Jas áýe dıspetcheri Sýlavesı aralynda oryn alǵan jer silkinisine qaramastan, júzdegen jolaýshysy bar ushaqtyń ushyp ketýin qadaǵalap qalyp, jumys ornynda jan tapsyrdy, dep habarlaıdy Daily Mail.
Antonıýs Gýnavan Agýng Mutiara SIS Al-Jufrie áýejaıynyń 21 jasar qyzmetkeri. 28 qyrkúıekte magnıtýdasy 6,1 bolǵan alǵashqy jerasty dúmpýleri bastalǵanda bortynda júzdegen jolaýshysy bar Batik Air áýe kompanııasynyń reısi áýege kóterilgenge deıin komandalyq-dıspetcherlik munarasynda qalǵan. Ushaqtyń aman-esen jerden kóterilgenine kóz jetkizgen jas jigit túspek bolǵan kezde munara qıraı bastaıdy. Sol sátte jerasty dúmpýi 7,4 magnıtýdaǵa jetken edi. Ol tórtinshi qabattan sekirip, kóptegen jaraqat alady. Taıaý mańdaǵy aýrýhanada alǵashqy medısınalyq kómek kórsetilgen. Biraq, Antonıýs ony zamanaýı jabdyqtalǵan medısınalyq mekemege jetkizetin tikushaq kelgenge deıin kóz jumdy.
AirNav Indonesia kompanııasynyń baspasóz hatshysy Iohannes Sıraıt Agýng «óz ómirin qıyp, ondaǵan adamnyń ómirin qutqardy. Ol - bizdiń batyrymyz», dedi óz málimdemesinde.