Oqýshylardy aǵylshyn tiline baýlıdy

Qazir balalardyń jan-jaqty damýyna tolyq múmkindik bar. Mektep oqýshylarynyń ǵylym-bilimniń qyr-syryn erte jas­tan meńgerýlerine «Nur Otan» partııasy da erekshe mán berip, jaqsy bastamalarǵa uıytqy bo­lyp keledi. Jańa oqý jylynda Atyraýda osy baǵyttaǵy ju­mys­tar jandana bastady. Aıtalyq «Jas Otan» JQ men «Bolashaq» qaýymdastyǵy qolǵa alǵan «English for Jastar» atty joba joǵarydaǵy sózimizge aı­qyn dálel. Aýyl balalaryna aǵyl­shyn tilin úıretý maq­sa­tynda qolǵa alynǵan jo­ba bo­ıynsha Isataı, Inder, Mahambet, Maqat, Jylyoı aýdandarynda 12 erikti jumys istep jatyr. Olarǵa barlyq jaǵdaı jasalyp, baspana, tamaqtaný, tasymal máseleleri de sheshilgen. – «English for Jastar» partııalyq jobasy eki aıǵa eseptelgen. Erik­tiler 20 qyrkúıek pen 20 qarasha aralyǵynda aýyl balalarymen jumys istep, aýdan jastarynyń aǵylshyn tilinde sóıleý mashyǵyn damytady. Joba aıasynda 500-den astam balany qamtý josparlanyp otyr, – deıdi «Nur Otan» partııasy Atyraý oblystyq fılıalynyń baspasóz hatshysy Elmıra Túnǵatarova.

Sondaı-aq partııa bastamasymen balalarǵa arnalǵan IT-synyptar ashyldy. Brıtandyq «Love to code» baǵdarlamasynyń halyqaralyq bilim franshızasy paıdalanylǵan bul joba bo­ıynsha arnaıy synypta 8-16 jas aralyǵyndaǵy oqýshylar bilim alady. Oqýshylar ortalyǵynyń basshysy Aızada Túsipqalıeva joba aıasynda alty top ashyl­ǵanyn, balalardyń atalǵan salaǵa qyzyǵýshylyqtary joǵary ekenin aıtady. Jal­py «Sıfrly Qazaqstan» baǵdarlamasy negi­zinde oblysta 10 IT-synyp balalar ıgiligine jumys isteýde.

Odan bólek – Atyraý qa­la­synda alǵash ret mektep janynan balalar kovorkıng ortalyǵy paıdalanýǵa berildi. №2 mekteptegi jańadan ashylǵan ortalyqta balalardyń bos ýa­qyt­taryn tıimdi ótkizýle­rine barlyq jaǵdaılar qarasty­ryl­ǵan. Endi oqýshylar men ata-analarǵa arnalǵan túrli tre­nıngter, ıntellektýaldyq saıystar, sabaqtar osy jerde óte­di. «Qazaqstan kitaphanalary – Bilim ortalyqtary» partııalyq jo­basy aıasynda Atyraýdaǵy 10 kitaphana janynan kovorkıng ortalyqtary ashylǵan edi. Al jańa ortalyqqa Atyraý qalalyq máslıhatynyń depýtaty Álibek Semǵalıev demeýshi boldy. 

Balalardyń qarym-qabilet­terin damytý maqsatynda oblys­ta júzege asyp jatqan ıgi jobalar barshylyq. Osyndaı ju­mys­­tardyń nátıjesinde bıyl qo­symsha bilim berýmen qamtý kór­setkishi 8,6 prosentten 22,4-ke kóterildi. 

Baqytgúl BABASh,

«Egemen Qazaqstan»

ATYRAÝ