Búgin Almatyda «Týr Almaty-2018» halyqaralyq shosse velojarysynyń baıraǵy kóterildi, dep habarlaıdy www.inform.kz.
Sóre syzyǵyna álemniń 15 elinen 19 komanda shyqty. Jarys jolynda Qazaqstannyń 4 komandasy baǵyn synap jatyr. Qalalyq dene shynyqtyrý jáne sport basqarmasynyń basshysy Rústem Baıseıitov qalanyń jarysqa daıyndyǵy týraly málimdedi.
Búgin dúbirli dodanyń 1-kezeńi ashyldy.
«Almaty ákimdigi qaladaǵy asa mańyzdy sport sharasyn uıymdastyrýda barlyq múmkindikti paıdalandy. «Týr Almaty» -almatylyqtar úshin erekshe jarys. Bıyl jarystyń marshrýty ózgergenin bilesizder. Endi basymdyq qalanyń ortalyǵyna berilip otyr. Osy joly ındýstrıaldy aımaq pen Momyshuly kóshesin kiristirmeımiz. 7 sheńber de qalanyń ishin qamtıdy. Qala turǵyndaryn jankúıer bolýǵa shaqyramyn. Sebebi, bıyl bizdiń tól komandamyz Apple Team óner kórsetedi», - dedi Rústem Baıseıitov.