Biraz ýaqyt buryn málim bolǵandaı, «Habar» agenttigi «Junior Eurovision – 2018» halyqaralyq án baıqaýyna qatysý úshin úmitkerler arasynda respýblıkalyq irikteý ótkizgen bolatyn. Osyǵan oraı qyrkúıek aıynyń alǵashqy aptasynda irikteýdiń birinshi kezeńinen ótken on fınalıstiń esimi anyqtalǵany belgili. Sońǵy kezende «Aıalaǵan Astana − 2015», «Golos. Ditı», «Nadejdy Evropy», «BraVo», t.b. otandyq jáne halyqaralyq baıqaýlardyń júldegeri Danelııa Tóleshova da baǵyn synap, 946 daýyspen úzdik shyqty. Endigi kezekte Danelııa bıyl Mınskide ótetin «Junior Eurovision – 2018» baıqaýynda elimizdiń atynan án shyrqaıdy. Tómendegi shaǵyn suhbatynda Danelııa irikteý kezeńi barysyndaǵy sátterimen bólisken edi.
– Danelııa, jeńiske jetýińmen quttyqtaımyz. «Junior Eurovision – 2018» ulttyq irikteý kezeńine daıyndyq óte qysqa merzimde ótkeni belgili. О́ziń daıyndyq barysyn qalaı ótkizdiń?
– Árıne, ýaqyt óte tyǵyz boldy. Oqý jyly da bastalyp ketti. Mektepten uzaq ýaqytqa qol úzip qala almaıtyndyǵym anyq edi. Biraq tym qysqa merzimge qaramastan, sabaǵyma da, án aıtýǵa da úlgerdim. Fınalǵa shyqqan basqa da balalar osyndaı ýaqyttyń tyǵyzdyǵyn sezine otyryp daıyndaldy. Menimen birge irikteý kezeńine qatysqan balalardyń barlyǵy talantty. Az ǵana ýaqyttyń ishinde bir-birimizge baýyr basyp, óte jaqyn dostardaı bolyp kettik.
– Danelııa, osyǵan deıin de áýezi jaǵynan, mátini turǵysynan da kúrdeli ánderdi tańdap júrsiń. Bul joly da solaı boldy. Nelikten «О́zińe sen!» ánin tańdadyń?
– Bul án meniń jan dúnıeme óte jaqyn sezildi. Ishki rýhanı álemimmen úılesim tapqan ándi qandaı kúrdeli bolsyn, men jeńil oryndap shyqtym. Árıne, kórermenniń aldyna shyqqanda qatty tolqyǵanym ras. Al «О́zińe sen!» áni kez kelgen jasóspirimniń boıynda bolatyn senimsizdik áreketterdi jeńip, qandaı da bir kúsh-qýat beretini sózsiz. Al ondaı kezde senimdilik te aıqyn, armanyńa da nyq qadam basasyń. Ándi jazý barysynda meniń pikirim, oılarym, usynystarym nazarǵa alyndy.
– Bilýimshe, ánniń sózin Kamılla Daırova, áýezin Ivan Lopýhov jazdy emes pe? Osyndaı shyǵarmashyl jandardy qalaı kezdestirdiń?
– Qazaq tilindegi mátinniń avtory Kamılla Daırovamen ustazym arqyly tanyssam, al aǵylshyn tilindegi mátindi jazǵan Artem Kýzmenkov jáne kompozıtor Ivan Lopýhpen Ýkraında «Golos.Ditı» baıqaýynda tanysqan edim. Avtorlar maǵan shabyt berip, erekshe bir shyǵarmashylyq sátter syılady.
– Ándi aıtýǵa qansha ýaqyt daıyndaldyń?
– Ustazym, Natalııa Chýrakovamen eki apta boıy tynymsyz daıyndyqta boldyq. Árıne, ándi meńgerý ońaı bolǵan joq, degenmen tyńdarmandarǵa unady dep oılaımyn.
– Danelııa án ónerine degen qushtarlyq seniń boıyńda qalaı paıda boldy?
– Otbasynda ákem fortepıanoda oınaıdy, al men ol oryndaǵan ánderdi uıyp tyńdaımyn.Úsh jasymnan án aıtqandy unattym desem de bolady. Úıde inim jáne sińlimmen shaǵyn konsertter uıymdastyratynbyz.
– Endi, mine, kishkentaı Danelııa úlken baıqaýlardyń jeńimpazy bolyp júr. Alda qandaı josparlaryń bar?
– Meniń josparym, oqý jáne án aıtý sheberligimdi shyńdaı túsý. Mektepti óte jaqsy baǵaǵa aıaqtasam, ári qaraı ýaqyt kórsete jatar dep oılaımyn.
– On jasyńda «Golos. Ditı» baıqaýyna qatysyp, erekshe ánderińdi kópshilik uıyp tyńdady. Dmıtrıı Monatıktiń shyǵarmashylyq ujymy da seniń oryndaýyńa tánti boldy. Qazirgi kezde osy ujymmen shyǵarmashylyq baılanystar bar ma?
– Dıma Monatik óz salasynyń kásipqoıy. Baıqaý barysynda ol bizdermen kúnine birneshe saǵat boıy daıyndalatyn. Men kóp nárse úırendim. Baıqaýdan keıin konsertterge de birge shyqtyq. Al qazirgi kezde baılanysymyz úzilgen joq, jıi habarlasyp turamyz.
– Kúni keshe ótken irikteý kezeńinen keıin kórermender «Danelııa – «Juldyz!» dep seniń mártebeńdi kóterip jatty. «Juldyz» uǵymyn qalaı túsinesiń, ol qandaı bolýy kerek?
– Maǵan senim artqan tyńdarmandarǵa úlken rahmet. Al juldyz bolý kásibı turǵydan úlken jaýapkershilikti talap etedi. Qarapaıymdylyq pen eńbekqorlyq ta qajet. Men úshin juldyzdar – Dımash Qudaıbergen, Djennıfer Lopes, Monatik sııaqty eńbekqor jandar.
– Shetelderge baıqaýlarǵa barǵanda Qazaqstan týraly surasa qalaı jaýap berer ediń?
– Men Qazaqstanymmen maqtanar edim. Elimizde qanshama talantty balalar bar. Olar da álemge tanylsa dep armandaımyn. Sonymen qatar jer júzindegi eń kórikti qala – Almatyny maqtan eter edim!
– Áńgimeńe raqmet. Senen zor úmit kútemiz. Halyqaralyq baıqaýdan tek jeńispen oralýyńa tilektespin. Elvıra SERIKQYZY,
«Egemen Qazaqstan»