Astana memlekettik qyzmet habynyń Basqarýshy komıtetiniń tóraǵasy Alıhan Baımenov Qytaı Halyq Respýblıkasynyń Qazaqstandaǵy Tótenshe jáne О́kiletti Elshisi Chjan Sıao myrzamen kezdesti, dep habarlaıdy komıtet baspasóz qyzmeti.
Alıhan Baımenov Habtyń memlekettik qyzmet salasyndaǵy tájirıbe jáne bilim almasý alańy ekendigin atap ótti. «Biz memlekettik qyzmet salasyndaǵy múmkindikter men sheshimderdi, sonymen qatar jahandyq jáne aımaqtyq trendterdi kórsetemiz. Ár úkimet ózindik erekshelikterin eskere otyryp, osylardyń qaısysy ózderine ońtaıly ekenin anyqtaıdy. Negizi memlekettik qyzmet salasynda ustazdar men shákirtter joq. Degenmen, barlyǵy basqa elderdiń tájirıbesin zertteýge jáne óz tájirıbesimen bólisýge múddeli».
Elshi Chjan Sıao tańdap alynǵan jumys baǵytynyń ózektiligin, sonyń arqasynda Astana habynyń tabysty qyzmet atqaryp otyrǵanyn atap ótti: «Hab óńirdegi elderge bir-biriniń tájirıbesin úırenýge keremet múmkindik berip otyr. Árbir ulttyń óz mentalıteti men ózindik erekshelikteri bar, sondyqtan barlyq máselelerdi sheshýdiń ámbebap tásili joq», - dedi ol. Sonymen qatar Chjan Sııao myrza «Bir beldeý - Bir jol» bastamasynyń beldeý boıynda ornalasqan elder ekonomıkasynyń damýyndaǵy mańyzdylyǵyn atap óte otyryp, osynyń aıasynda birlesken is-sharalardy júzege asyrýdy qarastyrýdy usyndy.
О́z tarapynan, Alıhan Baımenov Qytaı ókilderin elektrondyq úkimetti damytý jónindegi praktıkter Alıansyna qatysýǵa shaqyrdy.
Kezdesý barysynda taraptar birlesken zertteýler men Habqa qatysýshy elderdiń memlekettik qyzmetshileriniń áleýetin arttyrýǵa arnalǵan is-sharalardy ótkizý jáne sarapshylyq baılanystardy keńeıtý máselelerin talqylady.
Qytaı– Astana habyna qatysýshy 40 eldiń ishindegi belsendi qatysýshy eldiń biri. Qytaılyq áriptesterimen birlese otyryp, Hab óńir elderiniń memlekettik qyzmetshileri úshin birqatar semınarlar ótkizdi. Sondaı-aq Qytaıdaǵy memlekettik basqarý reformalaryna arnalǵan «Memlekettik qyzmettiń reformalary men tájirıbeleri» halyqaralyq jýrnalynyń arnaıy basylymyn shyǵardy