Sharshaǵandy basyp, belsendilikti qalpyna keltiretin hosh ıisti sýsyn kúni jekeleı mereke retinde 2015 jyldan beri 1 qazanǵa bekitilip, toılanyp keledi.
Eń alǵash resmı merekelik sharalar Japonııada 1983 jyly jergilikti kofe qaýymdastyqtarynyń bastamasymen uıymdastyrylǵan. Merekege oraı, nazarlaryńyzǵa birneshe qyzyqty faktiler usynamyz:
Kofe aǵashynyń bıiktigi 9 m-den asady. Kofe aǵashy 60-70 jyl ómir súredi. «Amerıkano» Ekinshi Dúnıejúzilik soǵys kezinde paıda bolǵan. Sebebi áskerler eýropalyq qoıý kofeni ishe almaǵandyqtan, oǵan sý qosyp tutynǵan. Kofeni eń kóp tutynýshylar Fınlıandııada, bir adam kúnine orta eseppen 5 kese kofe ishedi. Japonııa álemde kofe sýsynyn tutýshylar jóninen 3-shi orynda. Kofeniń quramynda 800 aromatty qospa bar. Kofe álemdik reıtıngte suranysqa ıe taýar, sebebi munaıdan keıingi 2-shi oryndy ıelengen. Kofe tistegi bakterııalardyń emaldy jemirýine qarsy kómektesedi. Italııalyqtar kofeni qantpen, meksıkalyqtar korısamen, nemister men shveısarııalyqtar ystyq shokoladpen, belgııalyqtar shokoladpen ishedi. Efıopııalyqtar kofege tuz, marokkalyqtar burysh qosyp, tutynady.