Elge jasaǵan jaqsylyq eselenip qaıtatyny anyq

Qazaqstanda áleýmettik salaǵa qamqorlyq tanytý aıasy keńeıe túsýde

Qazaqstanda úzdik bilim berý, úzdik densaýlyq saqtaý, úzdik memlekettik basqarý, úzdik ádil sot bolýy tıis. Jańa áleýmettik Strategııa – árbir qazaqstandyqtyń ıgiligi jónindegi meniń qamqorlyǵym. Bul bizdiń elimizdegi barlyq atqarýshy bıliktiń de qamqor­lyǵy bolýǵa tıis.  Men ózimniń Qazaqstan halqy­na jańa Joldaýymdy osy máse­lege arnaǵaly otyrmyn.

Nursultan NAZARBAEV.

“BEREKE-A” – QAIYRYMDYLYQTYŃ DOSY

Qalyń quıqaly ońtústikte qa­ıy­rymdylyq jasaǵandy saýap­qa balaıtyn jany izgi adam­dar kóp. Shyq bermes Shyǵaıbaıdaı “tap­qanym ózimdiki” dep baýy­ry­na tyǵa bermeı, paıdasynyń bir bó­li­gin turmys qıynshylyǵynan qa­jyp júretin adamdarmen bólisedi. Asfalt jol salýǵa maman­dan­ǵan, oǵan kerekti bar tehnologııa, qondyrǵylar, shaǵyn zaýyt, tehnıkalaryna deıin túp-túgel “Bereke-A” korporasııa­sy­nyń prezıdenti Ráshkúl Os­panálıeva hanym osyndaı jan. Tańerteńgilik jumysqa kelgende qabyldaý bólmesinde adam­dar kezekke turady. Jumys jaǵ­daıy­men emes, bir berse osy Ráshkúl berip qalady-aý dep úmitin ar­qalap kelgender. – Múmkindigimshe jaǵdaı­laryn surap, barar esik, shyǵar taýy joq­tarǵa qarjylaı kómek berýge ty­ry­samyn, – deıdi Ráshkúl Já­lel­qyzy. – Biraq, ishinde árkimge qol jaıyp masyldyq ómirge úırenip qalǵandar da bolady eken. Otbasy jaǵdaıyn surap “shyn qınalyp júrseńiz ne eri­ńizdi, ne balańyzdy jumysqa ala­ıyn” desem, “ne senen jumys surap keldim be, berseń aqshańdy ber, bermeseń óıtip qyjyrtpa” deıtinder de kezdesedi. Al, solar meniń bir salaǵa tolyq maman­da­nyp, bar tehnıkam bolý úshin mıl­lıondaǵan dollar nesıe al­ǵanymdy bilmeıdi, bilse de qu­laqtaryna qystyrmaıdy. Aý, men táýekeldiń arqasynda, Elba­sy­nyń kásipkerlerdi qoldaýy­nyń arqasynda osyndaı bıikke jettim ǵoı. Áıtse de qaıyrymdylyq – Rásh­kúl hanymnyń súıekke siń­gen ádeti. Jurt Ospanálıeva saı­laý­ǵa tússe bir qýanyp qalady. Úki­met úlken kóshelerdi, dań­ǵyl­dar­dy jón­deýge qarajat bó­le­di, ishki oramdar keıinge syrǵytylady. Kezdesý barysynda sondaı kó­shede turatyndar Ráshkúlge ama­nat aıtady. Saılanǵansha ýádege qarq qylyp, keıin ustatpaı ketetin keıbir depýtattardan jóni, jo­syǵy bólek. Ýáde berdi, oryn­daı­dy. Osylaısha, talaı qysqa oramdar Ráshkúldiń demeýshi­ligi­niń arqasynda tegin asfalttaldy. Asfalt daıyndaıtyn zaýyt­tary tolyq kompıýterlendirilgen, jol salatyn, tegisteıtin teh­nologııalary jańalanyp tu­ra­­tyn, Germanııa, Qytaı sekildi memleketterden arnaýly mamandar shaqyrtyp, jańa qondyr­ǵy­lar­dyń qyr-syryn ju­mysshy­lary­na úı­re­­tetin, kásibı she­ber­ligin jetildiretin korporasııa qyz­me­ti­ne búginde ob­lys­tan bó­lek, res­pýb­lıka­lyq aýqymda da senim úlken. “Bere­ke-A” kor­­porasııasy jurt aýzynda ǵasyr­lyq joba atanǵan “Batys Qytaı – Ba­tys Eýropa” avtomagıstraline óz úlesin qosýda. Korporasııa kóp salaly. Tek, asfalt salýmen shektelmeıdi. 2008 jyly Saryaǵashtyń birneshe aýyldaryn sý alǵanda tez ara­da on úı salyp berdi. “Dostyq” aýylynda az qamtamasyz etilgen otbasylarǵa óz qarjysy esebinen alty úı, Qazyǵurt aýda­nyn­da on úı saldy. Korporasııa qanatyn jaıyp, úlkeıgennen keıin qaıyrym­dy­lyq is-sharalaryn da kóbeıtken. Oblys ortalyǵyndaǵy “Qamar” qaıyrymdylyq mekemesiniń tár­bıelenýshileri men ardagerler uıy­myna turaqty qarjy bólip turady. Aty-shýly VICh oqıǵasy kezinde de syrt qalmady. Bir ba­la­nyń turaqty emdelýine bar kerekti qarjysyn tólep berip oty­ra­dy. Stýdentterge grant ból­gende de kómegin kórsetip keledi. Shymkent shahary Qazaq­stan­daǵy úshinshi qala bolady degen sóz Elbasynyń aýzynan aıtyl­dy. Alaıda, kúnniń kózi kóbirek túsetin, halqy kóp óńirdiń ta­bı­ǵaty osy qısynǵa kel­genimen, Shym­kent­teı shahary­ńyz­da, bas­qa­syn aıtpaǵanda, Neke saraıy joq bola­tyn. Dúnıege sábı ákelýden Qazaqstan boıynsha aldyńǵy orynda tursa da sáý­letti ǵımarat­tary­men de maqtana al­maı­tyn. Oblys bas­shysy Asqar Myr­zahmetov osy laýa­zymǵa ta­ǵaıyn­da­ly­symen-aq Shym­kent­te­gi kóp joqtyń or­nyn tolty­ryp berdi. Oblys áki­mi­niń tikeleı tapsyrmasy bo­ıyn­sha sáý­let­shilerdiń báriniń basyn qo­syp, túrli salalar bo­ıynsha konkýrs jarııalaǵan. Ká­sipk­er­ler­men keleli keńes ótkiz­gende osy joba­lar­dy aldaryna tartty. “Ha­lyq ózderińizdiki. Qa­la ózde­ri­ńizdiki. Elde bolsa eringe tıedi degen. Bız­nestiń áleýmettik jaýapkershiligi aıasyn­da qandaı úles­terińizdi qosa­syz­dar?” degen. Ká­sipkerler tosy­lyp qaldy. Qa­pe­limde qal­tań­daǵy aqshaǵa qol suǵý qıyn eken. Ob­lystyq depýtattar korpý­syn­daǵy jalǵyz ha­nym, «Bereke-A» kor­pora­sııa­sy­nyń prezıdenti Rash­kúl Os­panálıeva ornynan turyp ketti. – Jigitter, nege tosylyp qal­dyńdar? Qarjyny mańdaı terimizben tapsaq ta elimizdiń, Otany­myzdyń arqasy. Qala kórkeıip jatsa, bárimizdiń mereıimiz ǵoı. Osylaı degen ol baǵanadan beri kóz qıyǵymen baǵyp otyr­ǵan sáýletti qurylystyń joba­sy­na qolyn sozdy. Bul – búgingi kúnde Shymkent shaharynyń shy­­ra­ıyn ashyp turǵan Neke saraıy edi. Qymbattaý tıse de qazaqtyń qaısar qyzy osyndaı táýekelge bar­ǵan. Jigitter de qarap qal­ma­dy. Bir-bir jobany menshiktegen. Qazir Shymkent atty kisi túsip qaraı­tyndaı ásem qalaǵa aınaldy. Bıznestiń áleýmettik jaýapkershiligi aıasynda qandaı ny­san­dar salyndy degenge kelsek, qys­qa merzim ishinde «Dańq» memo­rıa­ly, «Shámshi álemi» kesheni, Sh.Qaldaıaqov eskertkishi, daryn­dy kompozıtorlar men ánshi­ler­diń «Juldyzdar» alleıasy, Jastar ortalyǵy, Neke saraıy, Dańq­ty sportshylar jáne Jas ju­baı­lar alleıasy, ortalyq sýbur­qaq ashyldy. Dendrosaıabaq aý­ma­ǵynda jańa demalys orny iske qosyldy. Qazyǵurt, Túlkibas aýdandarynda sporttyq-mádenı saýyqtyrý kesheni, Túrkistan qa­lasynda Jeńis saıabaǵy, Otyrar aýdanynda «Batyr analar» gúl­zary, «Meniń Qazaqstanym» al­leıa­sy halyq ıgiligine berildi. – Bizdiń bıznesimiz táýel­siz­digimizdiń alǵashqy jyldarynan-aq Tuńǵysh Prezıdentimizdiń qalt­qysyz qamqorlyǵymen kórkeıip keledi. Árıne, qıyndyqtar, kúr­de­li jaǵdaılar kóp kezdesti. So­lar­dyń bárin jeńýde biz Memleket basshysynyń járdemin sezinip, jigerlenip júrdik. Búginde «Bereke» búkil elge belgili. Avtomobıl joldaryn, kópirler salýda, jalpy, qurylys bıznesinde aldyńǵylar sapyndamyz. Maman­dary­myzdyń sheberligin she­tel­der­de jáne ózimizde shyń­daı­myz. «Bıznestiń áleýmettik jaýapkershiligi» baǵdarlamasy bo­ıynsha da el alǵysyna bólený­de­miz. Qa­ra­paıym halyqtyń rahmeti men batasyn almaı adamnyń kógerip, ósip-ónýi múmkin emes. Sondyq­tan jumys istegen al­ǵash­qy kún­nen bastap men buǵan ózimniń shama-sharqyma qaraı kóńil bólip kelemin, – deıdi Ráshkúl hanym. Shymkent qalasy, Qazyǵurt, Tóle bı, Saryaǵash jáne Báıdi­bek aýdandarynda “Bereke-A” kor­pora­sııa­synyń qaıy­rym­dy­lyq ju­mystarynyń izi saırap jatyr. Má­selen, «Korporasııa «Bereke- A» JShS Ońtús­tik Qa­zaq­stan oblysy boıynsha áleý­met­tik jobalardy iske asy­rýǵa 729 553 838 teńge qaras­tyr­ǵan, onyń deni oryndaldy. Ońtústiktegi depýtattar kor­pýsyndaǵy jalǵyz qazaq­ qyzy Muhammed paı­ǵam­bardyń hadısinde aıty­la­tyndaı “qaıyrym­dy­lyq, saýap­ty ister adamdy myń túrli pále­den saqtaıdy” degenine osy­laı úles qosyp kele jatyr. Baqtııar TAIJAN. Ońtústik Qazaqstan oblysy.