«Ámire» fılminiń operatory Maksım Osadchıı («9 rota», «Stalıngrad») Tblısıde qyrkúıektiń 27-si men 28-i aralyǵynda ótken Golden Eye («Altyn kóz») atty halyqaralyq kıno- jáne teleoperatorlar festıvalinde Panasonic kompanııasynyń arnaıy júldesine ıe boldy. Sondaı-aq atalǵan kınotýyndy festıvaldiń arnaıy dıplomymen marapattaldy.
Esterińizge sala ketsek, ústimizdegi jyly sáýir aıynda jalpyulttyq prokatqa shyqqan kınotýyndy qazaqtyń tenor daýysty birtýar ánshici Ámire Qashaýbaevtyń ǵumyryn baıandaıdy. Fılmdi Mádenıet jáne sport mınıstrligi tapsyrysy boıynsha Sh.Aımanov atyndaǵy «Qazaqfılm» AQ jáne Álıdar О́temuratovtyń «Dar Play» kompanııasymen birlese túsirgen.
Halyqaralyq túsirilim tobynyń quramynda: amerıkalyq qoıýshy-rejısser Djef Vespa (Jeff Vespa). Fılmniń ssenarııin jazǵan Benjamın A. van der Vın (Benjamin A. van der Veen). Basty rólderdi otandyq akterler Sanjar Mádıev (Ámire) jáne Erkebulan Daıyrov (Mustafa Shoqaı) somdaǵan. Sonymen qatar, brıtandyq akter Ben Aldrıdj (Ben Aldridge) jáne «Oblast tmy», «Trı bılborda na granıse Ebbınga, Mıssýrı» fılmderi arqyly tanylǵan avstralııalyq aktrısa Ebbı Kornısh (Abbie Cornish) jáne basqa da akterler túsken.
Innovasııalyq tehnologııalardyń Halyqaralyq qory uıymdastyrǵan eń tanymal is-sharalardyń biri – Golden Eye kınofestıvali Grýzııada 2009 jyldan beri ótkizilip keledi. Atalǵan kınofestıval kıno-jáne teleoperatorlarǵa barshama qoldaý kórsetip, olardyń kásibı deńgeıin arttyrýǵa múmkindik beredi.