10 jasar jasóspirim Qyzylorda qalasynyń Aqmeshit móltek aýdanyndaǵy jylý qubyrlarynyń arasynda qysylyp qaldy. Oqıǵa 30 qyrkúıek kúni bolǵan.
Oıyn kezinde 10 jasar jasóspirim dostarymen jylý magıstrali qubyrlarynyń arasyna súrinip qulap, qysylyp qalǵan. Dostarynyń aıtýy boıynsha, ol kezdeısoq súrinip, eki qubyrdyń arasyna túsip ketkenin aıtty. Dostary óz kúshterimen ony shyǵara almaǵan.
Ońtústik óńirlik aeroutqyr jedel qutqarý jasaǵynyń qutqarýshylary oqıǵa ornyna jedel shyǵyp, jaǵdaıdy anyqtap arnaıy gıdravlıkalyq avarııalyq-qutqarý qural jabdyqtarynyń kómegimen eki jylý qubyrdyń arasyn keńeıtip balany shyǵaryp aldy. Baqytymyzǵa oraı, bala jaraqat alǵan joq, oǵan medısınalyq kómek qajet bolmady. Qutqarýshylar oqýshy balany anasyna tapsyrdy.