Bala kózindegi qýanysh

Atyraý munaıly óńir bolǵan­men, áleýmettik jáne ınfraqury­lym­dyq jobalardy munaı óner­ká­sibinde ju­mys jasaıtyn kásiporyn­dar­dyń qol­daýynsyz iske asyrý múm­kin emes. Sol sebepten, osy sa­la­daǵy iri kásip­oryn­dar da jergilikti bıliktiń usy­ny­symen óńir áleýe­ti­niń jaqsara túsýi­ne qoldaý jasaý­dy paryz sanaı­dy. Sonyń biri – «Nort Kaspıan Opereıtıng Kompanı B.V.» (NKOK) kom­panııasy. Jal­py, teńiz munaıyn ıgerýge umtylǵan kompanııalar toby 1998-2010 jyl­dar aralyǵyndaǵy ke­zeńde Atyraý jáne Mańǵystaý ob­lys­tarynda áleý­mettik salany qam­ty­ǵan 136-dan astam jo­ba­ny iske asy­­rypty. Bul jobalarǵa densaýlyq saq­taý, sport, mádenıet jáne bilim berý salalary úshin boı kótergen qury­lys nysandary kiredi. Dál osyndaı joba­nyń qatarynda Atyraý qalasy­nan birshama qashyqta ornalasqan Damba aýylynda salyn­ǵan balabaq­sha­ny da aıtýǵa bolady. Bul joba áleýmettik jáne ınfra­qu­rylymdyq jobalardy júzege asyrý mindetin alǵan «Nort Kaspıan Prodakshn Opereıshns Kompanı B.V.» (NCPOC) agent-kompa­nııa­symen birge iske asyrylypty. Jaqynda Damba aýylynda 160 oryndyq balabaqsha ǵımaratyn tap­syrý saltanaty ótkizildi. Salta­nat­ty sharanyń ashylýynda sóz alǵan «NKOK» kompanııasynyń syrtqy qa­tynas jónindegi dırektory Per Delpon «Biz qyzmetimizdi júrgizip jatqan óńirdiń jergilikti halqyna qoldaý kórsetýge múddeli ekenimizdi atap ótkim keledi. Qazaqstan Respýb­lı­kasy Táýelsizdiginiń 20 jyldyǵy ata­lyp ótiletin mereıli jylda biz­diń konsorsıým birneshe jobalardy aıaqtaýdy josparlap otyr. Olardyń keıbiriniń jobalaý jáne qurylysyn júrgizý jumystary atqarylýda. «NCPOC» kompanııasymen biz jergilikti organdarmen osy jobalardy odan ári jetildirý, sonymen qatar, oryn­daý maqsatynda birlesip ju­mys jasaımyz. Búgin bizdiń qarjy­lan­dyrýymyzben boı kótergen bala­baqshanyń birin tapsyryp turmyz. Osy jańa balabaqshadan tálim-tár­bıe alatyn balalardyń kózinen únemi qýanysh kórsek deımiz» dep atap ótti. Per Delpon myrzanyń aı­týyn­sha, jańa balabaqshany jıhaz­ben, qu­ral-saımandarmen jabdyq­taý, aýla­syn abattandyrý, jabyq oıyn alańy men transfor­ma­tor­lyq podstansany ornatý, sondaı-aq, saıabaq jáne bala­baq­shaǵa kiretin asfalt jol tóseý jumystary sheteldik kompanııa esebinen júr­gizilipti. Endi aldaǵy kók­tem aı­larynda kógaldandyrý ju­my­sy qolǵa alynǵaly otyr. NKOK-tyń ókili Per Delpo­n­nyń pikirinshe, áleýmettik jáne ınf­raqurylymdyq jobalaryn qar­jy­lan­dyrý Atyraý jáne Mańǵys­taý ob­lys­taryna teń bólinedi. Má­selen, 1998-2010 jyldar araly­ǵyn­daǵy ke­zeń­de tek qana Atyraý oblysynda 90 mıllıonnan astam AQSh dollary osyn­daı jobalardy iske asyrýǵa jumsa­lyp­ty. Bıyl atal­ǵan konsor­sıýmnyń demeýshilik já­ne qaıy­rym­­dy­lyq baǵ­dar­la­ma­sy aıasynda 15 jo­ba­ny iske asyrý aıaqtalǵanyn habarlady. Konsorsıýmnyń demeýshilik já­ne qaıyrymdylyq kómegin egde tart­qan qarııalar toby udaıy alyp turady. Ásirese, Balyqshy kentindegi soǵys jáne eńbek ardagerleri, múgedekter qoǵamyna, «Frontovıchka» ardagerler klýbyna azyq-túlik kýpony retinde, keıde shıpajaıǵa jol­dama beriledi. Mundaı qaıy­rym­dy­lyq kómekten Maqat aýdanynyń turmysy tómen otbasylary shet qal­ǵan emes. Jyl ishinde osyndaı sanattaǵy adamdar tobyna 227 azyq-túlik kýpondary men shıpajaıǵa 29 joldama berilipti. Buǵan qosa ob­lys­tyq ınfeksııalyq aýrýhanasyna osy zamannyń eń ozyq medısınalyq jabdyqtarymen qamtylyp, syr­qat­tarǵa sapaly qyzmet kórsetýge jol ashyldy desek artyq bolmas. Sony­men birge, Atyraý qalalyq aýrý­ha­nasy men № 14 Chehov atyndaǵy orta mektepke kompıýter jabdyqtary alynyp berilgen. Al «Altyn ba­lyq» balabaqshasyna aýla oıyn ala­ńy, N. Krýpskaıa atyndaǵy orta mektepke mýzykalyq aspaptar men sport saımandary tartý etilgen. Sheteldik kompanııa mundaı de­meý­­shilik jáne qaıyrymdylyq kómek­ti tek Atyraý oblysy ǵana emes, so­ny­men birge, Mańǵystaý óńirine de kór­setýdi dástúrge engizgen. Máselen, 2010 jyly demeýshilik jáne qaıy­rym­dylyq baǵdar­la­ma­sy sheńberinde Mańǵystaý jáne Atyraý oblys­ta­ryn­da 84 joba já­ne de iske asy­ryl­dy. Tek Atyraý ob­lysynyń ózinde 42 joba qar­jy­landyrylypty. Mu­nyń 24-i Atyraý qalasynda jáne 18-i Maqat aýdanynda iske asyrylǵanyn aıtýǵa bolady. Osy jobalardy qar­jy­lan­dyrýǵa 221 mıllıon teńge (1,5 mıllıon AQSh dollary) bólinipti. Jo­ba­ǵa baǵyttalǵan qarjy Mańǵys­taý, Atyraý oblystary, osy óńir­ler­degi Túpqaraǵan jáne Maqat aý­dan­dary arasynda teń bólinip keledi. Qazir Atyraý qalasynyń ma­ńyn­daǵy taǵy bir eldi meken – Aq­jarda da balabaqsha qurylysy aıaq­talýǵa taıa­dy. Bul da 160 oryn­ǵa eseptelgen. Balabaqsha 4 bloktan turady, 9 oıyn alańy, kókónis saqtaý qoıma­sy, órt sóndirý úshin sý jınaýǵa 4 qazan ornatylyp jatyr. Mine, mu­naıly óńirdegi áleýmettik joba­lar­ǵa 10,9 mıllıard teńge jumsaǵan she­teldik ınvestorlardy toǵystyr­ǵan alyp NKOK jaqynda «Pa­ryz-2011» konkýrsynyń laýreaty atandy. Joldasbek ShО́PEǴUL. Atyraý oblysy.