Búgin shymyldyǵy ashylatyn fýtzaldan ÝEFA Chempıondar lıgasynyń toptyq týrnırinde Qazaqstannyń qos komandasy baq synaıdy.
Almatynyń «Qaıraty» Kosovoda óner kórsetedi. Búgin bizdiń jigitter jergilikti «Fenıks» klýbymen kezdesedi. Erteń Portýgalııanyń «Sportıngimen» saıysqa túsemiz. 6 qazanda Belarýstiń «Lıdasymen» sheberlik baıqasamyz. «Qaırattyń» bul týrnırde tolaǵaı tabystarǵa qol jetkizgenin jankúıerler jaqsy biledi. Atap aıtsaq, almatylyq klýb 2013 jáne 2015 jyldary Chempıondar lıgasynyń jeńimpazy atansa, taǵy birneshe ret júldegerler qataryna qosyldy.
Al «Aqtóbe» osyndaı dúbirli dop dodasyna alǵash ret qatysqaly otyr. Búgin Horvatııanyń Makraska qalasynda bastalatyn týrnırde jerlesterimz jergilkti «Novo Vrıemıa», fınlıandııalyq «Kampýksen Dınamo» jáne grýzııalyq TMS klýbtaryna qarsy oınaıdy. Osy jarysta tabysty óner kórsetken komandalar Chempıondar lıgasynyń elıtalyq tobynda kúsh synasý qurmetine ıe bolady.
Ǵalym SÚLEIMEN,
«Egemen Qazaqstan»