqstan óziniń DRK tetigin qalyptastyrýda alǵashqy kezeńde ekendigin eskere otyryp, DJK jumysyna qatysýy asa mańyzdy, sebebi ol erte kezende tıisti úrdisterdi uıymdastyrý men basqarýǵa qatysty tıimdi amaldardy qoldanýǵa múmkindik beredi.
O. Isabekovtiń Parıjde bolýy kezindegi baǵdarlamasynyń mańyzdy tarmaǵynyń biri – DJK-niń Damý jónindegi yntymaqtastyq Dırektoratynyń dırektory Jorje Moreıra da Sılvamen kezdesýi boldy.Suhbattasýshylar Qazaqstan men EYDU DJK arasyndaǵy ózara is-qımylǵa «tekseris» júrgizip, qazaqstandyq DRK júıesin jetildirý salasyndaǵy is júzindegi birlesken qadamdaryn qarastyratyn QR SIM men Komıtet arasyndaǵy Jol kartasyn qabyldaý oryndylyǵyn pysyqtaýǵa qol jetkizdi. Sonymen qatar, QR SIM ókili úshin DJK qyzmeti týraly tanystyrylym ótkizildi.
Jalpy, plenarlyq otyrysqa qatysý jáne onyń aıasynda oryn alǵan kezdesýler EYDU-nyń negizgi qurylymdyq bólimsheleriniń birimen ózara is-qımyldy jandandyrýǵa múmkindik berdi.Bul óz kezeginde, qazaqstandyq úkimettiń kúsh-jigerine bizdiń elimizdiń kórsetkishterin Uıym músheleriniń, ıaǵnı álemniń eń damyǵan memleketteriniń deńgeıine jetkizýge qoldaý kórsetýdi qamtamasyz etedi.
Oryn alǵan sapardyń nazarynda, sonymen birge, qazaqstandyq-fransýzdyq iskerlik jáne ınvestısııalyq yntymaqtastyǵynyń máseleleri boldy. Atap aıtqanda, Qazaqstannyń Fransııadaǵy Elshisi Jan Ǵalıev pen O. Isabekov «MEDEF»Fransýzdyq kásipkerler qaýymdastyǵynyń Vıse-prezıdenti J. Lemblemen kezdesý ótkizdi. Oǵan QR Elshiliginiń Investısııalar jónindegi keńesshisi A. Arystanov, «Total»Vıse-prezıdenti T.Darrıgran jáne qazaqstandyq-fransýzdyq iskerı keńesi hatshylyǵynyń múshesi D. Verre de qatysty. «Air Liquide», «Total», «Airbus», «Idemia» (jolaýshylardyń áýe tasymaly salasyndaǵy jobalar) jáne basqalar «MEDEF»-te tanystyrylǵan fransýzdyq kompanııalardyń Qazaqstandaǵy qyzmet máseleleri egjeı-tegjeıli qarastyryldy.
Fransııanyń isker qaýymdastyǵynyń ókilderi QR Prezıdenti N. Nazarbaevtyń shaqyrýy boıynsha Fransýz Respýblıkasynyń Prezıdenti Emmanıýel Makronnyń Qazaqstanǵa josparlanyp otyrǵan sapary ekijaqty ózara is-qımyldyń kókjıegin keńeıtýge múmkindik beredi degen úmitterin bildire otyryp, qazaqstandyq-fransýzdyq strategııalyq áriptestiktiń (tıisti shart eki el arasynda 2008 jyly qol qoıylǵan) birinshi onjyldyǵynyń qorytyndysyna qanaǵattanýshylyǵyn jetkizdi.