Jeke kásip ıelerimen kezdesti

Almaty qalasynda Qazaqstannyń demokratııalyq «Aq jol» partııasy óz­de­riniń saılaýaldy úgit-nasıhaty sheń­berinde «Qazaqstandyq bıznes-bir­lestikterdiń aldaǵy daǵdarystyń aldyn alý sharasy» atty dóńgelek ústel ótkizdi. «Aq jol» partııasy otandyq sha­ǵyn jáne orta kásipkerlikke qoldaý kórsetýdi óziniń basty maqsattarynyń biri retinde qarastyrady. Elimizdegi kásipkerlikti damytyp qana qoımaı, ony zańdy túrde qorǵaý úshin partııa keshendi sharalardy da qarastyrǵan. «Alda bolýy yqtımal álemdik daǵ­da­rys tolqynynyń qazaqstandyq kásip ıelerine de belgili dárejede qaýpi bar, sol sebepti, keleshekte nendeı sha­ralar qoldaný kerek degen máse­le­men búgin beldi kompanııalardyń ókilderimen bas qosyp otyrmyz», dedi dóńgelek ústelde «Aq jol» QDP tór­aǵa­synyń orynbasary Bórihan Nurmuhamedov. Kezdesýge jınalǵan otandyq bıznes-birlestik ókilderi álemdi taǵy bir sharpyp ótýi yqtımal ekonomıkalyq daǵdarystan «arbany syndyrmaı, ógiz­di óltirmeı» aman shyǵýdyń sha­ra­sy dep biletin ózderiniń usynystaryn ortaǵa saldy. Búgingi tańda «Aq jol» QDP elimizdegi ıntegrasııalyq úderis­terge qoldaý kórsetip keledi. Alaıda, qazaqstandyq rynokta otandyq taýar óndirýshilerge jeńildikter qarasty­ry­lýy kerek dep esepteımin, degen oı­dy «Jetisý» SPK basqarma tór­aǵasy Arman Evnıev talqyǵa salýdy usyndy. Osy usynysty damytqan Saý­da birlestigi assosıasııasynyń vıse-prezıdenti Jibek Ájibaeva shaǵyn jáne orta kásipkerlikti qurylǵanynan bastap 3 jylǵa deıin túrli salyq­tar­dan bosata turý, eseptik jáne salyq­tyq jaýapkershilik pen mindettemelerge jeńildik jasaý, jeke kásip ıelerine salyqtyq esepke baılanysty salynatyn aıyppuldy qysqartý jáne atalǵan esep memleketke úlken shyǵyn ákelmese, Qazaqstan Respýblıka­sy­nyń Qylmystyq kodeksindegi jalǵan kásipkerlikke qatysty zańnamany jum­sartý sharalaryn qaıta qarastyr­ǵan jón degen pikirin bildirdi. Memleket aqy tóleıtin qoǵamdyq jumystar tájirıbesin keńeıtý, jeke menshik kásipkerlik sýbektileriniń ja­ńa jumys oryndaryn qurý jónin­degi qyzmetin memleket tarapynan yn­talandyrýdy qamtamasyz etý, ká­sip­oryndardyń qaıyrymdylyq shara­lar­ǵa baǵyttalǵan shyǵystaryna sa­lynatyn salyq kólemin 3 paıyzdan 10 paıyzǵa deıin ulǵaıtý jáne memleket tarapynan yntalandyrý sekildi birneshe usynysty ózderiniń saılaýaldy tuǵyrnamasyna engizgen «Aq jol» QDP men otandyq bıznes birles­tik­teri­niń ókilderi osy dóńgelek ústelde kásipkerlikti damytý úshin mem­leket­tiń qarastyryp otyrǵan qarajatyn tıimdi jaratý maqsatynda jeke kásip­ker­likke qoldaý kórsetip otyrǵan ult­tyq ınstıtýttardyń qyzmetine parlamenttik monıtorıng júrgizýdi de usyndy. Qanat ESKENDIR. ALMATY.