Buryndary sheteldik azamattyń Qazaqstan aýmaǵynda eńbek etýi úshin beriletin ruqsat bes kún ishinde rásimdeletin edi. Endi bir saǵattyń ishinde qajet qujattardy zańdastyrýǵa bolady.
Atyraý qalasynda ashylǵan kóshi-qon qyzmetin kórsetý ortalyǵy osyndaı múmkindik týǵyzyp otyr. «Bir tereze» qaǵıdaty boıynsha jumys isteıtin ortalyq mıgranttarǵa el aýmaǵynda eńbek qyzmetin júzege asyrýǵa arnalǵan ruqsat berý, ruqsat merzimin uzartý, ýaqytsha tirkeý, Qazaqstanda turaqty turýǵa qaldyrý qyzmetterin kórsetedi. Medısınalyq tekserý, daktıloskopııadan ótý, saqtandyrý polısin rásimdep, JSN nómirin alý sekildi rásim- der de osynda atqarylady. Buryn mundaı ortalyq Astana, Almaty, Shymkent qalalarynda ǵana bolatyn. Endi osy qatarǵa Atyraý da qosylyp otyr.
Munaıly óńirge shekara asyp kelip eńbek etýge nıettiler sany jyl sanap artyp keledi. Jyl basynan beri oblystyq IID Kóshi-qon qyzmeti basqarmasynyń qyzmetkerleri 75 503 sheteldiktiń ýaqytsha tirkelýin rásimdegen. Basqarma basshysy Bolat Dosqalıevtiń aıtýynsha, bıyl 55 myń mıgrant Qazaqstan aýmaǵynda eńbek etýge ruqsat alýǵa, ruqsat merzimin uzartýǵa qujat tapsyrǵan.
Baqytgúl BABASh,
«Egemen Qazaqstan»
ATYRAÝ