2011 jylǵy 7 jeltoqsan, Astana, Úkimet úıi
«Qazaqstan Respýblıkasy Jol qozǵalysynyń erejelerin, Kólik quraldaryn paıdalanýǵa jiberý jónindegi negizgi erejeler men jol qozǵalysynyń qaýipsizdigin qamtamasyz etý boıynsha laýazymdy adamdar men jol qozǵalysyna qatysýshylardyń mindetterin jáne Arnaıy tústik-grafıkalyq shemalar boıynsha arnaıy tústik jáne dybystyq belgilermen jabdyqtalýǵa jáne boıalýǵa jatatyn jedel jáne arnaıy qyzmetterdiń, kóliktiń tizbesin bekitý týraly» Qazaqstan Respýblıkasy Úkimetiniń 1997 jylǵy 25 qarashadaǵy № 1650 qaýlysyna ózgerister men tolyqtyrýlar engizý týraly
Qazaqstan Respýblıkasynyń Úkimeti qaýly etedi:
1. «Qazaqstan Respýblıkasy Jol qozǵalysynyń erejelerin, Kólik quraldaryn paıdalanýǵa jiberý jónindegi negizgi erejeler men jol qozǵalysynyń qaýipsizdigin qamtamasyz etý boıynsha laýazymdy adamdar men jol qozǵalysyna qatysýshylardyń mindetterin jáne Arnaıy tústik-grafıkalyq shemalar boıynsha arnaıy tústik jáne dybystyq belgilermen jabdyqtalýǵa jáne boıalýǵa jatatyn jedel jáne arnaıy qyzmetterdiń, kóliktiń tizbesin bekitý týraly» Qazaqstan Respýblıkasy Úkimetiniń 1997 jylǵy 25 qarashadaǵy № 1650 qaýlysyna mynadaı ózgerister men tolyqtyrýlar engizilsin:
1) kórsetilgen qaýlymen bekitilgen Qazaqstan Respýblıkasynyń Jol qozǵalysy erejelerinde:
1.2-tarmaqta:
onynshy abzas mynadaı redaksııada jazylsyn:
«basty jol – 2.1, 2.3.1-2.3.3 belgilerimen belgilengen nemese 5.1 belgisi bar joldarmen qıylysatyn (qosylatyn) ne bolmasa qıyrshyq tas tóselgen joldarǵa qatysty qatty (asfalytalǵan, sementti-betondalǵan, tys materıaldar jáne sol sııaqty) jol. Ekinshi dárejeli jolda, tikeleı ýchaske qıylysy aldyndaǵy tóselgen jol bolǵanymen, qıylysatyn jolmen teń bolyp sanalmaıdy;»;
mynadaı mazmundaǵy on birinshi abzaspen tolyqtyrylsyn:
«gazon (gúlzar) – qalalyq jer tiziliminde «gazon» («gúlzar») retinde aıqyndalǵan, aıqyn belgilengen shekaralary bar jer ýchaskesi;»;
mynadaı mazmundaǵy jıyrmasynshy jáne jıyrma birinshi abzastarmen tolyqtyrylsyn:
«júksiz massa – kólik quralynyń ekıpajysyz, jolaýshylar men júksiz, biraq tolyq otyn qory men qajetti qural-saıman jıyntyǵy bar massasy;
júkti massa – tıelgen kólik quralynyń, ekıpaj ben jolaýshylardyń naqty massasy;»;
mynadaı mazmundaǵy jıyrma besinshi abzaspen tolyqtyrylsyn:
«jolaýshylar men bagajdy turaqty emes tasymaldaý – jeke jáne zańdy tulǵalardyń tapsyrystary (ótinishteri) boıynsha avtobýstardy, shaǵyn avtobýstardy paıdalana otyryp, tasymaldaýshylar kórsetetin kólik qyzmetteri;»
otyz tórtinshi abzas mynadaı redaksııada jazylsyn:
«jol qıylysy – joldardyń, tıisinshe qarama-qarsy, jol qıylysy ortasynan neǵurlym alystatylǵan qıylysty belgilengen syzyqtarmen qosatyn bir deńgeıde qıylysý, túıisý nemese tarmaqtalý orny. Olardyń aldynan basymdylyq belgisi qoıylmaǵan dalalyq, ormandy jáne ekinshi dárejeli joldarmen qıyp ótý, (túıisý) oryndary jol qıylysy bolyp sanalmaıdy;»
qyrqynshy abzas mynadaı redaksııada jazylsyn:
«qozǵalysqa kedergi – osy jol jolaǵy boıymen qozǵalysty jalǵastyrýǵa múmkindik bermeıtin qozǵalys jolaǵyndaǵy qozǵalmaıtyn obekt. Keptelis jáne Ereje talaptaryna sáıkes osy qozǵalys jolaǵynda toqtaǵan kólik quraly kedergi bolyp tabylmaıdy;»;
qyryq birinshi abzas alyp tastalsyn;
2.1.1-tarmaqtyń besinshi abzasy mynadaı redaksııada jazylsyn:
«memlekettik nemese mindetti tehnıkalyq baıqaýdan ótkendigi týraly qujat»;
2.1.2-tarmaq mynadaı redaksııada jazylsyn:
«2.1.2. Qaýipsizdik beldigimen jabdyqtalǵan kólik quraldarynda qozǵalys kezinde beldiktengen bolýy, beldik taqpaǵan jolaýshylardy tasymaldamaý.
Motosıkldi basqarǵan kezde túımelengen motoshlem kııýge jáne túımelengen motoshlem kımegen jolaýshyny tasymaldamaý.»;
2.7.2-tarmaq mynadaı redaksııada jazylsyn:
«2.7.2. Aqaýy bar nemese memlekettik nemese mindetti tehnıkalyq baıqaýdan ótpegen kólik quraldaryn paıdalanýǵa.»;
3.3-tarmaqtyń birinshi bóligi mynadaı redaksııada jazylsyn:
«3.3. Jaıaý júrginshiler kólik júretin bólikti jaıaý júrginshilerge arnalǵan, onyń ishinde jerasty jáne jerústi ótpelerinen, al olar bolmaǵanda kórý sheginde – qıylystardan trotýarlar men jol jaǵalaýy syzyǵy boıymen kesip ótýi tıis»;
4.2-tarmaqtyń tórtinshi abzasy mynadaı redaksııada jazylsyn:
«kólik quralynyń qozǵalysy kezinde onyń esigin ashýǵa, sondaı-aq tereze oıyǵynan, lıýkten basyn shyǵarýǵa;»;
6.4-tarmaqtyń birinshi bóligi mynadaı redaksııada jazylsyn:
«6.4. Sarǵysh qyzyl nemese sary tústi jarqyldaýyq maıagi iske qosýly kólik quraldarynyń júrgizýshileri jol ústinde qurylys, jóndeý nemese jınaý jumystaryn oryndaý kezinde jeke kúzet uıymdarynyń jedel den qoıý utqyr toptary qozǵalys qaýipsizdigin qamtamasyz etý shortymen jol belgileri (2.2, 2.4-2.6, 3.11-3.14, 3.17.2, 3.20 belgilerinen basqa) men tańbalarynyń, sondaı-aq Erejeniń 9.4-9.8 jáne 16.1-tarmaqtarynyń talaptaryn oryndamaýy múmkin.»;
8.3-tarmaq mynadaı redaksııada jazylsyn:
«8.3. Ekinshi dárejeli joldan shyǵý kezinde júrgizýshi jolda qozǵalyp kele jatqan kólik quraldary men jaıaý júrginshilerge, al joldan kirgen kezde -jaıaý júrginshiler men velosıpedshilerge, ol kesip ótetin qozǵalysqa jol berýi tıis»;
12.4-tarmaqta:
úshinshi abzas mynadaı redaksııada jazylsyn:
«temir jol ótpelerinde, tonnelderde;»;
mynadaı mazmundaǵy tórtinshi abzaspen tolyqtyrylsyn:
«estakadalarda, kópirlerde, jol qubyrlarynda (eger osy baǵyttaǵy qozǵalys úshin keminde úsh jolaq bolsa) jáne olardyń astynda (jolaqtardyń sanyna qaramastan);»;
segizinshi abzas mynadaı redaksııada jazylsyn:
«aıaldama alańdarynda jáne olarǵa 15 m jaqyn jerde, al ol joq bolǵanda marshrýttyq kólik quraldary men taksı aıaldamasynyń kórsetkishinen 15 m jaqyn jerde;»;
13.1-tarmaq mynadaı redaksııada jazylsyn:
«13.1. Ońǵa nemese solǵa burylǵan kezde júrgizýshi ol burylatyn joldyń júris bóligin óziniń qozǵalys baǵyty boıynsha kesip ótetin jaıaý júrginshige, ony velosıped jolymen kesip ótetin velosıpedshige jáne 5.9 (18.2-tarmaǵyn eskere otyryp) belgisimen belgilengen jol jolaǵy boıymen qozǵalyp kele jatqan marshrýttyq kólik quraldaryna jol berýge mindetti.»;
19.10-tarmaq mynadaı redaksııada jazylsyn:
«19.10. Sarǵysh qyzyl nemese sary tústi jarqyldaýyq maıak joldardy salý, jóndeý nemese ustaý, buzylǵan, jaramsyz jáne ózge de kólik quraldaryn tıeý jáne tasymaldaý jónindegi jumystardy oryndaý kezinde kólik quraldarynda; aýyr salmaqty, iri kólemdi júkterdi tasymaldaýdy júzege asyrý kezinde kólik quraldarynda; aýyr salmaqty, iri kólemdi jáne qaýipti júkterdiń tasymaldaryna ilesip júretin kólik quraldarynda; uıymdastyrylǵan balalar toptaryn tasymaldaýǵa arnalǵan avtobýstarda, kúzetetiletin obektilerge ruqsatsyz kirgen kezde jeke kúzet uıymdary utqyr toptarynyń kólik quraldary qosylýy tıis»;
22.8-tarmaqtyń úshinshi abzasy mynadaı redaksııada jazylsyn:
«mehanıkalyq kólik quralynyń aldyńǵy oryndyǵynda balalarǵa arnalǵan ustap turý arnaıy qurylǵysy bolmaǵanda.»;
24.4-tarmaqtyń ekinshi abzasy mynadaı redaksııada jazylsyn:
«Kólik-arba (shana) júrgizýshisi shekteýli sholynatyn jerlerde ekinshi dárejeli joldan jolǵa shyǵý kezinde maldy júgeninen ustap alyp júrýi tıis»;
2) kórsetken qaýlymen bekitilgen Kólik quraldaryn paıdalanýǵa jiberý jónindegi negizgi erejeler men jol qozǵalysynyń qaýipsizdigin qamtamasyz etý boıynsha laýazymdy adamdar men jol qozǵalysyna qatysýshylardyń mindetterinde:
2-tarmaqtyń birinshi bóligi mynadaı redaksııada jazylsyn:
«2. Mehanıkalyq kólik quraldary men tirkemeler «Tranzıt» degen tirkeý belgisiniń qoldanylý merzimi ishinde ne satyp alǵan nemese kedendik deklarasııalanǵan sátten bastap 10 táýlikten keshiktirilmeı jol polısııasynda tirkelýi tıis»;
3-tarmaqtyń birinshi abzasy mynadaı redaksııada jazylsyn:
«3. Mehanıkalyq kólik quraldarynda (tramvaılar men trolleıbýstardan basqa) jáne tirkemelerde osy úshin kózdelgen oryndarda tıisti úlgidegi tirkeý belgileri, al avtomobılderde budan basqa, mańdaı áıneginiń tómengi oń buryshynda memlekettik nemese mindetti tehnıkalyq qaraýdan ótkendigi týraly talon ornalastyrylady.»;
13-tarmaqtyń besinshi bóligi mynadaı redaksııada jazylsyn:
«memlekettik nemese mindetti tehnıkalyq qaraýdan ótpegen, sondaı-aq tıisti ruqsatsyz qaıta jabdyqtalǵan kólik quraldaryna;»;
14-tarmaqtyń ekinshi abzasy mynadaı redaksııada jazylsyn:
«olardy paıdalanýǵa tyıym salynatyn aqaýlyqtary bar kólik quraldaryn jolǵa shyǵarýǵa nemese tıisti ruqsatsyz jabdyqtalǵan nemese belgilengen tártippen tirkelmegen nemese memlekettik nemese mindetti tehnıkalyq qaraýdan ótpegen, sondaı-aq ıeleri zańnamada belgilengen jaǵdaılarda kólik quraldary ıeleriniń jaýapkershiligin mindetti saqtandyrý shartyn jáne/nemese jolaýshylardyń aldynda tasymaldaýshynyń jaýapkershiligin mindetti saqtandyrý shartyn jasamaǵan kólik quraldaryn jolǵa shyǵarýǵa;»;
mynadaı mazmundaǵy 7.17-tarmaqpen tolyqtyrylsyn:
«7.17. Memlekettik tirkeý nómirlik belgilerinde memlekettik tirkeý nómirlik belgileriniń áriptik jáne sandyq belgilerin jasyrýǵa múmkindik beretin perdeler ornatylǵan.».
3) kórsetilgen qaýlymen bekitilgen arnaıy tústik-grafıkalyq shemalar boıynsha arnaıy jáne dybystyq belgilermen jabdyqtalýǵa jáne boıalýǵa jatatyn jedel jáne arnaıy qyzmetterdiń, kóliktiń tizbesinde:
mynadaı mazmundaǵy 8-tarmaqpen tolyqtyrylsyn:
«8. Jeke kúzet uıymdarynyń utqyr jedel den qoıý toptary.».
2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.